A primeira tradución e adaptación ao galego da novela Tarzán dous monos de Edgar Rice Burrouhs volve a Vigo para cativar a atención de todos os públicos. Un musical convertido nunha festa, unha diversión para toda a familia.
A función conta con moito humor, bailes e cancións para conseguir que o público senta parte integrante desta gran familia de monos, patos, gorilas, crocodilos e exploradores.
Lerele é un teatro musical en homenaxe a unha das máis grandes artistas de todos os tempos, Lola Flores. A bailaora e cantante española é coñecida en todo o mundo pola súa imaxe única do folclore andaluz, pola súa indubidable liberdade e por algúns dos seus éxitos como Á túa beira, Pena Penita e Esmola de amores.
A actriz viguesa Cecilia Vázquez protagoniza a obra teatral e honra con orgullo e amor polo flamenco á soada Lola Flores. Por outra banda, Ana Contreras é a encargada da dirección e Pablo Nova da música.
Ofrécese muller, dada de alta na seguridade social, para agarrar man de moribundo no último lance.
Prezo: 35 euros/hora.
Cóbrase por adiantado.
Non sei exactamente cando comezou realmente a explosión do capitalismo contemporáneo, ese que en pouco tempo logrou esquilmar practicamente todo o planeta, sei que non fai tanto, e que todo o que sucede a nivel global é froito ou consecuencia da única lei que reina no mundo e que non é outra que o crecemento exponencial da riqueza en mans das elites. Miro as fotos da miña infancia e creo entendelo.
Eva é protagonista da peza Eroski Paraíso do grupo Chévere. Son personaxes (de mentira) baseados en persoas colectivas (de verdade). Pero Eva non está a ser ela mesma: está a actuar de si mesma nunha historia da que forma parte, pero que tampouco é a súa. Ser actriz é funcionar como Eva, e tantas outras mulleres, que moitas veces actúan como subalternas. Son outras falando a través delas.
Os participantes na aula de teatro da Biblioteca farán unha representación da obra teatral "A idade da ameixa"
-Data e hora: martes 16 de maio ás 19:00 h
Despois de vinte anos sen falarse, e de absoluto desencontro, Nuria e Carolina, dúas irmás feroces, ansiosas e moi humanas, volven ver as caras nun duelo divertido e vándalo, onde terán que superar o seu pasado para poder ter un futuro. Nesta delirante comedia, os seus medos e as súas contradicións, mestúranse nun ritmo frenético co desvarío das súas propias vidas.
Bernard Mathieu (Xoán Carlos Mejuto), actual presidente do goberno, recibe unha comprometida noticia: un vídeo privado do primeiro encontro sexual coa súa actual esposa e primeira dama, Paola D? Angio (Iria Ares), sae á luz.
O vídeo data de 4 anos atrás, cando Bernard aínda estaba casado coa súa primeira muller. Bernard e Paola deberán decidir como afrontar esta situación.
É o final da carreira política de Bernard? O final do matrimonio? Que inimigos están detrás do escándalo? Pode a telebasura influír na política dun país?
Ista é a historia dunha nube viaxeira, que despois de percorrer mundo e acumular auga e máis auga fíxose grande, grosa e gris.
Agora necesita chover e buscará un lugar onde a súa auga sexa proveitosa e limpe rúas, regue campos e encha ríos. Pero cada vez que tenta chover alguén o para, debido a que "nunca chove a gusto de todos". Conseguirá chover e axudar alguén?
Maletas que viaxan coa nube e que abren mundos máxicos cheos de sorpresas e pequenos monicreques. Cancións e música en directo acompañan a historia desta nube grande, grosa e gris.
Bob Pop, co seu traxe desenfadado e as súas míticas lentes de pasta, prepárase para provocar ao espectador un volcán de risas e estremecimientos. Cos Días Alleos, o escritor tragicómico, home de opinión e colaborador de Andreu Buenafuente', íspese a través dos diarios, propios e alleos que día a día lle influenciaron coas súas palabras.
