Exposición

Este ano Xacobeo 2022, o Museo das Peregrinacións e de Santiago ten a honra de presentar unha exposición reveladora: Chacona. A Canción de Santiago. Mostra que presenta a relación desta forma musical coa cidade de Compostela, a catedral e o Camiño. O achado que se amosa, por vez primeira nesta exposición, supón a maior descuberta patrimonial no ámbito xacobeo dos últimos 100 anos.Chacona. A canción de Santiago, proxecto comisariado por Fernando Reyes, é unha exposición de gran relevancia e innovadora pola descuberta histórica que presenta.

Con motivo da celebración do centenario do nacemento de María Casares (A Coruña, 1922 - Alloue, Francia, 1996), a Fundación Luís Seoane presenta un proxecto audiovisual baseado na correspondencia que durante quince anos mantivo a actriz galega con Albert Camus. A relación que se establece entre ambos, que comeza en 1944 e finaliza en 1960 coa morte do autor nun accidente de tráfico, queda recollida nas case novecentas cartas que conforman o epistolario recompilado por Catherine Camus, filla do escritor francés e responsable da súa publicación en 2017 a través da editorial Gallimard.

A Biblioteca Pública Ánxel Casal participa de novo no Premio Novela Europea “Casino de Santiago”, que ten por obxectivo promover a lectura e o espírito europeísta, convertendo aos residentes da cidade de Santiago de Compostela, así como aos de outras cidades europeas significativas, en xurado dun premio literario. Unha comisión de expertos seleccionou as seguintes cinco novelas de escritores europeos publicadas neste ano:

A exposición enmárcase dentro da celebración do Ano Xacobeo 2022. Realiza un percorrido cartográfico polo roteiro marítimo da lenda da Translatio do corpo do apóstolo Santiago desde Palestina a Padrón. Nesta mostra navegamos sobre os mapas e, con axuda dos libros, trazamos un camiño de papel e atracamos nalgúns dos portos que xurdiron ao longo deste roteiro.

Colección de Patuxa Limón, mestra de Educación Primaria e profesora de audición e linguaxe. Utilizaba 
os xoguetes como apoio para ensinar.
"Aprender a enrolar o cordel e lanzar o trompo era unha aprendizaxe longa e laboriosa que levaba un
tempo e xeraba competición entre nós. Polo que dedicarlle tempo a adestrar e mellorar a destreza era
importante...
O meu traballo escolar como mestra sempre estivo ligado á literatura de tradición oral, as lerias e enredos

Investigación e creación de Nuria Ferreiro arredor da etnomedicina. A artista establece unha relación directa entre distintos campos de coñecemento como o son a etnografía, a antropoloxía e a arte contemporánea.

A exposición pretende recoller a evolución tecnolóxica a través dunha escolma de pezas organizadas en cinco ámbitos representativos:
- O doméstico: da ampla produción de enxoval exhíbense batedores, picadoras ou reladores.
- O traballo: o auxe das tarefas administrativas determina a elección das máquinas de escribir.
- Os medios de comunicación: teléfono, radio e televisión marcan unha revolución mudando hábitos e
formas de relacionarse.
- O ocio: o consumo da música mudou cos gramófonos, tocadiscos e radios pasando, estas, de ser un

A mostra pretende aproximar a realidade que supuxo e mantén a actividade dos gremios da prata e o acibeche na cidade de Santiago de Compostela, cuxa historia discorre paralela tanto da tradición xacobea (naceu baixo a súa tutela e alcanzou o seu extraordinario esplendor ao seu abeiro), como da propia cidade, reflectida no seu rueiro, nunha das súas prazas máis emblemáticas e  en distintas rúas do seu casco histórico.

O concello prepara a exposición Aquí non chega! sobre a Festa da Auga a través das súas camisetas.

A mostra propón unha mirada sobre a cubanidad xunto a unha visión máis introspectiva e mística, vinculada ao que somos, de onde vimos e cara a onde imos. É así, como descubríndonos nese soño e nesa viaxe, na procura das raíces, é posible desvelar na mostra, desde a narración e o parafraseo visual, lazos con Galicia, esoutra terra de onde navegantes, migrantes, soñadores, partiron cara á illa de Cuba e deixaron parte da súa pegada en 500 anos de historia que comprenden un cúmulo insospeitado de legados a ambos os dous lados do océano.