Teatro

Elenco: Lines González e Lara Manzano

Así é como transcorre un día na vida dun can, pero non dun can calquera. Trátase dun can moi especial que pertence a esa raza mítica, lendaria e con máis prestixio de todas, a de Palleiro.

Este can é Duncan de Palleiro, o príncipe das corredoiras.

Duncan leva unha vida sinxela ao carón do seu amo Aurelio e dos seus amigos, veciñas de sempre, nunha vila pequeniña e fermosa no medio das montañas chamada Óubidos, da cal se sente moi fachendoso.

Animais de compañía é un espectáculo para público familiar e escolar desde 6 anos. Unha comedia musical en forma de fábula que vai conquistar aos máis pequenos da casa mentres viven un proceso de aprendizaxe de valores éticos.

Maxa e Fedra, unha vella cadela e unha gata nova, son as encargadas de, entre cancións, contos, relatos e liortas, ensinar a nenas e nenos a importancia do respecto ás diferenzas: de raza, de cor, de relixión, de xénero etc.

“Unha viaxe polos montes, prados e camiños máis verdes que puideramos ver, chea de encontros cos animais máis marabillosos: toupas choscas, chibos enormes e ogros torpes, pombas doces e dragóns atroces, bechos estraños, cabalos azuis e cantigas de hai anos e non tantos…”.

Daboapipa crean un espectáculo dirixido a nenas/os de 2 a 6 anos e familias. Durante 40 minutos, música en directo e palabra únense para crear un universo máxico a través desta parella artística galega.

Unha historia de amor une ao cociñeiro Antón coa pasteleira Tomasa. Cando Antón probou as mazás asadas cubertas de caramelo que fai Tomasa de tanta emoción sufriu un mareo. Berrou, saltou e rematou no chan, retorto e petrificado. 

Para nenas e nenos de 3 a 8 anos 

Hablar por hablar é unha obra dirixida por Fernando Sánchez-Cabezudo e interpretada pola compañía Cornejo Films, cunha dramaturxia libremente inspirada nas historias dos oíntes do programa de radio da Cadena Ser.

A montaxe teatral tratará de rescatar a alma do programa, das chamadas, da noite, dos oíntes, introducirnos nas súas vidas, nos silencios, nos momentos previos ou posteriores a unha chamada, onde quizais non atoparemos historias que encherían as primeiras páxinas do periódicos pero que estarán cargadas de humanidade.

Cosas que se olvidan fácilmente é unha obra de Xavier Bobés.

Fai un par de anos, o autor deste espectáculo deuse conta de que empezaba a ter problemas de memoria. E comprobou que a súa nai tamén sufría ocos importantes. Estes esquecementos inspiraron Cosas que se olvidan fácilmente, un espectáculo fotográfico que transforma os recordos e, do mesmo xeito que o fai a mente, inventa novos. 

Cáscaras vacías é unha coprodución de LAZONA e o Centro Dramático Nacional.

É unha rede de historias tecidas con testemuños da Operación T4, nome en código que os nazis deron ao seu programa de eutanasia destinado a eliminar a persoas con algunha discapacidade, a quen consideraba vidas indignas de ser vividas e cuxas primeiras vítimas foron nenos. O castelo de Hartheim foi un dos lugares onde esta operación levou a cabo.

Seis persoas que serían asasinadas no castelo de Hartheim fálannos das súas vidas nel.

No ano 1993, na Mostra Internacional de Teatro de Ribadavia (MIT), estreábase Commedia, un juguete para Goldoni, un espectáculo que acabou sendo un dos fitos do teatro galego, con máis de 200 funciones en xira por España, Portugal e Francia. 

Agora, 25 anos despois, o mesmo equipo creativo volve a levar a obra aos escenarios. 

Rojo é unha adaptación feita por Jose Luis Collado da obra Red, escrita por John Logan e galardonada con seis premios Tony.

Baseada en feitos reais, narra como Mark Rothko, un dos grandes representantes do chamado Expresionismo Abstracto, enfróntase ao que quizá é o seu maior reto profesional e o seu peor dilema ético: pintar unha serie de murais, extraordinariamente ben pagos, que deberán decorar o elitista restaurante Four Seasons de Nova York. 

Tal vez soñar é unha obra de Antonio Tabares dirixida por Mario Vega. É unha comedia sobre a estreita liña que separa a vida da morte e sobre o amor que perdura máis aló da perda dun ser querido.

Inma morreu, pero a súa relación cos vivos non deixa de ser moi estreita. Continuamente aparécese nos soños daqueles que a quixeron e quen dalgunha forma tiveron que ver con ela e resístense a esquecela.