No vibrante tapiz da escena musical dos Ánxeles, LA LOM destaca pola súa capacidade para entrelazar sen esforzo os diversos xéneros e culturas da cidade na súa música. Abreviatura de The Los Angeles League of Musicians (A Liga de Músicos de Los Ángeles), LA LOM está formada polos nativos de Los Ángeles Zac Sokolow (guitarra), Jake Faulkner (baixo) e Nicholas Baker (batería/percusión).
Morgan regresa á estrada coa xira “Hotel Tour 2025”, para presentar o seu cuarto traballo de estudo titulado “HOTEL MORGAN.” HOTEL MORGAN é o novo disco de Morgan. A próxima parada da viaxe. Un disco para visitalos un intre, co que quixeron crear un lugar temporal para estas novas cancións no que cada unha teña o seu espazo, conte a súa historia e sexa libre no seu propio lugar, pero preto das demais. Un lugar máis dos moitos (oxalá) que formen parte dese camiño e que os represente agora. É o hotel dende o que sairá a tocar.
Uxía lambona e a Banda Molona é unha banda musical infantil que nace no ano 2014 e está formada por Pali ao baixo, Ñoc á batería, Diego á gaita e frauta, Serghaño á guitarra, Roscón ao acordeón e Uxía cantando e animando! .
Ten o obxectivo de facer cantar e bailar “coma toliñ@s” a todos os nenos e nenas, achegándolles a música tradicional galega dun xeito atractivo para eles, cambiando estilos musicáis, letras…, e temas propios sempre en galego.
É un proxecto en 3 linguas, onde Gustavo Almeida engade o exquisito matiz da lingua galega no seu repertorio, ademáis do portugués de Brasil e o castelán, interpretando varias cancións do seu máis recente traballo discográfico (Vértice) acompañado por músicos de orixe galega,brasileira e cubana.
Funk, reggae e pop de autor, con letras traballadas que van desde as mensaxes profundas e luminosas ata os estribillos máis potentes. Versatilidad musical en estado puro e o carisma xa coñecido deste artista brasileiro-galaico afincado na nosa terra, pero trotamundos por excelencia.
Camiño Branco é o novo espectáculo de Sheila Patricia. Inspirado nos versos de Rosalía de Castro. Facendo unha simbiose co Camiño de Santiago, Sheila Patricia fai un percorrido por diferentes espazos máxicos galegos, así coma diferentes épocas da nosa terra, as profesións máis característica e o papel da muller na sociedade galega, especialmente rural.
Sheila Patricia, a voz da nova canción de autora en Galicia, integra os ritmos e sons máis actuáis, coa música do acervo cultural galego.
Somos Martin Human, unha banda formada orixinalmente polo cantante Martín, Richi manexando o baixo e marcos marcando o tempo coa batería. Todos bebemos moito da música dos 90 e dos 2000, e o noso estilo ten influencias do rock americano, o grunge e o country. A finais do ano 2022 sacamos o noso primeiro EP Anomaly, este disco reflexa experiencias pasadas e vivencias en diferentes momentos da vida. Foi o noso primeiro traballo totalmente autoproducido co que puidemos investigar e sacar un son crú, con soamente os elementos que utilizamos nos nosos concertos en directo.
Cristian Silva é un artista polifacético con dominio en varios estilos e diversos instrumentos de todo tipo. Posúe unha ducia de primeiros premios en concursos de música tradicional, ademais de colaboracións con multitude de artistas como Carlos Núñez, Susana Seivane e Rosa Cedrón ente outros.
The Tetas' Van nace en 2011 coa idea inicial de crear unha banda de mulleres co obxectivo primordial de visibilizar á muller dentro do panoarma musical, pois observaron que non hai moitas referentes dentro deste ámbito. É moi importante visibilizar o papel da muller en todos os contextos, sobre todo para as novas xeracións. É un dos obxectivos deste grupo que dicen textualmente: “Queremos normalizar a figura da muller no escenario”.
Un novo proxecto de música rock en galego que busca familiarizar á rapazada cos valores cooperativos e o deporte. A través de divertidas cancións a Banda dos Insectos fala de compañeirismo, respecto, igualdade e solidariedade. Un concerto cheo de ritmo e diversión para toda a familia!
Batería e voz: Iván Salgado
Baixo e coros: Eduardo Cadenas
Guitarra e coros: Juan Pérez
Animador: Manuel Fernández
Sinopse
O destino designou como depositarias da nosa esencia ás xentes do pobo, e cando estas cantan e contan a quen as quere escoitar, o que sucede transcende a unha simple comunicación: a transmisión oral crea, entre quen emite e quen recibe, un vínculo que os fai para sempre parte dunha mesma realidade; posuidores do mesmo coñecemento e responsables da súa perdurabilidade.
