Exposición

A exposición repasa os feitos máis sobresalientes das catro décadas de vida do Lexislativo galego, desde a súa constitución, o 19 de decembro de 1981 no Pazo de Xelmírez, ata a actualidade. Comisariada por Ramón Villares Paz, catedrático de Historia Contemporánea da Universidade de Santiago de Compostela, tamén conta coa colaboración de Miguel Anxo Seixas Seoane e Gustavo Hervella García, integrantes do Grupo HISTAGRA (Historia Agraria e Política do Mundo Rural, séculos XIX e XX); e co deseño gráfico a cargo de Xosé Díaz Arias.

O comisario da exposición Allan Graubard establece un diálogo entre as obras de Eugenio Granell e Rik Lina a través da temática do dragón que se amosa como concepto multidimensional e metafórico. Unha cuestión que relaciona co paso dos dous artistas polo Caribe, onde Granell vivíu durante decesete anos e Lina máis de sete.No caso de Granell o Caribe supón o medio onde conforma un discurso plástico propio e indiviual, por outra banda Lina establecerá unha especial relación co universo submariño.

Por primeira vez na Península Ibérica, chega a Santiago de Compostela CARNE y ARENA (Virtualmente presente, Fisicamente invisible), unha vangardista experiencia inmersiva de realidade virtual dirixida polo cineasta Alejandro G. Iñárritu que explora a condición humana das persoas migrantes e refuxiadas.

El jarrón infinito de Mar Ramón Soriano é o novo proxecto que ocupará o primeiro e o segundo andar da Zona C. Foi seleccionado na modalidade de proxectos de creación artística para formar parte da programación que este espazo dedica á arte emerxente.

Con motivo da celebración do centenario do nacemento de María Casares (A Coruña, 1922 - Alloue, Francia, 1996), a Fundación Luís Seoane presenta un proxecto audiovisual baseado na correspondencia que durante quince anos mantivo a actriz galega con Albert Camus. A relación que se establece entre ambos, que comeza en 1944 e finaliza en 1960 coa morte do autor nun accidente de tráfico, queda recollida nas case novecentas cartas que conforman o epistolario recompilado por Catherine Camus, filla do escritor francés e responsable da súa publicación en 2017 a través da editorial Gallimard.

Isabel Rey preséntanos unha Universidade que no devir cotián adoita pasar inadvertida. O tempo detido nesa perspectiva, ás veces novidosa, que amosa un patrimonio inmoble que nos conta a súa propia historia.

A exposición explora a interacción entre o urbanismo, a sociedade e o territorio que conforma a capital de Galicia, abranguendo distintas perspectivas como son a estética, a economía, a creación artística, a educación, a memoria e os imaxinarios locais. Todo isto tendo en conta os grandes polos da cidade como son o Goberno autonómico, a Universidade ou a Catedral, punto final do lendario Camiño e un dos destinos culturais máis relevantes de Europa.

A exposición Constelación Luz. Luz Pozo Garza (122-2022), poesía, arte e vida enmárcase nunha serie de actividades que está previsto realizar para conmemorar o centenario do nacemento desta poeta galega que doou o seu arquivo e biblioteca persoal ao Arquivo e á Biblioteca de Galicia.

CARNE y ARENA estreouse en 2017 no 70º Festival de Cine de Cannes como o primeiro proxecto de realidade virtual na historia do festival. Ese mesmo ano, Iñárritu recibiu un Oscar® especial por CARNE y ARENA, e a curtametraxe foi recoñecida pola Academia como "unha experiencia narrativa excepcional".

A Vía da Prata. Aires do Sur continúa a serie expositiva iniciada por O Camiño Portugués. Lembranzas de mar e pedra (Cidade da Cultura, outubro 2021- abril 2022) que se adentra nas rutas xacobeas a través da ollada fotográfica. Comisariada pola historiadora, guionista e documentalista Lucía Laín, esta segunda mostra reflexiona sobre a diversidade e a interrelación entre tradicións e culturas, sobre a soidade, a distancia e o paso do tempo cunha ollada que vai desde o presente cara ao pasado.A Vía da Prata.