A festa de Ginebras en Santiago de Compostela xa ten nova data oficial para 2027.
A xira ¡Donde Nada Es Para Tanto Tour! fará parada en Galicia en febreiro de 2027, nun concerto no que a banda presentará o seu último traballo e repasará os temas máis destacados da súa traxectoria.
Unha cita imprescindible para gozar do directo dunha das bandas máis recoñecidas do panorama pop-rock nacional.
Carolina Rubirosa e Xavier Alcalá, autor de temas tan emblemáticos coma Teño Saudade ou Fogar de Breogán, fan un repaso pola obra de Andrés do Barro, contextualizando histórica, social e culturalmente o momento en que foron compostas e toda a Nova Canción Galega, e dotando o repertorio dobarriano de novas roupaxes sonoras. Unha ollada diferente para presentarlle o autor ferrolán ás novas xeracións e ofrecerlles información descoñecida a aqueles que viviron o ascenso de Andrés do Barro ao número 1 das listas de éxitos estatais cantando en galego.
As Catas Sonoras no Museo do Viño de Galicia, que acadan este ano a súa sexta edición, permiten gozar de catas musicais para todos os gustos, dende o jazz ata autores clásicos, dende a bossanova ata o blues ou dende o fado ao swing, sempre en directo.
Música ao solpor, na terraza do Museo, nun entorno de viñedo e arquitectura do viño, finalizando cunha copa de viño para rematar a sesión.
As cancións de POI teñen unha temática centrada na protección da natureza e da cultura como alicerce fundamental da nosa sociedade.
Ademais da súa mensaxe protectora, as cancións de POI tamén inclúen elementos espirituais que che farán reflexionar.
Pulpiño Viascón e o seu acordeón presentan un novo show de música itinerante para pasarrúas con ritmos de muiñeira africanos, ska, cha cha cha, e xotas, cun equipo de son portátil e máquina de pompas, ademais dunha potente voz microfonada, a alegría e o baile están asegurados con A Trikidisco.
Hoxe na horta de Brais das Hortas hai concerto. Mellor dito: Consertasso! Todo da casa! Grelos e temassos, cun equilibrio variado de formas e estilos - como debe ser nun ecosistema musical diverso e saudable! Música e humor para toda a familia. Letras e arranxos coidados para sementar e apañar risas e ganas de cantar xuntas.
A Real Filharmonía de Galicia pecha a tempada cun dos cumios da historia da música: o Réquiem de Wolfgang Amadeus Mozart. Xunto ao Coro da Orquestra Sinfónica de Galicia, coros participativos e un destacado elenco de voces solistas, este concerto convértese nunha celebración colectiva arredor dunha das obras máis conmovedoras do repertorio.
A Real Filharmonía de Galicia propón neste concerto unha reflexión sobre a memoria musical e o diálogo entre tradición e vangarda, a través de tres obras que establecen pontes entre o legado clásico e a creación do século XX.
Real Filharmonía de Galicia propón neste concerto unha viaxe pola transformación da idea de melodía na música sinfónica, desde a escritura máis fragmentada e contemporánea ata algúns dos grandes fitos do Romanticismo ruso.
O programa ábrese con Melodien de György Ligeti, unha obra na que a melodía se multiplica e se dilúe nun fluxo continuo de liñas que se cruzan, se interrompen e se reconstrúen nun espazo sonoro en permanente transformación. A orquestra convértese nun organismo vivo, onde cada voz mantén unha identidade propia dentro dun tecido en constante movemento.
Orquestra Sinfónica de Galicia Roberto González Monjas, director Dmitri Shishkin, piano
Antonín Dvořák: Abertura Otello Camille Saint-Saëns: Concerto para piano núm. 5 en Fa maior, Op. 103, «Exipcio» Gustav Mahler: Blumine Antonín Dvořák: O trasgo da auga
A música de Dvořák constrúe un universo no que a emoción e a natureza conviven con forza narrativa. Na abertura Otello, o compositor afonda no lado máis escuro do amor, cunha atmosfera sombriza na que os celos erosionan progresivamente o discurso musical ata a súa disolución.
