Marionetto, contador de historias, comparte con todos nós unha vella historia que oíu hai tempo. Un conto épico sobre o Nadal, o equinoccio, a luz, a escuridade... pero distintas personaxes interrómpeno. Un divertimento con monicreques un pouco tolo e festivo en torno ao Nadal.
Para nenas e nenos de 3 a 12 anos.
No salón de actos, entrada libre ata completar a capacidade da sala.
Dende as montañas dos Ancares e O Courel baixa cara a biblioteca o vello carboeiro, o chamado Apalpador, quen traia castañas asadas as nenas e nenos que tiñan fame naqueles tempos de inverno. Agora, cando abrimos as castañas, céibanse contos que alimentan o coñecemento da riqueza dos nosos soutos e carballeiras, regatos, e das penedas das fervenzas.
Para nenas e nenos de 3 a 12 anos.
No salón de actos, entrada libre ata completar a capacidade da sala.
Todas as letras xuntiñas viaxan e xogan dentro da miña Maletra. E cando a abro, todas corren para fóra bailando e formando palabras que xogan á roda e cóntanme ao ouvido fermosas historias que levan tempo andando polo mundo, de boca en boca, de soño en soño.
Para nenos e nenas de 3 a 12 anos.
No salón de actos, entrada libre ata completar a capacidade da sala.
Unha Rosalía nena irá debullando a súa vida entre versos, cancións e soños. Quen mellor que ela para facelo?
Un achegamento ao mundo infantil da nai das nosas letras, a Rosalía defensora da muller, da súa terra, reivindicativa, divertida…
Para nenos e nenas de 3 a 12 anos.
No salón de actos, entrada libre ata completar a capacidade da sala.
Hamelín é atacada pola era tecnolóxica e só nenas e nenos conseguen fuxir e comezar a gozar da vida sen móbiles, ordenadores ou calquera outro tipo de artiluxio.
Escoitaremos as aventuras dun destes rapaces, o Traxugas, nunha antiga vila rural.
Para nenos e nenas de 3 a 12 anos.
No salón de actos, entrada libre ata completar a capacidade da sala.
Que pasa cos contos unha vez fabricados no laboratorio?
Os e as visitantes á sala serán os/as que se aventuren connosco para tomar a decisión máis importante... o verdadeiro final dos contos.
Para nenos e nenas de 3 a 12 anos.
No salón de actos, entrada libre ata completar a capacidade da sala.
Hoxe no castelo andan de celebración!. O rei está de aniversario!! E o cociñeiro Martiño pensa facerlle a súa mellor torta... unha torta de cenorias!! ... pero... cando Martiño sae a buscalas... onde están?? Desapareceron!!
Conto para nenas e nenos de 3 a 12 anos.
No salón de actos, entrada libre ata completar a capacidade da sala.
Cando era pequeno recordo que xogaba co meu pai os venres pola tarde, os sábados e os domingos; pasou un tempo e o meu pai non podía xogar por culpa do traballo, pero o meu avó Secundino sempre estivo ao meu lado.
Dirixido a nenas e nenos a partir de 3 a 12 anos.
No salón de actos, entrada libre ata completar a capacidade da sala.
Dúas amigas que, aínda que son moi diferentes, fan moi boas migas e viven fantásticas aventuras nun bosque tamén moi peculiar.
Contos dirixidos a nenos e nenas de 3 a 12 anos.
No salón de actos, entrada libre ata completar a capacidade da sala.
Un espectáculo dinámico, sorprendente e divertido onde volverás a ilusionarte e a sorprenderte con efectos e situacións máxicas diferentes.
Para público familiar.
No salón de actos. Entrada libre ata completar a capacidade da sala.
