Trátase dunha selección de botellas, caixas e estoxos de perfumes, xabón e de arroz, que forman parte da colección de Afonso Oliveira, unha das máis importantes do mundo no seu ámbito e que está integrada por máis de 4.200 frascos históricos.
Esta exposición confórmase con sete pezas, todas elas parten da colección persoal da escultora, que mostran á perfección o diálogo entre xeometría, abstracción e figuración que a caracterizan, ademais de resaltar a súa traxectoria vital. Un exemplo claro disto sería Bosque, Distopía ou Germinal, entre outras.
Colaboramos coa Universidade de Vigo con esta exposición que busca dar visibilidade a persoas egresadas da Universidade de Vigo ou que actualemente traballan nela e que alcanzaron os seus soños profesionais. O fin último é ilusionar ao público con respecto a cursar estudos superiores, poñer en valor todos os ámbitos de coñecemento e destacar tamén a figura da muller como profesional de prestixio no campo universitario.
O Dezasete, é unha actividade previa ao Festiletras que a Fundación Eduardo Pondal, co apoio da Consellería de Cultura, Educación e Universidade, prepara para os días 14, 15, 16 e 17 de maio como parte da programación das Letras Galegas 2022.
Natasha Lelenco, artista de orixe moldava afincada en Galicia é a impulsora deste proxecto, un experimento de arte desde o rural da Costa da Morte polo que xa pasaron en ocasións anteriores artistas como Luísa Álvarez, Jose Perozo ou María Magán e que desta volta, dobra a aposta cunha programación musical e performativa que intervirá sobre espazos da aldea. “A idea é xerar contexto novo para a produción, a exhibición artística e a súa mediación coa comunidade, axudando a resignificar o rural como espazo creativo e vivo”.
A Vía Láctea, onde acotío nacen e morren estrelas, supuxo para todas as civilizacións un sistema cosmogónico universal que unía o tempo celeste co tempo humano. Xa desde o século XII, esta Vía (o Itinerario das Estrelas / Iter Stellarum) conducía os pasos das persoas peregrinas a través dunha complexa trama de camiños (Iter Humani) ata os confíns do mundo coñecido daquela, que remataba no Finis Terrae.
Xosé Luís Otero propón una hibridación entre exposición e instalación, enlazando a arquitectura e a espiritualidade da Igrexa a modo de reflexión entre o humano e o espiritual. A través de seis instalacións, Otero fálanos dun estado de desasosego ante as divisións inexplicables que forman o tecido da nosa realidade. Os materiais empregados polo artista e o seu proceso creativo, testemuñan a frívola teima dos humanos por construír e reconstruír, organizar e reorganizar, mostrando o carácter efémero da existencia humana, a soidade pura e o Silencio de Deus.
Durante unha semana de agosto de 2021, a artista catalá Maru Godás e a irlandesa Róisín Curé percorreron o Camiño Inglés desde Ferrol —cunha primeira parada na Coruña— para facer unha peregrinación debuxada.
En 1963 comeza Ediciós do Castro a súa andaina con dos álbumes de grabados de Luis Seoane seguidas de dúas publicacións de Isaac Díaz Pardo, editando os Cadernos do Laboratorio de Formas, estudos científicos, traballos ensaísticos de todas as ramas do saber pero sobre todo obras nas que se recolle a chamada memoria histórica e o exilio.
En 1968 xurde a oportunidade de publicar Memorias dun neno labrego de Neira Vilas que pasa a constituírse como a primeira obra de ficción publicada polo Castro.
Ademais do almanaque de mesa co que empezamos o 2022, o skyline que publicamos o 14 de febreiro ou o libro presentado días atrás, o traballo de recompilación e divulgación do noso patrimonio arquitectónico urbano realizado por Xaime Díaz Alonso tamén poderá verse na exposición Carballo. Guía ilustrada de arquitectura, que será inaugurada este mércores ás 20.00 horas no Museo de Bergantiños.
