Concerto

Sobre o escenario ou no seu mítico carro amplificado remolcado por un motocultor, os Festicultores convirten cada festival ou verbena pola que pasan na maior pista de baile do mundo. Os máis experimentados cultivadores de festas de Galicia volven á carga coa súa  mestura de humor, performance e música festeira que non deixa indiferente a ninguén. As atmósferas ciganas e festeiras coas que enchen as rúas e os escenarios fan que o público non deixe de bailar no que dura a festa. Están recomendados pola organización mundial da saúde.

A Roda é un conxunto representativo da música popular galega, a música dos nosos cancioneiros, unha música que forma parte do imaxinario galego e do noso patrimonio inmaterial. O concerto do grupo A Roda, pretende promocionar o coñecemento “vivo” da canción popular galega así como fomentar o uso da lingua e a súa dinamización. O espectáculo é integro en galego.

O guitarrista neerlandés Adrian Vandenberg chega por primeira vez a Galicia cun espectáculo que inclúe clásicos da súa etapa en Vandenberg e, especialmente, en WHITESNAKE, como “Burning Heart”, “Here I Go Again” ou “Still of the Night”, ademais de novas composicións do seu próximo álbum. Un dos grandes guitarristas do Hard & Heavy de todos os tempos.

Tras unha primeira volta de concertos na primavera de 2025 colgando o cartel de ‘entradas esgotadas’ en varias cidades, entre elas Madrid; Vega confirma a segunda volta da súa xira de presentación de ‘Ignis‘, onde ademais, repasará outros éxitos da súa carreira para delicia dos seus seguidores.

Tras percorrer Galicia de punta a punta e parte do territorio estatal, a banda compostelá está poñendo o broche de ouro á súa xira «VUELA». Esta xira levou ao grupo por máis de 70 localidades de Galicia e do resto da Península, consolidándose así como unha banda a ter moi en conta na zona Noroeste. Co seu directo absolutamente arrasador e de alto octanaxe, en decembro de 2025 poñen fin a esta etapa acompañados de moitos amigos sobre o escenario da Sala Capitol.

La Paloma converteuse por dereito propio nun referente do rock en castelán, sen necesidade de máis etiquetas, grazas ao arsenal de cancións monumentais que acumularon desde que debutaron en 2021 co xa mítico EP «Una idea, pero es triste». O seu disco debut posterior, Todavía no, confirmou ese estatus, iniciando unha longa lista de concertos con entradas esgotadas e presenza nos principais festivais do país. A expectativa polo seu novo disco, Un golpe de suerte, é máxima e pronto o poderemos desfrutar tanto en casa como en sala.

Claudia Abril (voz e percusións)  Marina Carpente (violín e voz) e Hugo Abril (Guitarra clásica) integran este proxecto no que melodías tradicionais galegas e ibéricas son adaptadas a sonoridades actuais con certa intimidade, personalidade e frescura. Abril é unha proposta de folk contemporáneo na que instrumentos de música tradicional como a pandeireta, o pandeiro ou o violín folk dan lugar a un coidadísimo repertorio que contribúe a poñer en valor a música tradicional galega sen deixar de lado a modernidade. Abril é tradición renovada; sons de raíz en harmonía co presente.

Integrantes do grupo

Diego Piñeiro: voz, guitarra acústica e guitarra eléctrica.
Iván Piñeiro: voz, guitarra acústica e harmónica.

Os Piñeiros é o nome artístico dos xemelgos Iván e Diego,que desde nenos xogaban á música xuntos. O grupo ten influencias de Rem, Europe, Bob Dylan, Creedence, Michael Jackson, Lennon, Bob Marley, Fito, etc......

Premios

Diego Frikipaldi :
Gañador do concurso Rock in Cambre 2015 e 2016

Charanga Bicoia  formación que xorde en 2019, composta por unha ampla maioría de músicas mulleres.

Ademais de tocar os grandes éxitos charanguís de toda a vida (Agárrate Saxo, Campanera, Bakalao Salao, etc.), introducen repertorio non tan coñecido, conectando coas músicas do mundo, como pezas bolivianas ou, por suposto, galegas.

Sobre o escenario ou no seu mítico carro amplificado remolcado por un motocultor, os Festicultores convirten cada festival ou verbena pola que pasan na maior pista de baile do mundo.  

 Os máis experimentados cultivadores de festas de Galicia volven á carga coa súa  mestura de humor, performance e música festeira que non deixa indiferente a ninguén.

As atmósferas ciganas e festeiras coas que enchen as rúas e os escenarios fan que o público non deixe de bailar no que dura a festa.