Proxección audiovisual

Romina volve á casa familiar despois de ser nai. Afastada do pai de Ramón, o seu fillo, refúxiase na casa da súa nai, Mónica. Alí vese mergullada na temporalidade da súa nai, dela como filla, e tenta dilucidar que desexa. De visita en Buenos Aires, Romina dá clases de alemán, tenta retomar a súa vida de solteira, saír de noite. Quere saber como era antes da experiencia do amor ao seu fillo. Precisa comprender quen é, retornando ás súas orixes e reconstruíndo algo da historia familiar. Debut na dirección da escritora, dramaturga e actriz Romina Paula.

Nunha vila da costa galega o tempo semella terse detido. Toda as persoas están paralizadas aínda que as súas voces poden oírse: falan de pantasmas, de meigas, de monstros. Ao lugar chegan tres mulleres buscando ao Rubio, un mariñeiro da vila que desapareceu no mar.

Lena está embarazada de sete meses e completamente segura de que quere vender o bebé que está no seu interior. Ermanno decide finxir que el é o pai. Fabio, o tío de Ermanno, pagará o diñeiro que ambos piden para adoptar o fillo que tanto el como a súa muller Bianca non poden ter. Nun mundo no que o único que importa son os cartos, tanto Lena como Ermanno comezan a entender que existe algo máis importante que elas mesmas polo que loitar e que, tras moito tempo, están comezando a converterse en aquilo que só finxían ser.

O xefe de policía do bosque Gordon está a piques de retirarse e debe atopar un novo asistente. Paddy, unha ratiña intelixente cun gran sentido do olfato parece ser a candidata axeitada. Xuntos teñen que resolver o último caso de Gordon: o misterio das landras do esquío desaparecidas. Podería ser a raposa quen as levou? Gordon e Paddy descubrirano de contado.

Un filme sobre a amizade entre xeracións, o intercambio de coñecementos e a importancia de non tirar conclusións antes de tempo.

En 1992 suceden en España dous eventos fundamentais: os Xogos Olímpicos de Barcelona e a Exposición Universal de Sevilla, vinculada á celebración do V Centenario do Descubrimento de América. Dez anos despois da subida ao poder do PSOE de Felipe González, España aparece ante a comunidade internacional como un país efervescente, moderno e civilizado. Unha futura potencia económica mundial.

A Terra, ano 2084. Doug Quaid, un home que leva unha vida aparentemente tranquila, vive atormentado por un pesadelo que todas as noites o transporta a Marte. Decide entón recurrir ao laboratorio de Recall, unha empresa de vacacións virtuais que lle ofrece a oportunidade de materializar o seu soño grazas a un forte alucinóxeno, pero a droga fai aflorar á súa memoria unha estancia verdadeira en Marte cando era o máis temido axente do cruel Coohagen.

En 1974, Werner Herzog camiñou desde Munich a París, un acto de fe para evitar a morte da súa mentora Lotte Eisner. En 2020, un mozo cineasta camiña seguindo as pegadas de Herzog nun acto de amor cara a un dos mellores cineastas do noso tempo.

Barcelona, anos 60. Combinación de imaxes reais e animación 3D xerada por computador. Copiño de Neve, un gorila albino, busca unha poción que o converta nun gorila normal para que, no Zoo, os seus congéneres acépteno como un dos seus. Ao mesmo tempo, o malvado Luc de Sac, un dos homes máis gafes do mundo, tenta cazalo, convencido de que o gorila albino é un amuleto infalible contra a súa mala sorte.

Recien terminado o franquismo, nunha idílica e recóndita aldea galega, vive Breixo, un mozo xeneroso e idealista. Un día, preto da aldea, atópase cos membros dunha comuna e déixase seducir polas súas ideas. Decide entón colaborar con eles para crear un sistema baseado no traballo da terra, o contacto coa natureza e a ausencia de propiedade privada. Pero todo complícase cando Breixo namórase perdidamente dunha moza da comuna. El, que non acepta o amor libre, nin as drogas, nin o ateísmo radical, abandona a súa terra cheo de tristeza.

Cineuropa garda o xoves un lugar especial para as novas propostas do cinema galego coa presentación das curtametraxes Carta nº 4 (2020), de Marcos Nine, Como estatuas que son los guardianes de los muertos (2019), de Gonzalo E. Veloso, Monte Bravo (2020), de Noelia María Muíño González, Burdeos-Porto (2020), de Ángel Filgueira e Marta Valverde, e Helsinki 79 (2019), de Pablo Fontenla. Boa parte das autoras e autores conversarán co público nesta sesión.