Contacontos/Narración oral

Carvalho Calero foi unha das figuras máis sobranceiras do movemento reintegracionista. Foi un visionario que puxo en valor a irmandade lingüística que temos con Portugal, Brasil, Angola, Cabo Verde… e tantas e tantos falantes polo mundo adiante coas que nos podemos entender falando a nosa lingua.

Para sentir esta irmandade e aprender dela, imos facer unha viaxe nun barquiño, coa proa de Carvalho, que iremos enchendo de palabras e cancións nas nosas escalas polo mundo lusófono, aprendendo das diferenzas e desfrutando do que nos une.

- Algunha vez vimos a un conto bailar? Seguro que si.

- Por que os contos bailan? Porque queren xogar.

- Cando bailan? Iso témolo que adiviñar… Abride os contos e escoitade, só temos que estar atentos para saber cando queren bailar.

Andrea ea, ea chega coa súa maleta disposta a desvelarnos un segredo, os seus contos bailan, descubriuno un día por casualidade e agora non deixan de bailar pero para iso precisan escoitar música e contos.

'Quéroche un conto' era unha expresión que tiña a miña avoa para dicir que todo tiña ó seu aquel, e soía dicila xusto antes de arrincarse a contar como cambiaran as cousas desde os seus tempos.

Das súas anécdotas e doutras recollidas de familia propia e allea vai este conto. De como eran os amores e as regueifas, das festas e os peligros do pasodobre, dos alcumes e a retranca, das peculiaridades do noso carácter que tanto cambiaron...ou non... En definitiva, das cousas de antes e as cousas de agora.

Músico e contador de historias para todas as idades, como os antigos bardos galegos, o bardo Abelardo recolle contos, cantigas e danzas da nosa rica tradición cultural que combina con outras mais actualizadas para sensibilizar as e os mais novos con a música, a natureza, e a nosa lingua.

Elenco: Cristina Collazo

 PROCURA-SE PEPA A LOBA, POR TERRA E MAR

Ano 1890. Inauguración da taberna de Pepa a Loba. A súa gavela ó completo: Xan Quinto "o vello", Maninocente e Calamity Jane celebran este día tan esperado, mais... un cobizado tesouro se agocha moi perto e so ela sabe o segredo. Precisa da túa colaboración...ATRÉVESTE?

Trátase dun contacontos interactivo onde a danza e a música se funden coa natureza, poñendo en valor a a amizade e a perspectiva de xénero.

Un galego recoñecido, ou recoñecible segundo se mire, atrévese a analizar unha realidade tan próxima e tan afastada como a que conforma España. Destripa os seus tópicos, as súas mentiras piadosas e as súas medias verdades coa ironía como único bisturí. E sempre coa percepción dun tipo que sae da súa terra para traballar. Como tantos outros. No fondo, é o que di Serxio :“hai máis galegos fóra que dentro”.

Falou Pazos e falou ben.

Cóntanse historias e lendas que, vindo da tradición, seguen vivas no contar e no anecdotario da xente

A tradición oral sempre foi dinámica e adaptouse ós tempos, fosen cal fosen eses tempos. Foi o tempo quen peneirou as historias e as lendas que nos chegaron e non sabemos das que non chegaron. Así, coñecemos historias que non sabiamos que veñen da tradición, e protagonizamos historias que, seguramente, cheguen a formar parte da tradición futura.

Cantando os Cantares tenta achegar unha das obras máis importantes da literatura galega ós máis pequenos. "Cantares Gallegos", é sen dúbida unha das xoias da nosa literatura, non somentes pola súa calidade literaria, senón polo trasfondo que existe detrás dela. 

Espectáculo que chega da man do Fondo de Proxectos Culturais Xacobeo 2021 e que ten como fío condutor principal a lingua galega (curiosidades, uso, normalización e perspectivas) desde un punto de vista filolóxico divulgativo, cultural, humano ou emocional, pero sempre co humor e a empatía oral como mecanismo de conexión co público.

Este verán, todos os mércores ás 11.30 h,  a compañía Sarabela Teatro vai inundar de contos a Biblioteca. Animádevos a vir a ler os contos, escoitar, rir, aprender e imaxinar. Despois da sesión de contacontos reralizaranse actividades lúdicas que, partindo do libro, dean a coñecer novas dimensións da lectura.

Actividades para nenos e nenas de máis de 6 anos.

É necesaria a inscrición e pode facerse ben presencialmente ou chamando aos teléfonos 988 788385 e 988 788386.