Teatro do Ar presentará este domingo ás 19.00 horas a súa nova obra “Chao” no Auditorio de Nigrán. A entrada é de balde e está recomendada para maiores de oito anos. Esta peza vai sobre unha aldea que se queda sen xente, sobre a vida dunha muller do rural e as memorias que perdemos cando se apagan os lumes do fogar e das vidas.
Calista é especialista en moitas cousas: en desordenar o seu cuarto, en caerse no parque, en quitarlle a parte marrón aos plátanos maduros, en furgarse o nariz, en durmirse cada noite cun sorriso e espertar cada día cunha gargallada...
Un político ambicioso, sen escrúpulos nin cultura, acepta o consello do seu audaz xefe de gabinete para solucionar un inminente proceso por corrupción: acoller un refuxiado na casa. En lugar dun presunto delincuente, será un home con conciencia. A esposa e a filla do político, vórtices nun fogar convulso, xogarán tamén un papel ante a opinión pública. A solidariedade, a traxedia, a crueldade e a miseria, convértense en vimbios cos que fabricar unha balsa na que fuxir da propia pobreza moral.
Lera, traballadora do servizo domestico, é acusada dun delito. No calabozo das dependencias dun cuartel da Garda Civil coñece a Mihaela e a Julia, dúas prostitutas coas que comparte a historia que lle salvou a vida. A historia de Vicenta María López Vicuña, fundadora das Relixiosas de María Inmaculada, que desde hai máis de 150 anos levan dedicadas á promoción das mulleres que saían dos seus pobos para labrarse un futuro mellor no servizo domestico da capital.
Un equilibrio entre o animal e o humano, unha danza entre o inútil e o belo. Tres personaxes constrúen e destrúen o presente sen outro obxectivo que desafiar o aburrimento. Coñécense tan ben que non necesitan falar. Habitan un mundo onde algo sucedeu, pero non sabemos que. Búscano un pouco en latas, que ao compartilo multiplícase. Unha invitación para xogar indiferente a calquera pensamento. Un momento de felicidade compartida, cun pé neste mundo e outro nunha terra atemporal.
O FalaRedes 2023 ábrese cunha peza de Culturactiva Producións para público de 6 a 10 anos e as súas familias. A autora é Paula Carballeira, a directora Fina Calleja e as actrices Cris Collazo e Mónica Caamaño.
"Orgasmos, a comedia" é unha comedia de éxito que atraeu a máis de 250.000 espectadores e programadas durante máis de 5 anos en grandes cidades como Madrid e Barcelona, no Teatro Gran Vía e Club Capitol, respectivamente. Empezamos ao xira por España este ano, Non vola podedes perder!
Amigos ata a morte, a obra de teatro, verá a luz no cinema este 2023 ano baixo a dirección de Javier Veiga. A repartición da película subirase ao Teatro Colón para un evento especial e único no EMHU, coa proxección da película, unha pequena actuación e un coloquio cos artistas da película. Capitaneados por Javier Veiga, poderemos velo a el, Marta Hazas, David Amor, Xosé A. Touriñán e Xoel López contando as desventuras de Nacho, Anxo e María. Un espectáculo de teatro único para un festival especial.
‘ELA’ é unha proposta de Caramuxo teatro para cativos a partir de 6 anos. ‘Ela’ crea un mundo fantástico a través das cores, a arte e o universo creativo da pintora Maruxa Mallo. unha mestura de poesía, humor, teatro e danza onde descubrir o imaxinario desta muller excepcional. Un poema plástico para aprender no teatro.
Un día de verán, entre o 30 de xuño e o 5 de xullo de 2011, o Códice Calixtino desaparece do seu lugar de exhibición no Museo da Catedral de Santiago. Desde ese momento, e ata aproximadamente un ano despois da súa recuperación, púidose seguir a peripecia polas informacións puntuais que ían aparecendo nos distintos medios de comunicación. Finalmente soubemos que Manuel Castiñeiras, electricista e xefe de mantemento da catedral, foi o autor do roubo. E xa está. Esa é a historia oficial.
