Neste espectáculo no que se mesturan a maxia, o clown e os monicreques Mandarina fará que grandes e pequenos se sorprendan e rían con xogos de maxia cómica e a aparición do seu malhumorado paxaro, Rigoberto.
Mandarina é unha personaxe moi potente que une a ironía e a intelixencia do mago co despiste, a inocencia e o amor polo público do pallaso nun cóctel realmente explosivo.
"Animagicus" é un espectáculo para público infantil e familiar cheo de emocións, trucos orixinais e modernos, trucos clásicos, bromas, sorpresas, interacción co público, música en directo... monicreques máxicos, máscaras engaioladas, varas sorprendentes, espadas encantadas, cordas tolas, cartas xigantes,...
¿Pódese facer maxia cun instrumento de corda?
¿Pódese facer composicións musicais dunha baralla?
Manipulacións de cartas que fan música, papeis rotos e recompostos que crean ritmos, cordas que se rompen e siguen soando e unhas notas máxicas de humor co espectador.
Espectáculo de maxia de mediano formato, maxia visual para toda a familia.
A orixinalidade, comedia, e drama xneste espectáculo para facer pasar un anaco dos que non se esquecen.
Efectos de maxia coa mente, con alimentos e mesmo co propio corpo do mago sácanlle un sorriso ó público e demostran que todo é posible.
Esta actuación forma parte de Cultura no Camiño, que leva maxia, teatro, música, danza e novo circo polos concellos onde discorren as rutas xacobeas.
Un espectáculo onde a maxia existe realmente. É un cóctel formado polo humor e as situacións cómicas e divertidas, pola participación do público como improvisados axudantes e a música seleccionada para crear un ambiente moi máxico, dando lugar á creación de verdadeiros milagres.,
Nesta ocasión o Mago Paco sorpréndenos coa súa última aventura. Unha viaxe pola Galiza máis festeira, acompañado de dous músicos un tanto peculiares.
Un espectáculo que mestura a maxia con música tradicional en directo, tratando de achegar a cultura, a troula e o folclore galego ós máis cativ@s da casa.
Espectáculo de maxia de 70 minutos para todos os públicos.
Unha creación máxica-teatral, con comicidade surrealista e ilusións afastadas do corrente.
A maxia nunha mudanza, nunha pintura, sen a luz ou coas ferramentas para a limpeza xeran a trama dun acto, cheo de gags visuais, diálogos apegados ao sorriso e prestidixitacións sorprendentes.
Espectáculo do Mago Teto, no que intenta facer realidade os seus soños, a través dunha serie de ilusións na procura de crear emocións nos asistentes.
Aneis que desaparecen para aparecer nos sitios máis insólitos, coitelos que poñen en perigo a vida dos espectadores…Ademais de ter a oportunidade de coñecer a "Leti", a única serpe do mundo capaz de adiviñar cartas, e a Viscobich, un coello moi máxico.
Obra máxica-teatral que xira ao redor dunha roda de afiador dos anos 30, herdada polo Mago Teto dos seus ancestros.
Esta programación pode sufrir modificacións. Confirmar datas e horas nos espazos onde se representa: Teatro Principal de Santiago de Compostela.
