Rede galega de salas

Procedementos ante o baleiro toma o seu título dunha necesidade activa, se o teatro é acción, é teatro o que nos está a facer falla. Entendemos que o estudo teórico da situación que nestes momentos atravesa o mundo non é abondo, entendemos que a verba exenta de acción perdeu a súa forza, pretendemos facer presente a acción, refugamos unha narrativa na que os acontecementos sucédanse e enténdanse aferrados únicamente á palabra evidente e dende un orde aparentemente lóxico.

Sinopse:

Um  belo día é un proxecto de vida construído por Doce Duca e Iris. Vida en forma de espectáculo. Doce Duca incorpora o malabar, a manipulación e os equilibrios de mazas cunha linguaxe corporal única e impactante, transmitindo emocións nunha peza que integra e intriga ao público de todas as idades.

Um belo día nace das entrañas e conecta co espectador de maneira primordial, pura e simple.

Tras tres anos de traballo chegou o momento de liberalo nas rúas, os teatros, as prazas públicas, as salas e os xardíns.

AGURATRAT! é unha adaptación teatral do libro Esio Trot de Roald Dalhl, un dos autores máis lidos da literatura infantil universal.

AGURATRAT! é unha bonita historia de amor e aventuras protagonizada por dúas persoas maiores, o Señor Hoppy e a señora Silver. A terceira protagonista da historia é unha TARTARUGA, personaxe clave que dá título a peza.

AGURATRAT! é unha obra de teatro de actor para público familiar cunha coidada posta en escena, música orixinal, baile e maxia que utilizará bilingüísmo galego-inglés no texto.

Onde viven os monstros baséase na obra homónima de Maurice Sendak, escritor estadounidense de orixe polaca. Un fiel retrato da infancia: Unha peza inspirada no clásico da literatura infantil, considerado o álbum ilustrado perfecto, que mestura fantasía e realidade por igual, trazando un fiel retrato da infancia.

Sinopse: Unha interpretación chaplinesca cun toque dos anos 20.

Mancharse con chocolate pode ser divertido e a hora do baño aínda máis.

Dous amigos, chocolate, unha bañeira e musica orixinal, son os ingredientes desta posta en escena.

Elenco: Estíbaliz Veiga e Kevin Stewart

Sinopse: Contos no faiado conta a historia de Uxía, unha boneca que vive soa e abandonada nun faiado. Un día dáse conta de que alguén máis está con ella. É un gato tristón que non sabe nada da vida. Uxía intenta animalo contándolle historias pero o animal non fai outra cousa que comer ratos e paxaros, feito que non lle gusta nada á nosa protagonista. Será quen Uxía de que Gato deixe de comer outros animais? Poderá ensinarlle como é a vida?

Elenco: Alba Martínes e Tone Martínez

Sinopse: Ao principio do todo, cando sobre a Terra non había nada de nada, en grao sumo profundo do mar, xurdiu unha montaña.

A colosal montaña dividía o mundo en dous partes e estaba atravesada por un buraco, un profundo e longo buraco case  sinfin a través do cal non se podía ver nada, pero si se podía escoitar...

Celebramos o 150 aniversario do clásico de Lewis Carrol. Foi o mesmo autor quen anos despois publicou The nursery Alice, orientada cara aos nenos menores de cinco anos.

Esta versión está feita con menos personaxes e simplificada en canto a contidos.

Para o público infantil, este país absurdo fainos irromper nun mundo moi parecido ao seu, onde non hai fronteiras, onde a lóxica se troca en sen razón, onde todo é posible, onde a vida é soño e o soño realidade.

Elenco: Gonzalo Cardone e Mar Gasco

Elenco: Helen Bertels  e Mónica de Nut

Masa Madre + Sal Marina é un proxecto de coprodución entre Cristina Balboa e Manuel Parra, baixo o nome de Proxecto PANK, entre Galicia e México, unha creación realizada basándose no amor ao teatro dos artistas e na experiencia vital das dúas Compostelas: Santiago de Compostela en Galicia e Compostela Nayarit en México.

Proxecto de creación dramatúrxica apoiado por Iberescena e producido en residencia técnica na Sala Agustín Magán de Santa Marta de Santiago de Compostela e Casa Inverso en Guadalajara, México.