Había ben tempo que non podiamos asistir a un acto cultural tan multitudinario coma a inauguración da exposición Alberto Gende. Encher o baleiro, pero a situación sanitaria por fin o permite e o certo é que a ocasión pagaba moitísimo a pena.
Con motivo do Día do Libro queremos lembrar algúns dos galardoados e galardoadas co Premio de Literatura en Lingua Castelá Miguel de Cervantes, que se falla o Día do Libro, asemade aniversario da morte de Cervantes e Shakespeare. Daráselle especial atención aos dous galegos que o recibiron: Camilo José Cela e Gonzalo Torrente Ballester.
Para todos os públicos.
Zona de exposicións da biblioteca.
Selección de libros con motivo da celebración do Día Internacional do Libro Infantil e Xuvenil, dirixidos a nenos e nenas escritos por autoras e autores que viven (ou viviron) en Vigo, como Agustín Fernández Paz, Antonio García Teijeiro, An Alfaya, Ledicia Costas…
O escultor cambadés Francisco Leiro presenta «O antropomórfico» no Museo Marco de Vigo, unha exposición con esculturas narrativas nas que se ve o interese do artista polo corpo humano. Deixando ao carón calquera sentido ou intención cronolóxica, artista e comisario buscan trazar a relación das obras cos peculiares espazos do MARCO, recorrendo para iso tanto a obras xa realizadas como a pezas de nova produción, específicas para esta mostra.
Alfredo Alcain presenta na súa exposición de Vigo, a súa verdadeira singularidade como artista. Hai que lembrar que como pintor, parte do ambiente figurativo madrileño, aínda que moi pronto introduce un elemento diferenciador: un humor fino, sutil, esixente e autocrítico, mesmo corrosivo, cos principios que lle parecen máis estables.
Composta por debuxos e pinturas procedentes de coleccións particulares, a mostra permite revisar esa primeira etapa da traxectoria do artista. Particularmente nas escenas de entroidos, Laxeiro combina a tradición rural galega cunha mirada entre crítica e irónica que tende a ofrecer unha estampa máis ben esperpéntica do ser humano.
A exposición recolle unha serie de traballos. Cada un destes está composto por máis de trescentas obras realizadas polos artistas ao longo dunha década. Estas obras compoñen no seu conxunto as series Fuzzy, do artista vigués Gonzalo Sellés Lenard, e *Études, da pintora compostelá Ana Pérez Ventura, actualmente afincada en París. A mostra capta o tempo imperceptible do proceso creativo, desde o recurso á representación. Pon en valor o xesto, o proceso e as variacións rítmicas da obra. Estas establécense ao repetir liñas ou un elemento ata a saciedade cun efecto envolvente.
Hai apenas 15 días que Suso Fandiño inauguraba no CGAC a súa exposición WUNDERKAMMER, comisariada por Mónica Maneiro, unha mostra na que incidía nas súas xa ben coñecidas investigacións acerca da construción ideolóxica do museo contemporáneo -e aínda de todo o chamado Sistema da arte- poñendo en evidencia e revisando moitas das súas derivas políticas, económicas e simbólicas.
O Museo de Pontevedra presenta a exposición «De Babiano Méndez-Núñez a Mendoza Babiano». Unha mostra que pretende explicar, mediante a investigación e a obxectividade, quen era Carmen Babiano Méndez-Núñez e as súas fillas, María e Concha. Estas tres mulleres habitaron o palacete de Mendoza entre finais do século XIX e principios do XX, e por medio da súa historia poderase coñecer de primeira man como era a vida social e cultural na época a través de disciplinas como a pintura ou a moda.
O proxecto móstranos as diferentes perspectivas e contextos que xerou na sociedade a era do COVID-19, o confinamento, as novas situacións vitais, diferentes sectores especialmente afectados, etc. Unha visión diferente para observar e mostrarnos a realidade de como a situación está a marcar as nosas vidas a través da mirada de sete fotógrafos profesionais de renome.
