Concerto

Baixo o lema 'O mellor e o peor dos 80 e 90 en concerto' Carta de Ajuste articula un show no que a comedia e a música fusiónanse a partes iguais, buscando a complicidade e interacción do oínte en todo momento e envolvendo aos asistentes nunha festa fóra do común. Facer ao publico protagonista en cada concerto retrata a filosofía desta agrupación musical, que transforma cada actuación nun paréntese, onde os asistentes conseguen esquecerse das rutinas e preocupacións diarias a través da música.

Falar da terra  é falar dos costumes, da lingua, das raíces... e de cancións, das nosas cancións.

Neste espectáculo recopilamos algunhas das cancións máis coñecidas da nosa tradición oral e popular, dándolles unha nova visión, máis minimalista e íntima: unha voz e o son do piano.

Buscamos, deste xeito, achegar a nosa tradición, as nosas raíces, ás novas xeracións cun aire renovado, aportando así o noso granciño de area na difusión da lingua e cultura galega. 

​Instrumentos do mundo da percusión contemporánea, elementos de nova creación, comicidade nas olladas e xog​ar co efecto sorpresa son a​s claves deste espectáculo.

Catro son os elementos que definen este concerto didáctico ​e familiar ​que busca que o enxeño se retroalimente e evolucione, e que ​a senda ​da creación continúe ​a medrar.

LEVAINO! exhórtanos a facer unha viaxe pouco coñecida que parte do Mediterráneo Oriental e remata en Galicia, presentado os vínculos que unen ambas tradicións orais.
Xurxo Fernandes, investigador de ambas culturas e a través dunha sonoridade sorprendente, mergúllanos nunha paisaxe sonora que envolve os arcaicos sons da Galicia máis primitiva co máis suxerente exotismo oriental.

Pódese facer música cunha vasoira? Cunha escaleira ou cunha barreira de obra? Pódese! E vaia que si!

The Beatles, Simon & Garfunkel,  Creedence, Joe Cocker, etc... Unha selección moi rítmica, que sona como un canón e consegue que a xente baile e cante creando un ambiente divertido e alegre. 

Un espectáculo para a primeira infancia que nos leva a illa Chirimiri, chea de alegría e ritmo, onde unha tribo chamada Arcoíris celebra a vida co berro Quiquiriquí! A través de cancións, personaxes divertidos e xogos sonoros, créase un espazo tenro e seguro no que os bebés poden gozar, descubrir emocións e iniciar as súas primeiras relacións con outros amigos e amigas da súa tribo.

María Faltri propón un espectáculo orixinal e sorprendente: unha picadiscos de música infantil. Durante o seu espectáculo, e ao longo de 60 minutos, María brindará aos cativos e cativas unha escolla da mellor música infantil en galego para que non deixen de cantar e bailar.

Eh Sabina! nace da aclamación popular, da devoción pola música do gran Joaquín Sabina, da necesidade das súas cancións e das emocións que producen en nós, xeración tras xeración.

A admiración e respeto ás cancións do mestre conseguiron xuntar os mellores músicos do país, dando como resultado un espectáculo excepcional e sobresaínte que non deixa indiferente a ninguén, unha aposta segura.

O grupo ferrolán Lenda Ártabra aposta por un espectáculo completo que representa a riqueza cultural que ten Galiza.

A agrupación folk ten unha posta en escena moi coidada e sempre que sexa posible por tamaño do escenario vai acompañado dun grupo de cantareiras.

A maior parte dos temas que interpretan están compostos por eles mesmos e combínano con xotas, muiñeiras, pasacorredoiras, polcas, marchas ou maneos do repertorio tradicional.