Teatro

La sesión final de Freud é unha obra que transcorre en Londres o día no que Inglaterra lle declara a guerra a Hitler. Nesta xornada crucial para occidente, Sigmun Freud, o pai do psicoanálise, con 83 anos, recibe a Clive Staples Lewis, de 40 anos, prometedor catedrático da Universidade de Oxford. O encontro ten lugar o 3 de setembro de 1939 no número 20 de Maresfied Gardens Hamstead, no despacho que Anna, a filla de Freud, decorou a imitación da consulta de Viena, cidade que abandonou a familia en 1938 ante a amenaza nazi.

La ramita de hierbabuena cóntanos algo que case todos, sendo nenos, vivimos algunha vez: O recado ao que a nosa nai nos enviaba, acompañando sempre a recomendación de volver pronto. Sólo o conseguiamos ás veces, aínda que sempre o intentabamos. Como o intenta Asterio, o Comotellames, a pesar das continuas bromas que lle gastan os acontecementos empeñados en se converter en sorprendentes aventuras: Unhas divertidas, outras amargas e todas elas convertidas en obstáculos para a súa volta.

And then there where none (E non quedou ningún) é, segundo a propia autora, a súa mellor idea.

Dúas exploradoras despois das súas longas viaxes, quedan de reecontrarse no lugar que elas ben saben e a hora que xa saben para intercambiar historias das súas aventuras.

Para 20 nenos e nenas de 4 a 12 anos.

Protagonizada por Xosé A. Touriñán e David Amor.

Amigos é unha comedia sobre a amizade e o amor, dous ingredientes que todo o mundo quere para a súa vida, pero que se se mesturan, moitas veces, estoupan. Nacho, Ángel e María. Dous homes e unha muller e claro, polo menos, un par de historias de amor. Eles son tres amigos, dos de toda a vida, tres amigos inseparables... Ou ao mellor non.
Un xiro inesperado deixará patas arriba a vida dos protagonistas, que terán que ver a súa amizade doutra maneira.

Ojos de Agua. Trátase dun monólogo baseado en: La Celestina, de Fernando de Rojas, con Charo López no papel protagonista xunto a dous dos membros da compañía Ron Lalá: Yayo Cáceres (dirección) e Álvaro Tato (dramaturxia).

Ojos de Agua reúne os pasaxes máis inolvidables da obra inmortal de Fernando de Rojas; un monólogo sobre o tempo gozado e perdido, o sexo como pracer e arma, a beleza como agasallo e condena, a alegría de vivir, a pesar de todo.

Un home parado diante dun semáforo en vermello queda cego de súpeto. É o primeiro caso dunha cegueira branca que se expande de xeito fulminante. Internados en cuarentena ou perdidos na cidade, os cegos terán que enfrontarse co que existe de primitivo na natureza humana: A vontade de sobrevivir a calquera prezo.

Nun mundo así, haberá esperanza? Con todo, cabe a posibilidade de que homes e mulleres se rediman pola práctica da lei, da solidariedade, da moral e da ética.

Sarabela Teatro adapta esta afamada e coñecida novela do Premio Nobel de Literatura José Saramago.

Sinopse: Chega o Nadal a Santiago de Compostela, e con el  as panxoliñas, o turrón, as pagas extras e o tradicional rapto do Neno Xesús do Belén. Nestas datas ninguén debería cear só en Noiteboa e por iso Mariví,unha entrañable xubilada, contrata a dous profesionais para que lle fagan compaña. Arturo, unha vella gloria con delirios de grandeza, é un asiduo nas festas de Mariví. Pero para Nico, un estudante con escasos recursos, é a primeira vez. Para todos, esta Noiteboa será difícil de esquecer. 

En Olivia y Eugenio, nai e fillo enfrontan unha situación extrema onde se cuestionan valores que xorden en tempo de crises. A traxedia achégase irremediablemente a Olivia, que rememora o seu pasado facendo un sincero axuste de contas co seu marido, nai, amizades, médicos, e con todos aqueles que presumen de ser normais, como políticos, profesionais e deportistas con éxito. Sobre eles Olivia exponse se son máis normais que o seu fillo Eugenio, un mozo con síndrome de Down.

Protagonizada por Concha Velasco, Rodrigo Raimondi e Hugo Aritmendiz.

É un día de agosto de 1912 na casa de James Tyrone, célebre autor de teatro, rodeado da súa esposa e dos seus dous fillos. O que comeza como unha plácida xornada de veraneo na casa a carón do mar convértese pouco a pouco nun combate descarnado a medida que os demos familiares saen á luz. Unha loita sen cuartel de catro seres humanos fascinantes, condenados a vivir xuntos mentres tratan de reavivar os rescaldos do amor pasado mentres cae a noite...