Mungo é unha toupa que acaba de comezar traballar na mina, negocio familiar desde tempos inmemoriais. O que el realmente quere é ser futbolista, pero teme decepcionar ao seu pai. Cando a mina periga pola ameaza dun avaricioso gato, non só descubrirá que os dous mundos poden convivir, senón que a salvación da mina depende da súa destreza co balón.
Na década de 1980, durante a presidencia de Reagan, unha familia de emigrantes surcoreanos en EE.UU. decide instalarse en Arkansas, tras abandonar California. Traballan sexando polos, pero o soño do pai é instalarse como granxeiro e cultivar verduras para o mercado coreano estadounidense. A nai, pola contra, preferiría vivir na cidade, preto dun hospital, pois o seu fillo David está enfermo do corazón.
Novembro de 1985. Mikel Zabalza, un mozo condutor de autobús, é detido xunto a outras persoas pola Garda Civil no campo dunha operación antiterrorista. Cando os demais mozos son liberados, denuncian ser salvaxemente torturados. Mais falta Mikel. As autoridades alegan que se fugou e mentres as esperanzas de atopalo vivo van desaparecendo, as rúas do País Vasco arden cun berro: «Onde está Mikel?»
Despois dunha ruptura, unha moza de 23 anos regresa a casa do seu pai. Alí descobre que este ten unha relación cunha moza da súa mesma idade.
"II Certame de curtos mulleres LTB: Sororidad e feminismo", organizado pola Asociación Ás Coruña.
O Museo Massó presentará un micro-vídeo titulado "Atadoras atrapadas na rede", dedicado ao colectivo das rederas e a súa loita para conseguir dignificar o oficio, conseguir mellores condicións laborais e recoñecemento no sector pesqueiro, e poñer fin á brecha de xénero que existe entre este colectivo e o dos rederos.
A primeira sesión do ciclo estará dedicada a Buster Keaton. O xenio texano do slapstick, un dos habituais da programación deleitaranos nesta ocasión cunha colección de tres dos seus mellores mediometrajes:
O Museo de Belas Artes da Coruña celebra este ano o Día da Muller coa presentación dunha serie de videos divulgativos dedicados a cinco das mulleres artistas representadas na colección do museo, centrándose nunha das súas obras.
As artistas seleccionadas para esta ocasión son a escultora Elena Colmeiro, coma homenaxe tras o seu recente pasamento, e as pintoras Julia Minguillón, María Röesset, María Victoria de la Fuente e Dolores Díaz Baliño.
Estes videos divulgaránse nas canles e as redes sociais do museo, un cada día da semana do 8 ao 12 de marzo.
Dúas historias de amor independentes que se desenvolven no popular barrio turístico de Tsimhatsui, en Hong Kong. A primeira describe o fugaz encontro entre un mozo policía en plena crise amorosa e unha misteriosa muller fatal traficante de drogas. A segunda céntrase no singular romance entre un solitario e sinxelo axente de policía e a nova camareira do bar onde aquel adoita comer.
A historia céntrase en Sosuke, un rapaz de cinco anos, e a súa relación cunha princesa peixe que ansía converterse nun ser humano. Libre adaptación de 'A sereíña' que obtivo unha moi boa acollida da crítica no festival de Venecia 2008.
