Outras actividades

Novo desafío da Raposa Fedella!

Hoxe quere poñer a proba a vista de aguia dos vosos pequenos e pequenas cunha das súas pinturas favoritas da exposición do Museo Centro Gaiás Galicia, un relato no mundo, 'O Paraíso terreal', de Pieter Brueghel 'O Mozo'.

Unha paisaxe natural chea de animais, do que se aproveita a nosa pícara amiga para retos en familia sobre os vosos coñecementos sobre o medio natural e tamén para poñer ao descuberto os vosos dotes artísticos e creativos. Vai quedar asombrada coa vosa destreza!

Amigas e amigos, a Raposa Fedella precisa a axuda da vosa cativada: a Biblia Kennicott desapareceu!  Como sabedes, trátase dunha das obras máis importantes da exposición Galicia,un relato no mundo do Museo Centro Gaiás e ten un valor incalculable. Na vitrina apareceron unha serie de enigmas que debedes resolver en familia para dar co seu paradeiro e de seguro que, ao mesmo tempo, ides coñecer un bocadiño máis desta obra mestra, considerada unha das máis fermosas do mundo!

Premede  enriba da imaxe da Raposa Fedella para descargar os enigmas e que... comece a aventura!

Presentámosvos a unha habitante moi especial do monte Gaiás: A Raposa Fedella ! Astuta, intelixente e fan da arte. Pero, ademais é moi pícara, xa que non para de matinar enigmas e retos, créndose infalible. Pero para habilidosos e enxeñosos, os vosos pequenos e pequenas, ás que lles preparou uns  desafíos creativos e artístiscos ao redor do seu tema e sitio favorito da Cidade da Cultura: o Museo Gaiás.

A Real Academia Galega celebra o Día das Letras Galegas na rede con propostas para todas as idades.

Que sabes de... Carvalho Calero?,  novo concurso nas nosas redes sociais para celebrar o Día das Letras Galegas

Comezamos a conmemoración das #letrasgalegas2020 na Biblioteca Pública da Coruña Miguel González Garcés.

Desde o luns 11 de maio poñemos a proba os vosos coñecementos sobre o escritor homenaxeado deste ano, Ricardo Carvalho Calero

A Consellería do Mar, pola súa banda, realizará dentro da campaña Vai de Peixe, de promoción do consumo de produtos do mar entre os millennials galegos, un concurso de relatos curtos en galego baixo o nome de Vai de Letras. Esta acción está dirixida ás mozas e mozos de entre 18 e 35 residentes en Galicia e para participar nela deberán completar este texto de inicio -“Queremos a vida como queremos o peixe, sen espiñas, pero...”- cunha proposta de non máis de 150 palabras, a maiores do texto de inicio, ao que poderán acceder a través das redes sociais e da web de Vai de Peixe.

Tes peques na casa? Gústalles debuxar, pintar, facer manualidades...? Apetécevos gañar unha visita a Marcelle, un patinete e lotes de libros? Propoñémosvos participar no concurso de artes plásticas que organizamos con motivo das Letras Galegas 2020 en colaboración coa Secretaría Xeral de Política Lingüística da Xunta de Galicia. A temática é tan aberta como inspiradora: PRIMAVERA DE LETRAS. Atréveste a plasmar nunha obra que é para ti o galego e as nosas letras?

A Secretaría Xeral de Política Lingüística promove este vídeoclip animado por Luz Beloso en que 8 voces femininas da música galega -as de Paty Lesta, Uxía, Guadi Galego, Rosa Cedrán, Carmen Rey, Mari Faltrí, Paula Romero e María Costa- e os músicos Cristian Leggiero, José Churruca e Hansel Luís se unen para interpretar unha nova peza composta por Magín Blanco co obxectivo de animar a xente miúda da casa nestes días de confinamento. Porque #aculturasegue e a lingua galega non para.

O Centro de Estudos Galegos da Universidade de Zúrich celebra o Día das Letras Galegas cun evento a través da plataforma Zoom.

O evento incluirá as conferencias "Ricardo Carvalho Calero e a questione della lingua galega", a cargo de Johannes Kabatek, e "O sonho de Ricardo Carvalho Calero de um mundo lusófono", a cargo de FErnando Brissos).

Ligazón de Zoom: hLps://uzh.zoom.us/j/5148324118? pwd=MHc4d1dtN0l4emhzV1NNVXlPZVBUQT09

ID de reunión: 514 832 4118

Contrasinal: 208997

Os relatos que se presenten ao certame deberán ter unha extensión máxima de 500 caracteres e comezar coas palabras "Á sombra daquel carballo centenario...", coas que se quere honrar o autor que será homenaxeado o próximo 17 de maio, Ricardo Carvalho Calero.

O prazo para presentarse estará aberto entre o 7 e o 31 de maio de 2020.