O Outono Códax Festival despídese da súa XVI edición cunha noite protagonizada por tres grandes nomes do rock de raíces.
Os canadenses The Sadies, referentes internacionais desde 1994, chegan coa súa inconfundible mestura de garage, psicodelia, rockabilly, surf e bluegrass. Cun directo recoñecido pola súa intensidade e calidade musical, a banda continúa defendendo o seu legado tras a perda do seu fundador Dallas Good.
A Big Band de Galicia. Gran Calidade musical cun son impactante e explosivo!! Dirixida por Cristian Leggiero, está integrada por 17 artistas presentando o espectáculo LEGENDS TOUR, no que lembran a artistas lendarios que marcaron unha época nos seus estilos musicais que abarcan desde o swing, salsa, soul-rock e disco-soul cun repertorio que vai desde os sons latinos do chachachá, a salsa, os boleros ou o mambo ata o swing máis bailable da época de Frank Sinatra ou Luis Prima ata chegar a Michael Bublé e o soul-rock e disco-soul de Tina Turner, Donna Summer ou Aretha Franklin.
Hoxe na horta de Brais das Hortas hai concerto. Mellor dito: Consertasso! Todo da casa!
Grelos e temassos, cun equilibrio variado de formas e estilos - como debe ser nun ecosistema musical diverso e saudable!
A Santa Compaña aparécese entre as patacas cantando un trap.
Hai unha pulga punk da praia de Liméns.
As cabras tiran para o monte e os caracois reivindican o seu ritmo: o reggae.
Entre as cenorias, os lagartos toman o sol ao son dun tumbao -é o propio!- e os kiwis non paran de brotar bailando ska.
Lia Kali chega a Santiago cunha proposta que nace da emoción, a honestidade e a fusión de estilos que define a súa traxectoria.
O seu primeiro disco, Contra Todo Pronóstico (2023), naceu como unha catarse persoal para transformar experiencias, feridas e medos en música. Un traballo co que conseguiu conectar profundamente co público e converter as súas cancións nun espazo compartido.
Vacacións en Ornanda é o último traballo discográfico de Momboi. Nel, a banda colle a tenrura por bandeira e transita pola beleza dos lugares comúns ao compás de medios tempos e pasaxes melódicas. En total, 12 cancións que a banda compartiu xa nos seus directos, que gravaron no estudo de MaySound Producións con Ángel Morandeira e masterizaron con Cem Oral en Berlín. “As letras e a música deste disco buscan conectar co medio natural e co noso lado máis humano”.
Proxecto no que pretende homenaxear ás mulleres que nos anos 40 irromperon no mundo do Jazz no que ata o momento tiñan un papel irrelevante, sendo os solistas masculinos os auténticos protagonistas (a muller adoitaba perfumarse con xasmín para entrar nas salas da época). A chegada de Ella Fitgerald, Billie Holiday, Sarah Vaughan e Dinah Washington, aínda vindo da sociedade máis marxinal cambiou o mundo da muller e do Jazz para sempre.
Café Quijano chega a Santiago de Compostela coa súa xira final Miami 1990 Tour 2027, un espectáculo que percorre a traxectoria dunha das bandas máis recoñecidas do panorama musical español.
Los Zigarros chegan coa súa xira Carne con patatas, un espectáculo que combina os novos temas da banda cos grandes éxitos que marcaron a súa traxectoria. Un directo intenso e sen artificios no que o rock é o auténtico protagonista, confirmando unha vez máis por que o escenario é o seu hábitat natural.
Rodrigo Caamaño, Isa Cea e Rafa Mallo regresan aos escenarios coa xira Mi Catedral Tour, unha nova etapa na que a banda galega reafirma a súa identidade dentro do indie rock, o noise rock e o post-punk.
Tras unha xira de aniversario marcada polo ritual do tarot e o factor sorpresa, o grupo volve á súa terra para ofrecer un directo cargado de intensidade, enerxía e personalidade propia.
Puño Dragón é hoxe un dos proxectos máis prometedores do panorama musical nacional.
Orixinais, auténticos e enérxicos, os asturianos presentan unha proposta con identidade propia, na que o rock tradicional se mestura con novas sonoridades que achegan o seu estilo ao presente.
Neste concerto, a banda presentará o seu esperado terceiro disco, aínda inédito e sen título, abrindo unha nova etapa que promete levar o seu son un paso máis aló.
