Artes plásticas

Esta exposición, comisariada por José Ballesta de Diego, director do Museo Quiñones de León do Pazo de Castrelos, convida a descubrir a obra de Mario F. Granell a través de máis de sesenta cadros procedentes de diversos prestadores; documentos, fotografías... nunha das mostras máis importantes do artista celebradas ata a data. A exposición percorre a vida completa do artista con obra representativa das súas diferentes etapas e dos contextos nos que esta se desenvolve.

O Museo Fundación Eugenio Granell inaugura o vindeiro xoves 23 de outubro, ás 20:00h., a exposición Armas de diversión masiva do artista Carlos AG, que poderá visitarse ata o 18 de xaneiro de 2015.

O artista ourensán presenta un proxecto específico para o espazo alternativo do CGAC que poderá visitarse ata o 11 de xaneiro de 2015. As súas pezas ocupan un espazo de tránsito reinventado como espazo expositivo, moi en sintonía cos intereses, o discurso e o quefacer do propio artista.

Máis información
 

En É capital Cristina Lucas analiza algunhas das principais incógnitas, paradoxos e retos que supón o actual sistema capitalista mediante catro obras de nova creación concibidas especificamente para o contexto desta exposición.

Pintor, debuxante e ilustrador tamén coñecido polos seus pseudónimos Ops ou El Roto.
Galardoado co Premio Nacional de Ilustración correspondente ao ano 2012, que concede o Ministerio de Educación, Cultura e Deporte co obxectivo de recoñecer e distinguir o conxunto do labor realizado por un ilustrador español no ámbito do libro e das letras españolas.
 

Percorrido polos últimos vinte anos de traxectoria do artista. Os traballos que presenta -realizados sen intervención dixital, de forma manual- recrean ambientes oníricos, moi en consonancia coa tradición surrealista, non exentos, sen embargo, dunha certa estética pop, debido á utilización de imaxes sacadas de revistas e demais publicacións da cultura de masas, pero obviando calquera referencia á cultura de consumo. O resultado ten un alto grao de narratividade que, mediante a utilización maxistral da metáfora visual, nos mergulla en mundos imaxinarios e misteriosos.

Nos Xardíns do Museo Provincial de Lugo, a escultora de Noia amosa un conxunto de obras que afondan as súas raíces na tradición do noso país, pois esta artista lembra a arte ornamental primitiva das comunidades castrexas, onde a loita titánica para dominar os metais, obtidos en escuros lugares, crearon imaxes universais.

A exposición, comisariada por Miguel Mont, é unha selección de 60 pezas da obra realizada pola artista viguesa nos últimos dez anos, unha etapa na que se explorou a relación entre o debuxo e a pintura, entre a dimensión xestual e os distintos tempos e temporalidades de aplicación. Vinte das pezas están realizadas con técnica mixta e acrílicos sobre lenzos e proveñen de coleccións públicas como a Fundación Aena, a Deputación da Coruña ou a Fundación Abanca; mentres que as corenta restantes correspóndese con series de debuxos sobre papel.

A exposición permite gozar do traballo destes referentes da arte galega na súa incursión polo gravado: unha linguaxe plástica moi utilizada en toda a historia da arte que, na actualidade, configura unha disciplina autónoma con moitos seguidores no eido da creación contemporánea, pero que tamén tivo, en tempos, unha consideración inferior, baseándose na súa vinculación cun oficio concreto ou cun xeito de elaboración artesanal que non identificaba o estampador co artista.

Partindo de tres estudos inéditos realizados por Manuel Colmeiro nos anos trinta para un mural, a exposición profundará a evolución do autor desde unha pintura simbólica a outra en que prevalece a autonomía da pintura sobre o tema, facendo fincapé na modernidade da súa opción.

Para presentar esta evolución mostraranse os seus temas máis recorrentes: o nu, a paisaxe, a natureza morta, a muller campesiña ou o autorretrato, facendo ver a convivencia do primitivismo cun certo clasicismo, que se pon de manifesto tanto nos temas como na plasmación plástica.