Xornada/Congreso

O sábado 25 de marzo o Auditorio Municipal acollerá unhas xornadas adicadas a formar e dar voz ao tecido sostible e económico de Nigrán. Comezarán ás 16.00 cun taller aberto ao público no que traballar distintos aspectos para emprender e traballar no comercio local con sostibilidade, ás 17.00 h haberá unha mesa redonda na que empresas como Trisk-Ale ou Ertha Surfboard falarán da súa experiencia emprendendo en Nigrán, e ás 18.00 h será a quenda da charla “Restauración de ecosistemas en climas desérticos”, da man do nigranés que está a reforestar o Sáhara, Alexandre Pereira.

O Encontro do Viño Galego Revera Vinum pretende dar a coñecer, promover e difundir os viños galegos entre os profesionais do sector e a veciñanza e os turistas que visiten Santiago de Compostela, así como lograr crear un punto de encontro para as diferentes adegas, DO e IXP galegas, reunidas todas elas por primeira vez nun evento destas características.
+Info: http://reveravinum.gal/programa-rv

A biblioteca cede o espazo para a realización de Remedios literarios: que é a biblioterapia? no marco do Evento Multiplicador do Bookpower en Santiago de Compostela.
O Book Power Erasmus+ K2 é un proxecto que desenvolve accións formativas de biblioterapia con mulleres vencelladas a espazos en risco de vulnerabilidade social.
Forman parte del as seguintes entidades: Love for Livres (FR), Espacio Rojo (ES), Led by Her (FR), Quartier Libre (BL), -Arch (IT) e a Fundación Uxío Novoneyra (GAL).

O mércores, 22 de febreiro, ás 19:00h. para celebrarmos o Día de Rosalía (23 de febreiro) no Museo Provincial de Lugo convocámoste a un Diálogo de Saberes ‘Arredor de Rosalía de Castro’ no que van participar Marica Campo, Luz Darriba e Helena Villar Janeiro. Modera: Encarna Lago González. Benvida e presentación, Tareixa Antía Ferreiro Tallón, vicepresidenta da Deputación de Lugo. Entrada libre até completar aforo. Inscrición previa: concertacionsrmp@mail.com

O Encontro de Cadernos de Viaxe Compostela Ilustrada, nace no ano 2016 da man do Patito Editorial e a dirección de Miguelanxo Prado, como un salón de inverno na cidade de Santiago, aberto a cuadernistas de todo o mundo. O obxectivo que persegue este evento, que se realiza durante a segunda fin de semana do mes de novembro, é traer aos mellores profesionais desta arte para compartir as súas experiencias a través de conferencias, exposicións e xornadas de debuxo en vivo cos participantes.

Literatura, lingua, historia, arte... Ramón Pena, Xesús Alonso Montero, Víctor F. Freixanes, Aurora Marco, Rosario Álvarez ou Raquel Queizás, son algúns dos expertos que poderemos escoitar nestas xornadas.

Ponte a punto é o Congreso Acelerador do Desenvolvemento Persoal. Un evento anual dirixido a todas aquelas persoas que desexan obter ferramentas para desenvolver unha actitude de vida máis plena, feliz e íntegra.

Un congreso que pretende espertar conciencias e inspirar ás persoas para conseguir a mellor versión de si mesmas e axudarlles a desenvolver o mellor do potencial humano para aplicalo no persoal e o profesional.

Escolas Católicas de Galicia organiza, en colaboración coa Secretaría Xeral de Política Lingüística (SXPL), a XVIII Xornada de normalización lingüística, dirixida, un curso máis, a todo o profesorado de centros públicos, concertados e privados de Galicia. Desenvolverase o 18 de novembro de 2022, de 9:30 a 14:30 h, no Consello da Cultura Galega.

Máis información

Serán tres xornadas de tarde nas que poderemos ter a oportunidade de escoitar conferencias de ponentes de recoñecido prestixio do mundo da ilustración. As conferencias serán moderadas por Maru Godás.

Miguel Anxo Prado e Rita Sabler

Rita Sabler é xornalista visual, educadora, e artista é Directora de Educación na xunta directiva da organización global Urban Sketchers.

Miguel Anxo Prado é un dos mellores debuxantes europeos
 e director do prestixioso festival de cómic Viñetas desde o Atlántico.

Marielle Durand

FUNPROMAR (Museo ANFACO de la industria conserveira), xunto coa fundación FUNDAMAR convocan ás “VIII Xornadas divulgativas sobre o papel da muller no sector pesqueiro e conserveiro. Investigando en feminino”, que terán lugar o luns 24 de outubro ás 17:00h na sede da Deputación de Pontevedra en Vigo, no marco de actuación da marca SEREAS, e que conta co apoio do Concello de Vigo e a Deputación de Pontevedra.