Exposición

A mostra arrinca na década de 1910 con deseños dos artistas dos Omega Workshops de Bloomsbury como Raoul Dufy, Sonia Delaunay ou Ben Nicholson, que pretendían cambiar "a errónea distinción que existe entre as belas artes e as artes aplicadas".

Tras a guerra, o movemento co que se aspiraba a crear "unha obra de arte en todos os fogares" alcanzou a súa plenitude coa participación de destacados artistas contemporáneos: John Piper, Salvador Dalí, Ben Nicholson e Saul Steinberg.

" CABRIA PARA NORMAL é unha proposta para a cal, emulando as cabrias de Muxía, Diego Vites propón ocupar cunha grande estrutura de madeira a case totalidade do espazo expositivo de NORMAL, converténdoo nun lugar para a experimentación, nun proxecto que abordado desde diferentes disciplinas ten como obxectivo a análise e a observación das formas, dos materiais, dos movementos e dos usos que se dan nese proceso artesán para trasladalos ao campo da arte contemporánea.

Zortzi poderá visitarse na primeira planta de celas de mulleres do Lanuxe Cárcere ata o 1 de maio. A colección ZORTZI xorde da reciclaxe das pezas de ferro que se utilizaron no festival. Partindo da forma de medio rombo das cuñas e unindo catro delas créase a silueta recta do número 8 relacionada co barbarismo de ochote ou otxote. Partindo diso, o autor toma como base esta figura e deseña diferentes esculturas relacionadas co tipo de formación e as características da voz. Todas as esculturas son únicas e están realizadas exclusivamente en ferro.

Este mes teremos no primeiro piso da Biblioteca (do 7 de marzo ata o 13 de abril) e dentro do Espazo CreOu unha exposición con fotografías, pinturas e poesías de Joaquín Moreiras Dacosta estudante ourensán de bacharelato, amante da arte, o deseño e o jazz.

"Vida" é a súa primeira exposición que percorre algunha das súas obras e dálle voz a un espírito creativo cheo de sentimentos atopados.

A finais deste mes teremos un encontro con Joaquín, a data está aínda sen confirmar estade atentos ás nosas redes sociais.

O IEGPS, centro mixto o CSIC e a Xunta de Galicia organizan esta mostra bio-bibliográfica para conmemorar os 250 anos do Padre Sarmiento no claustro alto do IEGPS. A mostra conta con testemuños e publicacións representativas dos estudos dedicados á figura e obra do sabio benedictino e complétase cunha detallada crono-bio-bibliografía que permitirá contextualizar e comprender a singular significación deste sabio ilustrado galego.

A exposición presenta reproducións en relevo dalgunhas das pinturas máis representativas do Museo Nacional do Prado. Son o Noli me tangere, de Correggio; A Gioconda, do taller de Leonardo da Vinci; A Forxa de Vulcano, de Velázquez; O cabaleiro da man no peito, do Greco; Bodegón con alcachofas, flores e recipientes de vidro, de Van der Hamen; e O quitasol, de Goya. Móstrase tamén a reprodución dunha obra do Museo de Belas Artes da Coruña: As mariscadoras, de Luís Seoane.

A mostra está composta de once paneis informativos sobre as misións, labores e capacidades da Forza Naval da Armada na actualidade.

Entre os temas que se abordan figuran os buques da Frota, a Infantería de Mariña, o apoio á forza, operacións permanentes, agrupacións navais da OTAN, operación ATALANTA ou a operación SEXA GUARDIAN de seguridade marítima no Mediterráneo. De carácter itinerante, a mostra viaxará posteriormente aos museos navais de Cartaxena, San Fernando, As Palmas e Sevilla.

Exposición en "Beta Deseño" en Ribeira, en colaboración con Ofaiado Arte, presentada pola concelleira de cultura María Sampedro, colaborando coa arte. Os artistas presentan unha serie de obras en diferentes técnicas, óleo, acrílico, pastel e texturas, en diferentes tamaños.

Novais presenta unha ducia de obras que se expoñen neste espazo, desde mediana a gran obra. Un proxecto realizado por Eugenia Gómez da Galería  Ofaiado, nun intento de aproximar a arte aos espazos de Deseño a arte, que sexa mais visible e forme parte da visión cotiá.

Unha reflexión sobre as ausencias da man de Andrea Mosquera, falando da casa baleirada; das esencias do corpo, a alma e o espírito grazas a Raquel Álvares e Lucía Perdiz, que nos mostran distintas formas de expresión do ser; e, por último, a presenza, poderosa, que só posúen os corpos libres e que reivindican a súa personalidade individual sobre a que Tamara Goberna e Mariña Aradas traballan.

A colección de arte contemporánea internacional, iniciada en 2008 e construída sobre o tradicional apoio da Fundación ás Artes desde diversos ámbitos, está exposta co fin de dar resposta á pregunta De que falamos cando falamos de pintura hoxe? e con ela a Fundación persegue traer o mellor da pintura contemporánea internacional a Galicia e achegar os mellores valores da arte galego ao mundo.