Las noches de Ortega é un show en directo cunha mecánica ligada ao particular universo de Juan Carlos Ortega e ao humor que lle caracteriza.
Incluirá as súas peculiares chamadas, proxección de vídeos e personaxes tan recoñecidos como Marco Antonio Aguirre, entre outros.
Hoxe na horta de Brais das Hortas hai concerto. Mellor dito: Consertasso!
Todo da casa! Grelos e temassos, cun equilibrio variado de formas e estilos - como debe ser nun ecosistema musical diverso e saudable! A Santa Compaña aparécese entre as patacas cantando un trap. Hai unha pulga punk da praia de Liméns.
Contos de mortos que non están tan mortos, da Santa Compaña que non eran tan santa, de aparecidos e visións... de todas estas cousas que rodean a vida e a morte en Galicia, e das que nunca está de máis falar un pouco. Porque o mundo cambia.
O noso mundo, o dos vivos... e quen sabe se o dos mortos tamén cambiou! Porque, aínda que haxa luz eléctrica, nunca se sabe onde se che pode aparecer algo...
Con este proxecto Excéntricas gaña o III concurso de proxectos que convoca a fundación Manuel María e que recibe o apoio de máis de corenta concellos e institucións de Galicia.
ELENCO Patricia Vázquez, Rocío González, Victor Mosqueira e Marcos Orsi.
ESCENOGRAFIA E INDUMENTARIA Carlos Alonso
ILUMINACIÓN Octavio Mas
ESPAZO SONORO Piti Sanz
PROXECCIÓNS Marcos PTT Carballido
DESEÑO GRÁFICO Javier de la Rosa
VÍDEO Sonia García
FOTOGRAFÍA Sabela Eiriz
PRODUCIÓN Rubén G. Pedrero
DIRECCIÓN E DRAMATURXIA Quico Cadaval
En Animacreques, a partir da técnica circense dos zancos e o virtuosismo da danza, xorde esta proposta de animación e intervención na rúa.
Ánxela Blanco e Vanessa Rivas (Catropés) propoñen un xogo visual que permitirá ao público participar e gozar desta peculiar relación entre monicreque e titiriteira.
Unha moza que vive nun vello hostal recibe a visita inesperada dun entrañable viaxeiro. As portas e xanelas do seu corazón abriranse como nunca antes. Un encontro especial que levará á protagonista ata un novo camiño inesperado.
A aceptación do cambio, como estes modifícannos na nosa vida ? sexan grandes ou pequenos -, como os xestionamos e enfocámolos da mellor maneira posible. O fin dun recordo, a perda de alguén ou daquilo que amas.
Espectáculo de aventuras. A súa protagonista, Xela, unha nena de 9 anos, ten que liberara os seus compañeiros de escola atrapados polo malvado Demo Luciferino que, valéndose do Dragón Dracus traga-verbas, os ten escondidos na cova do trasno. Alí permanecerán ata que esquezan o galego, a súa lingua nai, e se convertan nos seus secuaces. Para iso Xela e os seus compañeiros de escola, teñen que enfrontarse o Luciferino e convencer Dracus Cus Cus do terrible mal que esta causando.
"Os novos músicos de Bremen" inspíranse nos catro personaxes do conto popular, pero a historia vai por outros derroteiros narrativos coa aparición doutros personaxes que farán que os nenos empecen a familiarizarse con determinados conceptos musicais. O noso obxetivo primordial é criticar o abandono animal e concienciar que as mascotas que temos na casa forman parte das nosas vidas, como un membro máis da nosa familia.
Tori é unha nena que vive no rural galego. A Tori encántalle a cultura oriental, o karate, o Kung fu, o jiu-jitsu, as películas de Bruce Lee, Jackie Chan. O seu soño é ser unha Ninja e adestra todos os días para pasar inadvertida e observar aos demais como unha auténtica Ninja. Tori descobre que no seu colexio hai moitas nenas e nenos que queren ser invisíbeis. Coa axuda do seu veciño o señor Edelmiro, Tori conseguirá que os nenos e as nenas se fagan visibles e cambiar así as tornas na escola.
As xornadas deportivas dos Bolechas chegan ao FalaRedes para alegrarlles o verán aos nenos e nenas de 15 concellos galegos pertencentes á Rede de Dinamización Lingüística.
Os Bolechas deportistas xogan no tempo é un espectáculo ao aire libre que combina o teatro de monicreques con explicacións, preguntas e probas pensadas para que participen nenos e nenas de 4 a 9 anos e as súas familias. Nesta nova proposta dos Bolechas combínanse, da man dos coñecidos personaxes de Pepe Carreiro, a lingua e o deporte, o xogo coa aprendizaxe.
