Concerto

Carmela é un proxecto musical que basea o seu repertorio na música de tradición oral galega, a través do canto e a percusión de man como elementos definitorios. Iniciando o traballo dende informantes e arquivos musicais, o obxectivo do proxecto é trasladar aos palcos a esencia destas melodías acompañadas dunha visión propia e actual. Carmela utiliza a tradición como un ente flexible e moldeable que se adapta ao contexto musical actual a través de sons que viaxan dende as percusións ata referencias electrónicas.

Gramola Yé,Yé é un cuarteto formado por guitarra, baixo, batería e voz cunha línea moi fresca e festiva. Renden homenaxe aos guateques, ao movemento Yé Yé e ás cancións do verán dos anos 60 e 70.

O seu repertorio está integrado por cancións de los Diablos, Los Bravos, Karina, Massiel, El Dúo Dinámico... Recordando temas como Las flechas del amor, Un rayo de sol, Oh,Oh, July, El bául de los recuerdos ou o clásico La,La,La.

Uxía lambona e a Banda Molona é unha banda musical infantil que nace no ano 2014 e está formada por Pali ao baixo, Ñoc á batería, Diego á gaita e frauta, Serghaño á guitarra, Roscón ao acordeón e Uxía cantando e animando!

Ten o  obxectivo de facer cantar e bailar “coma toliñ@s” a todos os nenos e nenas, achegándolles a música tradicional galega dun xeito  atractivo para eles, cambiando estilos musicáis, letras…, e temas propios sempre en galego.

A día de hoxe teñen tres cd´s publicados:

Uxía Lambona e a Banda Molona 2015

Radio Bulebule é un espectáculo baseado no libro-cd-dvd Radio Bulebule editado por Kalandraka Editora, no que se combinan cancións e interpretacións cos rexistros máis divertidos.

Abre as orellas! Sintoniza Radio Bulebule, a radio itinerante, radio ambulante, radio cantante, transmitindo para o mundo en linguaxe universal. Irrompe no dial a emisora que soñamos. A emisora que máis nos gusta. Porque dentro dela soa o universo todo, porque dentro dela todo o universo é música.

'Pakolas', rockeiro e guitarreiro, é o nome co que Paco Cerdeira se presenta ante o público infantil, eido no que o músico conta con longa traxectoria.  Neste concerto, Pakolas guiaranos coa súa forza interpretativa e o seu humor por todo un universo musical, a través da súa voz e a guitarra, nun espectáculo individual creado polo propio autor, onde a interacción e participación coas nenas e nenos, a animación, as súas caracterizacións e a súa música son o principal atractivo para o público. Pakolas tamén nos presentará a súa máquina do tempo no directo

As percusións da banda Odaiko están listas para armar unha festa musical con ritmos de todo o mundo.

Los Camachuelos é unha banda de versións de verdade. Unha formación con distintas personalidades -Rumba, Ska, Funk, Rock, Reggae, Disco, Indie, Cumbia-, que se mesturan dando un aire fresco e actual a cada cover, sempre respectando a esencia musical das cancións orixinais. Nos seus concertos poderás bailar, cantar e gozar de éxitos atemporais que che farán vibrar como a primeira vez que os escoitaches, pero á forma dos Camachuelos.

Neste programa, o grupo Alfolí integrado pola soprano Gemma Román e os instrumentistas Roberto Santamarina ao violín barroco, Víctor Blanco ao harpa de dúas ordes e guitarra barroca e Pablo Ruibal a viola da gamba, preséntanos un compendio de música irlandesa, escocesa e inglesa do barroco. As broadside ballads eran cancións populares interpretadas nas rúas e casas das cidádes e vilas británicas dende o século XVI ata principios do século XX. O programa complétase con obras diversas que veñen dulcificar ese ácido e humorístico sabor da melodía popular británica do Barroco.

A banda Morgan pecha a súa exitosa xira “Hotel Tour” cunha serie de concertos durante o outono e o inverno de 2026-2027, poñendo o broche final á presentación do seu cuarto álbum de estudo, HOTEL MORGAN.

Baixo o lema 'O mellor e o peor dos 80 e 90 en concerto' Carta de Ajuste articula un show no que a comedia e a música fusiónanse a partes iguais, buscando a complicidade e interacción do oínte en todo momento e envolvendo aos asistentes nunha festa fóra do común. Facer ao publico protagonista en cada concerto retrata a filosofía desta agrupación musical, que transforma cada actuación nun paréntese, onde os asistentes conseguen esquecerse das rutinas e preocupacións diarias a través da música.