Exposición

A exposición articularase en eixos temáticos segundo un ordenamento cronolóxico e espacial, que presentarán a vida e a obra de María Casares, dende o seu nacemento na Coruña ata o seu falecemento en Alloue (Francia). Eminentemente divulgativa, achegará así mesmo materiais de arquivos institucionais e persoais ata o de agora nunca expostos en Galicia. Unha grande exposición no Quiosco Alfonso cunha aplicación en paneis transportables polas bibliotecas e/ou centros cívicos.

A mostra «El sueño de Ícaro» que se presenta en Pontevedra, céntrase nos novos traballos cerámicos e téxtiles de Marcos Covelo. Orixinadas no contexto das súas investigacións acerca das prácticas pictóricas e a reformulación dalgúns principios da abstracción contemporánea, as manchas cerámicas do artista, adquiren a súa rotunda materialidade no proceso en que o universo bidimensional do lenzo proxéctase conceptualmente sobre o oco tridimensional do espazo expositivo.

Percorrer o tempo. Visións contemporáneas do Camiño presenta unha visión poliédrica e actual do Camiño de Santiago a través da mirada de dez artistas que empregan a fotografía e o audiovisual como medio. Enmarcada na colaboración da Fundación "la Caixa" co Xacobeo 21-22 e comisariada por Nicolás Combarro, a exposición nace como unha iniciativa itinerante que comezou a súa andaina na Coruña en setembro de 2021. A Cidade da Cultura, en Santiago de Compostela, é a derradeira parada destra mostra, onde poderá verse ata o 20 de xullo de 2022.

Exposición os traballos gañadores do XII concurso “BD Vigo” nas tres categorías: adultos, xuvenís e infantís.

Mostra bibliográfica coa obra de Domigo Villar como homenaxe polo seu pasamento.

No segundo andar. Pode visitarse durante o horario de apertura da biblioteca.

Os acuarelistas, colectiva de agrupación de pintores de acuarelas, baixo o nome do grupo de Acuarelistas As Xubias, Arga Galicia, 18 compoñen este grupo que realiza a exposición.

Este grupo de artistas que saen a pintar ao aire libre todos os sábados pola mañá en diferentes lugares da Coruña, Oleiros, Sada, Betanzos etc, sempre mostrando lugares da xeografía galega.

Nesta exposición poderanse ver moitas rúas e zonas coñecidas, cada un mostrando o seu estilo á hora de interpretar a realidade.

Os nosos marcos, as molduras que enmarcan a terra que é para quen a traballa. Cando o valado formou parte da nosa paisaxe no espazo e no territorio, e así debera seguir sendo. Non entendería a súa desaparición sabendo que é un piar fundamental da nosa arquitectura tradicional mais tamén os reivindico como vangarda, axudando a debuxar e compoñer a paisaxe e dándolle vida ao rural, os valados son como as veas que se espallan polo territorio, e moitos xa precisan de transfusión. Esta é a miña pequena achega a esa revitalización que penso é necesaria.

Exposición de pintura e escultura de Alejandra Tomei Trátase dunha artista pictórica, muralista e escultórica (aínda que tamén fai danza e teatro). Neste caso trae obra pictórica e cerámica. 

Considérome unha artista versátil e camaleónica que non ten un estilo concreto definido. Ata hoxe a miña obra é figurativa aínda que sinto cada vez máis estímulos polo abstracto.

É un proxecto que nace da inquietude pola escaseza de mulleres dentro das disciplinas STEM (Science, Technology, Engineering and Mathematics), especialmente no noso colectivo. Esta desigualdade leva un desaprovechamiento inherente de talento, potencial creativo e enxeño que resulta clave para a innovación e o desenvolvemento tecnolóxico empresarial e da sociedade.

O Museo do Pobo Galego, como cada ano, súmase á celebración do Día das Letras Galegas, dedicado neste ano 2022 a Florencio Delgado Gurriarán. Como en anteriores ocasións poñemos á súa disposición unha mostra bibliográfica do autor homenaxeado, que se poderá visitar ata o 26 de xuño.