Confinados nace, en clave de hilarante comedia, das experiencias sufridas durante o confinamento. Catro amigas xúntanse por vídeochamada e deciden fuxir das compulsivas rutinas provocadas pola situación de illamento, ao estilo de Boccacio, no seu Decamerón. Deste xeito evadiranse da súa particular “Florencia” contando catro surrealistas historias.
Nunha imaxinaria situación histórica, social e xeográfica, o magnate Ramiro Soutelo, alma mater do emporio “Soutelo Enterprise”, medra ó abeiro das amizades políticas e xudiciais, entre as que son moeda corrente as corruptelas e os cartos en negro para facer valer as súas ambiciosas ansias de poder económico e político, sen que tales actividades lles causen desacougos nin remorsos a ningún dos seus actores. As lapas da conciencia apáganse co mellor extintor coñecido: o diñeiro. Unha comedia aceda contada entre risas e prantos, na que nos preguntamos:
As impresentables de Atlántida de Matamá ás 20:00 horas no Auditorio Municipal. Unha directora un pouco antipática empeñada en sacar adiante unha obra despois da pandemia, unha becaria que é explotada e un elenco…Do máis impresentable. Con intermedios publicitarios e escenas do mais estrafalarias, “As Impresentables” tratará de facer rir ao público asistente. É unha obra de teatro cómica de sketches con pezas de Tomás Afán, Alejandro Jodorowsky, Eugene Ionesco ou os Monty Python. A entrada é de balde ata completar aforo.
Próspera, antiga duquesa de Milán, planea vingarse do seu irmán Antonio, quen conspirou para expulsala do ducado e ocupar o seu lugar. Próspera e a súa filla Miranda son abandonadas nun bote vello e chegan a unha illa na que viven durante doce anos.
Teatro de sombras chinés, monicreques, narración e interpretación, para público familiar a partir de 5 anos.
Un espectáculo simplemente fermoso, inspirado en valores como a amizade e o amor pola natureza. Colgada dunha rama dun baobab milenario, Mona Simona espera soñadora o amencer para saudar ao astro rei, o Sol. Convida a todos os animais que pasan baixo a súa árbore para ver o gran espectáculo e para quitarse o soño e a soidade da espera, pídelles que lle conten un conto.
O Concello de Nigrán sumarase como cada ano á conmemoración do 'Día Internacional Contra A Violencia de Xénero' o propio venres 25 de novembro coa posta en escea da obra 'Golpes' ás 19:00 horas no Auditorio Municipal. A entrada é de balde ata completar aforo. Esta peza, que antes estivo nos dous institutos do municipio, está dirixida por Xosé Leis e interpretada pola actriz Estíbaliz Veiga. “Golpes” denuncia, dun xeito directo e sen ambaxes, a violencia machista a través da voz de Pamela, unha muller que namorou baixo os postulados do amor romántico e rematou sendo vítima de violencia.
No sigl XVII, as mulleres están destinadas ao matrimonio. Só unhas poucas tentan cambiar isto.
Comedia policiaca ambientada no Londres dos anos sesenta.
Dous maridos policías, Horacio e Ernesto, e as súas respectivas mulleres, Laura e Isabel, ven envolvidos nunha misteriosa trama de asasinatos, lios e intrigas, que, como bos ingleses, tratarán de desenredar coa máis fría lóxica.
Gloria e Josete acábanse de independizar baixo a tutela de Claudia. Ante a necesidade de atopar un traballo para poder ter un soldo co que manterse, Claudia proponlles que tenten dedicarse a algo que lles guste de verdade. Eles queren ser artistas. Para iso deberían atopar un representante. E resulta que Gloria leva tempo falando cun a través dunha app de ligues? aínda que usando unha foto de Claudia sen que esta decatásese.
Dúas Actrices e un Actor trazan en escena o mapa de incendios provocados, ao longo dos últimos anos, nos bosques e montes de Galicia. Na súa investigación, descobren dous sucesos que tiveron lugar na comarca coruñesa de Ordes, afastados no tempo, pero conectados entre si polo lume e o ritual: os estudos etnográficos do antropólogo danés Gustav Henningsen na década dos 60 e o roteiro incendiario dunha gandeira no verán de 2016.
