Feira/Mostra

Para celebrar o Día Internacional da Muller, na biblioteca presentamos unha selección de libros e películas onde a muller é a protagonista

Moitos dos nenos e nenas que agora temos corenta anos lembramos con cariño as risas que Juan Muñoz martín nos fixo botar coas disparatadas aventuras de Frei Perico ou do Pirata Garrapata. Por iso, na sala infantil, queremos homenaxear a este autor, que foi pai de personaxes inmortais, convidándovos aos nenos e nenas, pero tamén aos maiores, a que desfrutedes das súas sempre divertidas historias.

Pode visitarse na sala infantil no horario de apertura da biblioteca durante todo o mes de marzo.

Con motivo da celebración do Día Mundial da Endometriose o 14 de marzo, desde a Biblioteca queremos dar visibilidade a esta doenza que afecta ao 10% da poboación feminina en idade fértil.

Nesta mostra bibliográfica reunimos unha selección de obras para contextualizar e informar sobre esta dolorosa enfermidade, expoñendo libros sobre a endometriose, a saúde da muller, a anatomía segundo os sexos, a menstruación, as hormonas femininas, etc. 

Pode visitarse do 1 ao 31 de marzo no terceiro andar, na zona da Biblioteca Feminista,  durante o horario de apertura da biblioteca.

Grandes nomes da industria do cómic e aplaudidas autoras e autores deixáronnos no ano 2022.

Dende a biblioteca Ánxel Casal ofrecemos unha selección das súas obras como homenaxe e recordo dalgúns dos nosos queridos creadores e creadoras.

Pode visitarse do 1 de marzo ao 30 de abril no andar baixo, na zona da hemeroteca durante o horario da biblioteca.

No segundo andar da Biblioteca contamos cunha Colección Accesible que está formada principalmente por: libros de letra grande, libros de lectura fácil e audiolibros para achegar a todas e todos a lectura e o coñecemento.
O andel de libros de letra grande ofrece literatura clásica e contemporánea cunha tipografía maior da habitual facilitando a súa lectura a calquera persoa.

Co gallo da participación da poeta Olga Novo na sesión do venres 17 de marzo dos "Diálogos entre a Psicoanálise e a arte" facemos unha escolma da obra desta autora.

Estará dispoñible no salón de actos o día 17 de marzo durante o diálogo e no segundo andar desde o sábado 18 ata o 31 de marzo durante o horario de apertura da biblioteca.

Co gallo da celebración do 8 de Marzo, Día Internacional da Muller, organizamos unha mostra de libros e películas protagonizadas por nenas e mulleres que rompen estereotipos.

Dende mulleres con éxito na súa vida laboral a outras que conseguen pequenos logros no día a día, ademais das que loitan e reivindican os seus dereitos.

Pode visitarse na sala infantil en horario de apertura da biblioteca durante todo o mes de marzo.

A IX edición da Feira de Minerais de Santiago de Compostela terá lugar o xoves 2, venres 3, sábado 4 e domingo 5 de marzo 2023 no Centro Comercial Área Central. Se espera a asistencia de 30 expositores de varios países, con 150 metros de exposición.
Programa:

Manuel Murguía naceu o 17 de maio de 1833 no lugar do Froxel, parroquia de Oseiro, pertencente ao concello coruñés de Arteixo, e morreu na cidade da Coruña o 2 de febreiro de 1923, cumpríndose agora un século. Historiador, investigador, xornalista, escritor e home de Rosalía de Castro é un dos intelectuais galegos máis prestixiosos. Murguía impulsou o Rexurdimento cultural de Galicia e a creación da Real Academia Galega, da que foi membro fundador e o seu primeiro Presidente. No 2000 dedicóuselle o Día das Letras Galegas, 167 anos despois do seu nacemento.

2022 foi un ano no que faleceron varias e relevantes figuras, nacionais e internacionais, do mundo das letras, da música, do cinema. Máis aló das tristes noticias, o valor das súas creacións mantense inalterable e digno de revisitar.

Con este centro de interese queremos facer unha homenaxe aos que nos deixaron, pero aos que nunca esqueceremos.