Outras actividades

O Fondo de proxectos culturais Xacobeo 2021, da man de Vida Láctea e da Dirección Xeral de Xuventude, Participación e Voluntariado, en colaboración coa Secretaría Xeral de Política Lingüística, organiza en Lugo a CREATIVE JAM. IDEA X21. XUVENTUDE É CAMIÑO, un encontro internacional dirixido á mocidade xacobea que ten como finalidade de darlle a mozos e mozas, de entre 16 a 30 anos, a oportunidade de ser creativos e creativas e de construír prototipos arredor da temática xacobea a través de obradoiros e dun hackathon.

Convocados pola Consellería do Medio Rural, os Premios Exceleite recoñecen a excelencia da calidade hixiénico-sanitarias das explotacións leiteiras de gando vacún de Galicia. Para iso, o pasado día 16 de xuño de 2020, convocáronse oficialmente estas
distincións, coas que se procura eloxiar o compromiso, o saber facer e o gran traballo dos produtores galegos, no proceso de obtención dun leite cru da mellor calidade.

Co fin de contextualizar o significado propio da fotografía analóxica no seu momento de máxima introdución social e coñecer as técnicas previas á chegada da película de celofán, nesta actividade as persoas participantes procurarán unha fotografía antiga da que son protagonistas, sós ou cos familiares e amigos, e realizarán a mesma toma fotográfica no mesmo escenario ou nun semellante, pero catro ou cinco décadas despois.

Actividade incluída na Semana de Xornalismo de Opinión e Fotografía Analóxica, unha iniciativa pertencente ao Fondo de proxectos culturais Xacobeo 2021, na que se inclúen diversas propostas:

A cidade de Lugo acollerá durante os días 12 e 13 de decembro o Internacional Creative Jam Idea X21 Xacobeo é Camiño, no marco da programación do Fondo de Proxectos Culturais Xacobeo 2021 da Xunta de Galicia. O encontro, organizado por Vida Láctea e dirixido á mocidade xacobea, celebrarase presencialmente e poderase tamén seguir en liña.

Entrega dos galardóns correspondentes á décimo primeira edición dos premios Agader ás iniciativas de desenvolvemento rural, dirixidos a promover as condicións para que os axentes socioeconómicos locais das zonas rurais formulen iniciativas de desenvolvemento. Neste marco, resulta de interese pór en marcha as actuacións que animen a participación privada no proceso de desenvolvemento rural e que contribúan a conservar e dinamizar o contorno rural facendo del un medio máis atractivo.

Entrega dos galardóns correspondentes aos Premios Camiño de Santiago. Estes recoñecementos, convocados pola Xunta de Galicia, teñen como obxectivo distinguir as actuacións públicas e privadas destinadas a conservar, mellorar e embelecer a contorna das distintas rutas do Camiño de Santiago; así como aqueloutras que supoñan novos servizos ou a innovación e mellora daqueles que se prestan aos peregrinos, e as accións específicas de divulgación e promoción, de xeito que se contribúa a un aumento da conservación, difusión e a posta en valor do Camiño de Santiago e da cultura xacobea.

Os queixos e o mel son dúas das producións máis senlleiras do agro galego. As características específicas do noso territorio e o saber secular dos nosos produtores fan que estes produtos teñan personalidade propia e que acaden o recoñecemento dos consumidores. Para premiar a excelencia, a Consellería do Medio Rural concede anualmente as distincións que identifican aos mellores queixos e meles de Galicia. 

Este mércores contamos na Biblioteca coa autora galega, Ledicia Costas, para falar da súa obra A señorita Bubble (Edicións Xerais) no que explica os motivos polos que escribiu este libro e fai un pequeno xogo e un percorrido por mulleres inventoras que mudaron a Historia.

A señorita Bubble dá pé tamén a falar doutras obras literarias que gardan unha estreita relación con este libro. Acompaña ao encontro unha proxección de pequenas escenas de películas e unha quenda de preguntas.

O premio Novela Europea “Casino de Santiago”-“Camiño de Santiago” pretende promover a lectura e o espíritu europeísta, convirtindo a toda a cidade de Santiago de Compostela e a outras cidades europeas significativas en xurado dun premio literario. 

Unha comisión de expertos selecciona cinco novelas de escritores europeos publicadas no ano en curso, novelas que son promocionadas por todas as librarías de Santiago como novelas finalistas.

As novelas finalistas da XV edición son: