A Sala Capitol será unha das tres únicas paradas en España de Convergence Fest 2026, a esperada xira que reunirá sobre o escenario ao vocalista Ronnie Romero e ao guitarrista Gus G, dous referentes internacionais do rock e o heavy metal.
O concerto ofrecerá unha potente combinación de virtuosismo guitarrero e forza vocal nun directo pensado para os amantes do hard rock e do metal, nunha cita exclusiva que converterá Santiago nun dos puntos clave da xira.
Íñigo Quintero chega a Santiago de Compostela no marco da súa nova xira para presentar o seu primeiro álbum, El Sitio de Siempre, tras percorrer cidades como París, Berlín ou Cidade de México.
O artista ofrecerá un concerto en directo no que presentará os temas do seu novo traballo nunha das salas de referencia do circuíto musical. Unha cita imprescindible para descubrir a súa nova etapa artística en vivo.
Funzo chega por primeira vez en solitario a Santiago de Compostela o 15 de novembro de 2026 na Sala Capitol, onde presentará o seu novo álbum TDAH.
Un dos referentes da escena urbana española ofrecerá un directo no que repasará os seus temas máis emblemáticos e presentará as cancións do seu traballo máis persoal. Unha cita que promete intensidade e unha experiencia musical única.
Ruslana, unha das artistas emerxentes con maior proxección do pop-rock español, chega a Santiago de Compostela cunha proposta en plena evolución artística. Nacida en Ucraína e criada en Canarias, destacou pola súa madurez creativa e pola forza do seu directo tras darse a coñecer en Operación Triunfo, onde acadou o terceiro posto.
Mind Enterprises actuará por primeira vez en Santiago de Compostela o vindeiro 27 de novembro de 2026 na Sala Capitol. O proxecto liderado polos italianos Andrea Tirone e Roberto Conigliaro converteuse nun dos nomes máis destacados da nova escena electrónica grazas á súa particular reinterpretación do Italo Disco e a unha estética retrofuturista que conquistou público e redes sociais en todo o mundo.
O lema do ICOM para o día Internacional dos museos de 2026 é “Museos unindo un mundo dividido” Preténdese, con este lema, destacar o papel dos museos como pontes entre as divisións culturais, sociais e xeopolíticas que fomentan o diálogo, o entendemento, a inclusión e a paz dentro e entre as comunidades de todo o mundo. Como espazos públicos de confianza e lugares de aprendizaxe, os museos contribúen á coexistencia pacífica e ao respecto mutuo.
Santiago de Compostela acollerá o 31 de outubro, dentro do ciclo Underfest Bites, a presentación en Galicia do novo espectáculo de Maria Arnal, titulado AMA, unha proposta que marca unha nova etapa na traxectoria da artista catalá.
Recoñecida como unha das voces máis innovadoras do panorama musical contemporáneo, Maria Arnal presenta un show que xa triunfou no Sónar e que en 2026 xirará por cidades como Londres, Bruxelas, París, Berlín ou Roma.
Parquesvr, tras un intenso ano de xiras con máis de 70 concertos e catro discos publicados, consolídanse como unha das propostas máis sólidas do circuíto alternativo estatal. Agora presentan “Mitos y leyendas”, o seu novo álbum, un traballo que amplía os límites do rock alternativo contemporáneo con letras máis afiadas, melodías máis coidadas e unha clara evolución do proxecto.
A Cidade da Cultura acollerá o próximo 12 de xuño a primeira edición de El Campus, un novo festival musical presentado como “o maior evento universitario”, que reunirá música en directo, DJs, food trucks, barras, xogos e diferentes actividades ao longo da noite.
A cita, integrada nos Concertos do Xacobeo, converterá o Gaiás nun gran espazo de encontro arredor da música electrónica e urbana, cun cartel que combina artistas nacionais e algúns dos DJs máis destacados da escena galega.
O CHICHAFEST é unha celebración do talento emerxente galego, un encontro no que as bandas gañadoras do ONDACHICHA soben ao escenario para amosar a forza da nova escena musical do país.
Música en directo, cultura, comunidade e creatividade únense nun evento pensado para conectar artistas, público e proxectos que contribúen ao crecemento da música galega actual.
Un festival para descubrir, celebrar e vivir a música galega.
