Un dos máis famosos escritores galegos, Álvaro Cunqueiro, dixo: “A ostra é un manxar esencial para abrir unha mariscada. Ten un sabor espiritual, que é como unha saudade do mar”. Máis de 25.000 persoas confírmano cada ano en Arcade, onde a ostra ten o sabor das augas da desembocadura do río Verdugo.
Arraigada no corazón da poboación de Ferrol desde hai máis de 100 anos, na Festa das Pepitas homenaxéase a todas as mulleres da cidade a través de tunas e cancións. Numerosas agrupacións musicais da cidade e a súa comarca participan nesta celebración con valses, danzas e habaneras, que soan a través do seus laúdes, mandolinas ou bandurras.
As xentes de Lestedo, a uns 15 quilómetros de Santiago de Compostela, resístense a rematar o Entroido, e o domingo de Piñata (o seguinte ao martes de Entroido) celebran a Festa da Filloa. O obxectivo que perseguen desde o ano 1984 é popularizar unha das sobremesas máis tradicionais de Galicia, que nas datas de Carnaval cobra especial protagonismo nas casas e nos restaurantes.
Con máis de trinta e cinco anos de historia (desde 1976), a Festa do Queixo de Arzúa tense consolidado como unha das citas gastronómicas máis importantes de Galicia, tanto pola calidade do produto protagonista como polo interese dos actos programados.
A capital da comarca gandeira do Deza presume de boas carnes en xeral, mais fixo do porco un símbolo de identidade. De feito, unha escultura en bronce recorda nunha rúa céntrica o significado do porco para Lalín e a súa importancia na proxección da súa imaxe no exterior.
A Festa dá Cachucha, unha celebración gastronómica de degustación dos produtos máis saborosos do porco. Celébrase o Domingo de Piñata con participación dos establecementos hostaleiros da vila, nos cales ofrécese un cocido como menú estrela.
El Entroido y la Festa da Cachucha de O Carballiño contarán este año con más grupos de animación de calle, concursos, desfiles y verbenas. De hecho, entre el concello y la hostelería se repartirán casi 8.000 euros en premios, lo que su pón un récord.
DOMINGO, 1 DE MARZO
XXVI FESTA DA CACHUCHA
As orixes do Entroido desta parroquia situada na ría de Vigo remóntanse ata o século XVIII. Aquí, madamas e galáns (mulleres e homes vestidos de branco) e aldeáns representan distintas posicións económicas e roles sociais, tanto mediante as súas vestimentas como pola posición que ocupan nos pases, bailes e exhibicións. Madamas e galáns, moi rechamantes polos seus suntuosos sombreiros e a súa pulcra vestimenta, ocupan a posición social máis elevada, mentres que os aldeáns representan o último elo da cadea e o grupo maioritario. Todos, iso si, van neste Entroido a cara descuberta.
A Entidade Local Menor de Bembrive acolle desde hai máis de 350 anos a que está considerada como unha das festas máis populares de Galicia: o San Brais de Bembrive. Trátase dunha festividade de transmisión interxeracional na que, cada 3 de febreiro, se xuntan devotos do Santo, así como da música ou da gastronomía. Entre os elementos que definen esta festa destaca a romaría, o rito de poñer unha cancea ao Santo contas os males da gorxa, desfrutar do viño nos furanchos ou comer a cachucha do porco.
A Festa do Botelo celébrase de modo interrompido desde o ano 2001, e conta coa singularidade de ser, na actualidade, unha das poucas que se celebra en Galicia para honrar este singular embutido, típico e xenuíno da comarca de Valdeorras. Esta festa reúne cada ano máis de novecentas persoas nun xantar colectivo no cal se pode degustar o botelo acompañado de cachelos con repolo e chourizos, con viño tinto do Barco, así como a sobremesa de torta de roxóns.
A vila de Cuntis celebra unha festa que combina a exaltación da gastronomía típica do inverno cos últimos días do Entroido, que nesta localidade pontevedresa simboliza o Enterro do Chapante.
A Festa do Lacón con Grelos de Cuntis é por iso algo máis que a posta en valor dun produto gastronómico, o lacón, galego por excelencia, que procede das extremidades dianteiras do porco. Desde os seus inicios, en 1998, serve para promocionar o seu rico patrimonio cultural e natural.
