A inauguración é unha metáfora performativa do estancamento: a música nunca cesa, os petiscos póñense resesos e o tempo paralízase. O escenario é sempre familiar: as persoas visitantes chegan, perciben unha festa xa en marcha e senten que chegaron tarde, pero a realidade é que A inauguración nunca remata de inaugurarse.
Este proxecto forma parte de “Artista en Residencia”(na súa VII Edición) sendo o resultado da estancia dos artistas nas dependencias da Fundación Granell para desenvolver as súas diferentes propostas.
A mostra, de corte intimista, propón unha interiorización da mirada tanto do artista como do público. Unha porta de entrada á esencia mesma do suxeito. Unha crítica indirecta á frivola sociedade robotizada que planea a usurpación da identidade e a sensibilidade, tanto colectiva como individual.
Agora, co gallo do centenario da fundación do SEG, este percorrido permitirá ás e aos visitantes coñecer máis sobre a orixe e historia desas pezas, a través de códigos QR situados ao carón de cada unha delas.
«This is pop. Das latas de Andy Warhol ás túas» recompila 63 producións de 29 artistas que abordan a arte pop desde as súas orixes nos anos cincuenta ata os nosos días. Andy Warhol, Roy Lichtenstein, Robert Rauschenberg, Eduardo Paolozzi, Richard Hamilton, Peter Blake, Yayoi Kusama, Equipo Crónica, Equipo Realidad, Eduardo Arroyo, Rafael Canogar, Damien Hirst, Takashi Murakami, Jeff Koons, Yoshitomo Nara, Julian Opie, Mr., Shepard Fairey (Obey), Kaws, D*Face, Boamistura e Okuda, entre outros.
Achégase o Samaín e na Biblioteca Ánxel Casal temos preparada unha selección de libros na que poderás ler algunhas das nosas historias terroríficas preferidas, pero tamén atoparás outros nos que aprenderás curiosidades sobre esta festa e, mesmo, ideas para que elixas o teu disfrace para esa noite.
Pode visitarse na sala infantil durante o horario de apertura da biblioteca.
Ferró convídanos ao seu mundo de rebeldía, de cores e de felicidade coa súa exposición.
Podedes visitala no vestíbulo da Biblioteca no seu horario habitual de apertura.
Para celebrar o Día das Bibliotecas temos na planta baixa da biblioteca unha pequena mostra dunha das coleccións máis ricas e interesantes coas que contamos: a colección Muruais.
A subida dos océanos, a estratificación dos plásticos e o aumento das temperaturas non son casualidades históricas, senón consecuencia directa dun sistema produtivo que cabería transformar se se quere evitar unha extinción prematura. Aínda que esta reflexión se remonta ao século pasado, a primeira xeración en padecer o que se coñece como 'ansiedade climática' foi a millenial, integrada polas persoas nacidas entre 1980 e 1996.
Esta mostra pretende funcionar como presentación dunha faceta menos coñecida de Granell relacionándose co xogo a través dos propios elementos pero acompañándose de outros elementos como son fotografías ou material bibliográfico.
O xogo resulta un elemento artellador dentro da vangarda e sobre todo no surrealismo. O artista creaxogos a través de diferentes recursos como a palabra. Noutros casos, a través do trazo automático consegue xogar unha sorte de incertezas que agroman nas diferentes obras.
Esta mostra recolle as obras gañadoras e as finalistas na 17ª edición do Premio convocado pola Deputación da Coruña.
A serie gañadora, O espello de Claude, de Fuco Reyes, estará acompañada da serie Adeus, de Vicente Fraga, que obtivo unha mención de honor; así como das obras finalistas de Rober de la Torre, Tete Domínguez, Agostime e Belén Lozano.
