Este luns, 18 de marzo, tivo lugar no Museo Provincial de Lugo a presentación das VII Xornadas de Divulgación Científica do Patrimonio Arqueolóxico Lucense, que levan por título “As villae na Gallaecia. Establecementos agrícolas-señoriais de época romana” e que se celebrarán os vindeiros días 5 e 6 de abril.
Neste ano 2024 celébrase o vinte aniversario da creación da Rede Temática de Investigación “Las Literaturas Infantiles y Juveniles del Marco Ibérico e Iberoamericano” (LIJMI). Naquel momento formouse con investigadores dos ámbitos ibéricos: castelán, catalán, galego, portugués e vasco. A partir do 2007, foi ampliada aos ámbitos iberoamericanos.
O desenvolvemento da xornada será o seguinte:
- "O cultivo dos outros millos: unha historia de 3.300 anos". Por Andrés Teira Brión (Universidade de Oxford)
- "Rastrexando o millo miúdo na dieta do Noroeste". Por Olalla López-Costas (Universidade de Santiago de Compostela)
- Documental "Os millos ausentes". Elaborado por Illa Bufarda, produtora creativa
O MUVICLA (Colección Museográfica Viva e Integrada do Campo e a Locomoción Agraria) en Trasliste (Láncara - Lugo) celebra a terceira xornada sobre alternativas ao uso do petróleo en aplicacións agrícolas. Os contidos son variados e con distintos enfoques, pero centrados na eficiencia do uso da enerxía como fonte esencial para deteriorar menos o planeta. Para asistir prégase confirmación por correo electrónico, whatsapp ou teléfono. Estará dispoñible tamén un enlace zoom para poder asistir telemáticamente.
A Lei 20/2022 do 19 de outubro de Memoria democrática estableceu o 8 de maio como o Día Oficial do Exilio en homenaxe ás vítimas da diáspora, cumprindo a débeda cos que tiveron que fuxir da súa terra e recoñecendo a medio millón de persoas que padeceron esa experiencia por mor dun conflito bélico fratricida e do posterior réxime ditatorial.
FUNPROMAR (Museo ANFACO de la industria conserveira), xunto coa fundación FUNDAMAR convocan ás “IX Xornadas divulgativas sobre o papel da muller no sector pesqueiro e conserveiro”, que terán lugar o luns 31 de outubro ás 11:00h no Edificio Redeiras (Rúa da Ribeira do Berbés, 11) Vigo, no marco de actuación da marca SEREAS, e que conta co apoio do Concello de Vigo e a Deputación de Pontevedra.
Nova edición do programa de promoción da lingua galega Toponimízate. Falámosche dos nomes da túa terra. A acción enmárcase nos proxectos Toponimia de Galicia e GeoArpad, impulsados ambos os dous desde a Xunta de Galicia, e coordinarase desde a Real Academia Galega (RAG) en colaboración coa Secretaría Xeral de Política Lingüística. A toponimia é a disciplina que estuda os topónimos ou nomes propios de lugar: os das aldeas e parroquias, os dos ríos e leiras, os dos penedos e fontes.
O sábado 30 de setembro o Museo do Pobo Galego retoma a actividade "A voltas co baile" para reflexionar sobre o sentido de comunidade nos espazos e prácticas nas que se desenvolve.
Programa:
10h30-11h30. Relatorio. 'Ao coidado do patrimonio inmaterial. Repensando a música e o baile tradicionais como bens mancomunados'. Con Xulia Feixoo.
11h45-12h45. Relatorio. 'Arredor do patrimonio cultural inmaterial colectivo. Viaxe a unha declaración BIC'. Con Beatriz Busto Miramontes.
O Consorcio da Zona Franca de Vigo, con motivo do seu 75 aniversario, presenta o Vigo Global Summit 2023. Un congreso excepcional, marco apropiado para unha reflexión colectiva da man de líderes globais en análises e opinión e referencias no mundo da economía, os negocios e a política.
Para contribuír a esta necesaria reflexión convocamos a galardoados co Premio Nobel de Economía, banqueiros, empresarios, directivos, analistas e medios de comunicación. O obxectivo é trazar o camiño para que Vigo, Galicia, España e a propia Unión Europea avancen con máis certeza e seguridade.
Co gallo do Día Internacional dos Museos o Museo do Pobo Galego celebra o seminario "Museos no cambio sustentable, museos de impacto", o xoves 25 de maio ás 17h. Será da man da enxeñeira e consultora María Baqueiro, promotora do Pacto Cultura Sustentable.
