A subida dos océanos, a estratificación dos plásticos e o aumento das temperaturas non son casualidades históricas, senón consecuencia directa dun sistema produtivo que cabería transformar se se quere evitar unha extinción prematura. Aínda que esta reflexión se remonta ao século pasado, a primeira xeración en padecer o que se coñece como 'ansiedade climática' foi a millenial, integrada polas persoas nacidas entre 1980 e 1996.
Esta mostra pretende funcionar como presentación dunha faceta menos coñecida de Granell relacionándose co xogo a través dos propios elementos pero acompañándose de outros elementos como son fotografías ou material bibliográfico.
O xogo resulta un elemento artellador dentro da vangarda e sobre todo no surrealismo. O artista creaxogos a través de diferentes recursos como a palabra. Noutros casos, a través do trazo automático consegue xogar unha sorte de incertezas que agroman nas diferentes obras.
Esta mostra recolle as obras gañadoras e as finalistas na 17ª edición do Premio convocado pola Deputación da Coruña.
A serie gañadora, O espello de Claude, de Fuco Reyes, estará acompañada da serie Adeus, de Vicente Fraga, que obtivo unha mención de honor; así como das obras finalistas de Rober de la Torre, Tete Domínguez, Agostime e Belén Lozano.
Cristina Almodóvar presenta esta exposición na que a través dunha linguaxe visual sinxela e á vez contundente, presenta esculturas e debuxos nos que sempre hai unha tensión latente entre o suspendido e loque suxeita, o equilibrado e o inclinado, o real e o representado, o que balancea as tensións e o que as amarra. Obras que xogan co espazo ao que se incorporan e que convidan a reflexionar, facendo da súa contemplación pantallas de proxección persoal. Unha exposición na que claustro e igrexa convértense nun lugar de encontro entre espiritualidade e arte contemporáneo.
Exposición de películas españolas sobre discapacidade, racismo, lgtbifobia...
A biblioteca súmase así aos actos con motivo da celebración o 6 de outubro do Día do Cine Español. Este día ten por obxectivo recoñecer o papel dos profesionais do sector do cine, a súa influencia e importancia na vida cultural e social do noso país e o papel que o cine desempeñou ao longo da súa historia.
Sala de medios audiovisuais
#ODíaDoCineEspañol
A Galería José Lorenzo rende homenaxe a un dos grandes escultores galegos. O percorrido expositivo de carácter antolóxico, busca un achegamento global á obra de Osorio, onde terán representación todos os soportes, temáticas, e códigos formais habituais na obra do artista – maternidades, a muller, os tipos étnicos e populares.
A Fundación DIDAC dispón na sala varios dispositivos expositivos que permitirán ao visitante consultar os cadernos. Nas paredes, algunhas pezas penduradas mostran os primeiros traballos de Pepe Barro en 1973, hai agora cincuenta anos. Pero sobre todo, son as proxeccións de imaxes as que fan nas paredes un percorrido polos traballos do deseñador, traballos que antes foron só apenas unhas liñas nun caderno.
Na procura dunha maior visibilidade a un oficio a piques de desaparecer, e que formou parte da vida cotiá de toda Galicia, o Museo do Castro de Viladonga organizou o “II Encontro Internacional de Cestería no Camiño”, na que quixo reunir no Conxunto Etnográfico das Pallozas do Cebreiro a cesteiros e cesteiras de diferentes procedencias, creando un espazo no que puideron compartir coñecementos ao mesmo tempo que mostrar os seus traballos ao numeroso público que visita este conxunto, entrada en Galicia do Camiño de Santiago.
O 24 de outubro é o Día das bibliotecas e o 11 de novembro o Día das librarías. Nunhas e noutras o Día de libro é todos os días. Bibliotecas e librarías traballan con amor aos libros co obxectivo común de fomentar a lectura, de crear comunidades de lectoras e lectores e de que cada día máis xente goce do pracer de ler.
Desde os anos 50 do século pasado a música sempre tivo unha forte relación coa banda deseñada. Esta relación intensifícase coa contracultura na que ámbalas dúas formas de expresión toman moito protagonismo.
A vida dos músicos e músicas, e mesmo a súa obra, víronse fielmente representadas nos cómics, incluso moitas cancións son representadas coa linguaxe da banda deseñada. Non son poucas as persoas que se dedican ás dúas disciplinas.
