Concerto

Vén coñecer con Pitusa Semifusa os instrumentos da gran familia da música. E a cantar e bailar con ela. Coa rapaza máis cantareira que nunca houbo no mundo.

Pitusa Semifusa é un mollo de cancións de Olga Brañas protagonizadas por unha nena dese mesmo nome, neta dunha famosa directora de orquestra. Pitusa, a avoa e o irmán de Pitusa irán explicándolles ás cativas e aos cativos as familias de instrumentos musicais nun espectáculo participativo, divertido e didáctico.

Na banda de Pitusa a voz é Andrea Picos, Sérgio Tannus toca a guitarra e Olga Brañas o piano.

Chuches Amil presenta un espectáculo no que cada canción é un soño e cada soño é unha canción, do dereito ou do revés. Todos os membros da familia están convidados a disfrutar de diferentes xeitos de abordar o mundo dos soños e dos contos nun percorrido pola música máis actual feita en Galicia para gozar en familia.

Un setlist cheo de éxitos dos álbums Un conto ao revés (2015) e Monstros, con ou sen consentimento (2018), de Chuches Amil.

Os Piñeiros é o nome artístico dos xemelgos Iván e Diego que desde nenos xogaban á música xuntos. O grupo ten influencias de REM, Europe, Bob Dylan, Creedence, Michael Jackson, Lennon, Bob Marley ou Fito.

Diego Piñeiro: voz, guitarra acústica e guitarra eléctrica.

Iván Piñeiro: voz, guitarra acústica e harmónica.

BLACK é un proxecto musical coruñés que leva 10 anos percorrendo diferentes espazos de toda a comunidade autónoma, achegando as súas reinterpretacións de grandes éxitos da música negra. No seu formato a dúo, son creadores de espectáculos como Paseo pola música negra, Soul e literatura, En familia ou Voces de muller.

En 2015 lanzaron o seu formato máis potente: a banda grande, formada por nove recoñecidos músicos da escena galega —Richi Rozas, Jorge Quesada, Anxo Seco, Pablo Moreno, Fany Castro, Ana Rivas, Wilson Ortega, Fausto Escrigas e Iria Mejuto—.

O cuarteto Balteira nace a finais do 2025 en Betanzos da man de Cris Sánchez e Noa Migal (voces e percusións), Álex Fente (acordeón) e Pablo Pacior (ventos). A súa proposta céntrase na recuperación do repertorio oral galego, incorporando arranxos contemporáneos pero respectando a estrutura e a emoción das pezas tradicionais.

Versions Band é unha formación de músicos profesionais dedicada a reinterpretar os grandes éxitos do pop, o rock e o indie en español, desde os anos 80 ata a actualidade. O seu espectáculo propón un percorrido sonoro polas cancións que marcaron xeracións, cunha posta en escena potente, dinámica e adaptable a distintos tipos de espazos e audiencias.

Soul&Roll propón un espectáculo musical acústico innovador que marca a diferenza co seu repertorio do máis completo e variado cuns arranxos músicales-vocais adaptados e traballados minuciosamente, unha voz, coros vocais, guitarras acústicas, baixo, ukelele, percusión menor, bombo e un 'Loop Station' que permite tocar todos estes instrumentos e facelos soar á vez creando os bucles musicais máis espectaculares e sorprendentes que, peza a peza, constrúen os grandes éxitos que todo o mundo desexa escoitar en vivo e rigoroso directo.

Baixo Cé Orquestra Pantasma agóchase o vigués César Freiria, músico autodidacta e apaixonado dos instrumentos musicais. Comezou a súa andaina musical aos oito anos dentro da música tradicional e dende aquela non deixou de navegar polos variados estilos da música popular, chegando a formar parte de grupos tan dispares entre si coma A Roda ou a banda de punk Oxtiax ke te Pariu. 

No marco do Festival Atlántica Miúda acollemos o espectáculo musical “As historias de Bemol Pequeno“ da man de Música miúda.

Na vila de Bemol Pequeno a música nunca para! Ou si?

Ven resolver o misterio da música desaparecida da man da Meiga Xela, canta co dinosaurio Pepón e baila ao ritmo da Banda do Carballo!

Para público familiar.

Salón de actos. Entrada libre ata completar a capacidade da sala.

O festival Lingua Urbana celebrará a súa terceira edición o venres 28 de agosto na Cidade da Cultura de Galicia. O evento consolidouse como unha das principais citas da música urbana en Galicia, cunha programación que reúne algúns dos nomes máis destacados do panorama estatal e internacional.
Nesta edición, o cartel inclúe artistas como Yung Beef, Dirty Suc, 9Louro, Lg1do, Sote, Carlos Barral, Valesk8 e o compostelán Arce, ao que se suma a presenza do artista canario Abhir, que ofrecerá en Santiago o seu único concerto en Galicia este ano.