Teatro

Ultranoite acompaña á compañía Chévere case desde o seu nacemento e vai xa pola súa edición número 112. Despois do éxito de convocatoria da Ultranoite celebrada o ano pasado no Liceo de Noia, volvemos recuncar neste marabilloso salón de baile, que nos ofrece un magnífico espazo para gozar do espectáculo da Ultranoite como debe ser: con mesas, servizo de bar e na mellor compañía que cada quen queira, para despedir o verán e entrar no outono con enerxías e risas renovadas.

Presentamos Made in Galiza, unha obra que transita por momentos reconocibles da vida cotiá e combina temas sociolingüísticos con formas amables e xenerosas de vivir e pensar ás que se pode chegar a través do xogo e a diversión.

A obra de Sende abre a porta ao humor reflexivo, á poesía accesible a todos, a través dun texto que conmove e conmove.

Érase unha vez...

unha princesa, a princesa Valentina. Naceu e, claro, todo parece indicar que algún día será raíña. Pero que pasa se a nosa protagonista non quere ser o que se espera dela? Se prefire xogar con espadas, ser armada cabaleira e percorrer o mundo?  Pois o que pasa é que se vai meter en moooooitas leas!

E menos mal que estamos aquí para contalas todas! 

No noso furancho pódese consumir o excedente de viño, que é sinónimo de humor, e gozar dun espazo de comunión e complicidade no que o público acode a empaparse coa máis pura e sincera expresión da comedia hilarante.

A capitana Centella e o doutor Potasio chegan coa súa nave a terra en busca do Ziscornio o elemento necesareo para salvar o seu planeta que está sendo atacado por bichos malignos. Co elemento secreto no seu poder Centella e Potasio soben a súa nave espacial e despídense das boas xentes e dispóñense a despegar pero comezan os problemas!!! Rompe o vehículo, perden o mapa, chegan os malos e a cousa complícase… Poderán Centella e Potasio regresar ao seu planeta?? Conseguirán que as boas xentes da Terra os axuden?

A Condesa Colorada e o seu axudante Leocadiof son viaxeiros chegados dende moi lonxe. A Condesa, unha coñecida contadora con fama internacional, disponse a narrar o seu relato preferido pero, ao abrir o libro, cae na conta de que o seu conto está cheo de buratos. Faltan palabras moi importantes como “ganapán”, “vagalume” ou “verme”. As palabras fuxiron da historia, borradas por falta de uso.

Espectáculo de rúa constituído por cabezudos motorizados de apariencia ambigua (poden verse como zapatos xigantes, cíclopes, automóbiles...). As múltiples posibilidades que ofrece a motorización dos cabezudos, manipulados por personaxes clownescas, fai que nos atopemos perante un espectáculo sorprendente, áxil e de grande interrelación co público.

Ramón Sanfiz, aventureiro e percusionista dunha orquesta de baile da mariña, disponse a percorrer un novo itinerario co seu tríciclo. No encontro co público cóntalle a viaxe que realizou desde a súa vila natal ata San Andrés de Teixido engarzando as diferentes historias que aprendeu dos habitantes que se foi topando polo camiño. Para a narración apoiarase en diferentes técnicas do teatro de rúa: a música, os títeres, os romances de cego, o limberjack e o Kamishibai.

A nosa galiña pasea polas rúas da vila, reparte grandes ovos de ouro e baila ao ritmo da muiñeira. Un espectáculo insólito con música e malabares para toda a familia que non deixa indiferente a ninguén.

A partir do libro “Un avó especial”, que trata sobre a relación entre un avó e a súa neta, vanse entrelazando cancións e ditos infantís de tradición oral recollidos na páxina web www.orellapendella.org

Deste xeito, os avós preséntanse como transmisores da sabedoría tradicional e peculiar de cada pobo fronte á uniformidade cultural imposta pola publicidade e a sociedade de consumo. Anímase a manter vivos os xogos, cancións e ditos sinxelos dos/as nenos/as de antano como medios de diversión, socialización e aprendizaxe.