Teatro

España, século XXI. Tres mulleres xoves agardan a ser atendidas na sala de espera do xinecólogo. Mentres Lucía (Déborah Vukusic) desexa quedarse urxentemente embarazada do seu mozo de toda a vida antes de cumprir os 30; Ada (Rocío Romero) aborrece ós nenos e opta por combinar varios métodos anticonceptivos xa que o único que pretende sacar á luz son as súas alerxias vaxinais; Verónica (Arantxa Treus), embarazada de oito meses, destripa as súas emocionantes aventuras sexuais que darán lugar a un inesperado final onde os principios, coma os condóns, tamén rompen.

Moncho Borrajo asume esta peza como peche da triloxía que empezou hai catro anos, despois da súa volta aos escenarios. A primeira montaxe foi: Golfus Hispánicus e a reflexión do monólogo de Marco Antonio e Julio César e a súa relación co autónomo; no segundo encontrou a inspiración no manifesto que escribiu Quevedo a Felipe IV amosándolle o seu descontento xeral e así naceu: Yo, Quevedo.

Todo acontece nunha luxosa casa de casa campo clónica inscrita nunha urbanización de nivel alto. Ao dono parece que lle vai ben na vida: é alto funcionario do estado, e recibe a visita de fin de semana do seu máis estreito colaborador, un trepa que ven para mostrar a súa nova esposa, un símbolo de status económico. Os quiméricos inquilinos complétanse co fillo dos propietarios, grande demais para que lle muden os cueiros, e unha aupair sueca que non lle importa facerllo.

Viva el Cuponazo é un sainete escrito por Rafael Mendizábal no que o autor relata as aventuras e desventuras de Angustias e Calixto, un matrimonio que vive nun barrio de chabolas. Ao longo dos dous actos recibirán a visita de "falsos ionkis", atracadores a domicilio e ata da deusa fortuna.

Duración aproximada 90 minutos.

Kassa é un espectáculo de teatro visual que se desenvolve ao redor dos principios da escultura. A estrutura escenográfica, os actores, os bailaríns e as videoproxeccións constitúen un organismo vivo en constante movemento e transformación que comunica a través dos sons, dos obxectos, das cores, das formas, das luces e dos textos.

Tras enviar as súas esposas a un chalé da serra, dous amigos planean unha fin de semana de troula con dúas señoritas de "vida alegre". A situación complícase cando comezan a aparecer cadáveres no salón da casa; por outra parte, as esposas, a metade de camiño, danse conta de que esqueceron na casa as chaves do chalé e non teñen máis remedio que volver para recollelas.

A Fábula é unha representación do eterno retorno a través de cinco personaxes: Cárnido, Orátulo, Revóluto, Fórtido e Mínimo que loitan polo poder arredor dun carro sobre o que todos queren ir mais do que ninguén quere tirar.

Gladys! Naciches para estar casada, din Papá e Mamá. Desgraciadamente ela é un pouco estraña e excéntrica, e a pesar de todos os seus esforzos, ela non chega a entrar no molde reductor dos roles asignados pola sociedade. Ás veces, sobre o fío da navalla, déixase ir resultando insensata, ata que lembra que é sensata.
Laura Herts embarca ao público nun mundo barroco, onde o mimo bordea unha presenza escénica desbordante. Coa felicidade no xesto, os golpes na cara ou os instantes melancólicos. A artista vibra en todos os sentidos e adestra aos espectadores no seu mundo extravagante.

Unha incrible historia de amizade, amor e paixón.
A encarnación do triunfo da beleza moral e da intelixencia fronte a fermosura física e o mundomaterial.
Unha traxicomedia do mellor Teatro Clásico francés para o público actual.

Este coñecido clásico represéntase en As noites teatrais de Vilamarín, onde a comedia é a protagonista nesta edición de 2015.

Percorrido, en clave de humor, a través da nosa historia: Desde os celtas e romanos, ata as máis recentes loitas tribais libradas nas "beiras" das nosas "fragas".
Leva ao público por todos eses períodos de luz e sombras, ás veces de apagón total que fixeron dos galegos o que hoxe son.

Esta actuación forma parte do cartel de As noites teatrais de Vilamarín