Festa de interese turístico

A Romaría do Santo Antonio Ventureiro da Rigueira celébrase o 13 de xuño de cada ano coincidindo coa festividade que conmemora o pasamento de Santo Antonio de Padua. É unha festividade relixiosa en que a poboación local e as persoas visitantes participan percorrendo calquera dos oito roteiros que conducen á igrexa parroquial de San Miguel da Rigueira, onde se garda a imaxe de Santo Antonio, para conseguir a ventura (diploma de participación) e o lirio branco (flor do santo e emblema da festa).

Na noite do primeiro sábado de xullo a vella fortaleza medieval de Vimianzo volve ser rodeada por miles de persoas dispostas a atacala. Trátase da festa do Asalto ao Castelo de Vimianzo, unha celebración única. 
Inspírase na Gran Guerra Irmandiña que comezou en 1467 en toda Galicia, momento no que o pobo se ergueu contra o poder abusivo dos señores feudais.
A entidade organizadora é Cherinkas, co Concello de Vimianzo e Axvalso.

Festa de marcado carácter etnográfico e na que cada primeiro de maio se pon en valor a carne da tenreira a través dunha degustación, así como un concurso e exposición de gando con importante afluencia de gandeiros na comarca. Celébrase no campo da feira da Pobra de San Xiao.

A Feira do Viño de Pantón sucédese cada ano nesta localidade a mediados do mes de maio para enxalzar a viticultura da zona, cuxo carácter diferenciador vén dado pola súa situación xeográfica ao atoparse entre as ribeiras de tres ríos (Cabe, Sil e Miño), que producen cadansúas uvas con características propias que deste xeito resultan determinantes no produto final.

Durante toda a fin de semana sucédense actuacións musicais e charangas.

A empanada galega está de moda e proba disto é o recoñecemento e a fama que o produto estrela da cociña desta comunidade autónoma está a acadar a nivel nacional e internacional. Bacallau, zamburiñas, polbo, mexillóns, carne, bonito, chocos ou mesmo de cocido son só algúns dos tesouros que pode conter a masa galega que xa está presente en bares, restaurantes, supermercados, festivais, panaderías e, en definitiva, en todos os recunchos do noso país.

En Friol, na segunda quincena do mes de marzo, celébrase anualmente a Feira do Queixo e do Pan, co obxectivo de homenaxear e preservar a tradición local de elaboración do queixo e do pan, así como rememorar o costume antigo das feiras que tiñan lugar no Concello de Friol.

A Romaría de Santa Marta de Ribarteme, no concello das Neves, é coñecida, entre outros motivos, pola súa singularidade con cadaleitos portados en procesión que levan no seu interior os propios oferentes para solicitar a intervención por un familiar ou por si mesmos.

Existe documentación que demostra que O Enterro da Sardiña de Marín xa se celebraba no século XIX. (La Voz de Galicia do ano 1882). 

Aínda que foi prohibido desde o ano 1936 ata que se recuperou de novo no ano 1976, vénse celebrando ininterrompidamente ata os nosos días, o Mércores de Cinsa de cada ano e organizado polo Ateneo Santa Cecilia de Marín.

O Entroido de Foz é sinónimo de arraigo, sentimento, emoción, humor, transgresión, participación, imaxinación, calidade, vistosidade, festa multicolor…

Entroido de xuventude e veteranía, de peñas, de turutas e comparsas, de multitudinaria participación, que se comeza a desfrutar coa Cea de Coroación da Raíña/Rei de Entroido (dúas semanas antes das datas de Entroido) chegando á máxima expresión co espectacular desfile de máis de tres horas de duración o sábado de Entroido. 

Situada nun lugar natural emblemático (a Carballeira de Velar), caracterízase por ofrecer unha rica oferta cultural con concertos de música folk nos que teñen cabida grupos galegos, nacionais e internacionais. Tamén destaca o xantar popular e o seu mercado ecolóxico e feira de artesanía.