Un novo proxecto de música rock en galego que busca familiarizar á rapazada cos valores cooperativos e o deporte. A través de divertidas cancións a Banda dos Insectos fala de compañeirismo, respecto, igualdade e solidariedade. Un concerto cheo de ritmo e diversión para toda a familia!
Batería e voz: Adrián Salgado
Baixo e coros: Eduardo Cadenas
Guitarra e coros: Juan Pérez
Animador: Manuel Fernández
XISCO SINFÓNICO é o novo proxecto do cantante de música tradicional Xisco Feijóo: unha creación contemporánea de raíz, na que a súa voz e a linguaxe da tradición dialogan cunha orquestra sinfónica. O repertorio inclúe música inédita composta especificamente para o proxecto e incorpora tamén temas do seu disco Peixe, adaptados a esta nova arquitectura sonora.
UNTO VELLO é un proxecto que nace das recollidas de música tradicional galega que fan os seus integrantes: Bieito Pereira e Xabi Gómez. A súa música está dedicada ao baile tradicional, conseguindo facer bailar ao público e tecendo comunidade en cada actuación.
No seu ano de traxectoria, o dúo estreou varios sinxelos como Corcubión-Corralín ou Adelaida, que formarán parte do seu primeiro disco, Inmaterial, que presentarán en marzo de 2026.
BOSQUE é un espectáculo musical no que a natureza ofrece un concerto. Unha fábula na que os animais e as plantas dun recuncho da terra expresan a sabedoría ancestral a través da súa día a día. Música e teatro para reivindicar a necesidade de coidar eses pequenos lugares naturais que cada persoa ten ao seu lado.
No marco da xira 30 aniversario, Rosa Cedrón presenta un concerto en formato trío, acompañada por Javier Cedrón (violín) e Juanjo Fernández (piano). A proposta percorre as diferentes etapas da súa traxectoria artística, combinando as cancións que xa forman parte da memoria colectiva con composicións propias máis íntimas, nun formato próximo, coidado e de gran intensidade emocional.
Un concerto centrado no espírito vangardista do ballet de comezos do século XX, con obras clave de Stravinsky e Manuel de Falla que marcaron un punto de inflexión na música europea.
Un programa que reflexiona sobre o retorno ás formas clásicas como fonte de inspiración creativa, con obras de Shostakovich, Prokofiev e Séjourné.
Solista: Iria Pérez Antelo (marimba)
Este concerto ofrece unha panorámica da creación musical galega contemporánea a través de obras de estrea absoluta interpretadas polos directores finalistas do IV Concurso de Dirección da Banda Municipal de Música de Santiago.
Tres voces. Unha lenda. Un espectáculo irrepetible.
Un viaxe emocionante polas arias máis célebres da ópera, a zarzuela e a canción napolitana. Inspirado nos lendarios concertos de Pavarotti, Domingo e Carreras, este espectáculo rende tributo á maxia dos tres tenores que conquistaron o mundo.
Tras máis de 40 anos ao pé do canón do rock’n’roll, Edwyn despídese dos escenarios españois. Esta será a súa última xira por España e o 10 de maio fará unha parada moi especial na Sala Capitol. Desde aquel primeiro concerto en 1977 con The Nu-Sonics, compartindo cartel con The Backstabbers, The Skids e Steel Pulse no mítico Satellite City de Glasgow, ata hoxe, Edwyn mantivo viva a chama do rock cunha traxectoria única.
