Acollemos a exposición das tarxetas elaboradas polo alumnado de Infantil, Primaria e Secundaria de Santiago de Compostela para o XI Certame de tarxetas do Nadal organizado pola ONG Manos Unidas para dar visibilidade á situación que sofren os países empobrecidos.
Pode visitarse na sala infantil durante o horario de apertura da biblioteca.
O premio Auditorio de Galicia chega a súa décima terceira edición co obxectivo de proporcionar a artistas noveis un lugar de difusión e de encontro coas diferentes miradas de visitantes profesionais e do público en xeral. O xurado seleccionou trinta e tres obras que formarán parte da exposición e da publicación, de entre as oitenta e tres propostas presentadas por artistas e colectivos; un xurado que fai constar o difícil labor que sempre é a selección pola alta calidade dos traballos presentados.
ARTISTAS SELECIONADOS / AS
O Museo Centro Gaiás recolle unha selección de pinturas e debuxos de José María Barreiro nunha exposición coa que se rende homenaxe ao pintor de Forcarei, continuador da renovación do vangardismo histórico e postvangardismo de Laxeiro.
Centro de interese, listaxe de lecturas e exposición de cubertas de libros para estas datas senlleiras, con folerpas de neve que veñen cargadas de fantásticas ideas para pedir como agasallo a Papá Noel, o Apalpador e os Reis Magos.
Do 1 de decembro ao 8 de xaneiro de 2024.
Sala Infantil.
Público familiar.
Poucas imaxes hai máis evocadoras da lectura que unha fiestra dende un interior morno cun temporal no exterior. Para estes días (de vacacións ou non) queremos suxerirvos unha serie de lecturas a través de paneis e bibliografías que adecúen o noso sentir interior á meteoroloxía.
Do 1 de decembro ao 8 de xaneiro de 2024
Zona de exposicións da biblioteca.
Todos os públicos.
José Luis Matalobos é deseñador gráfico, ilustrador, pintor e artista gráfico dixital.
Traballou como ilustrador e infógrafo nos xornais “El Progreso” e “La Voz de Galicia”.
Desde 2001 traballa como artista gráfico independente para La Voz de Galicia, editoriais e axencias de publicidade, realizando actividades diversas relacionadas coa arte gráfica en xeral: portadas, cartaces, story boards, ilustracións, etc., mentres prosegue co seu labor como pintor e artista tradicional.
A exposición recolle diferentes obras de fotomontaxe do fotógrafo ourensán Augusto Pacheco, e trata de amosar como o recurso da fotomontaxe dentro do campo da fotografía representa un elemento creador en si mesmo e de reflexión.
Comisariada por Vitor Vaqueiro, Anxel Huete e Manuel Pérez Rúa, expón fondos do Museo Etnolóxico pertencentes ao Fondo Pacheco.
No primeiro andar atoparedes unha selección de libros e películas en torno ao conflito Palestino-Israelí.
Esta mostra pioneira reúne por primeira vez en Compostela e en Galicia unha serie de proxectos urbanísticos e arquitectónicos xestados ao longo da historia da cidade e que por diversas circunstancias non chegaron ao seu fin e permanecen no descoñecemento ou no esquecemento.O proxecto expositivo foi comisariado polo historiador e xornalista Fernando Franjo e a historiadora da arte Ana Paula Castro. Contou tamén co apoio técnico dun equipo de arquitectos coordinado por Paula Franjo.
Os fondos utilizados nesta exposición, procedentes da Fundación Pablo Iglesias e da colección privada de Miguel Gutiérrez, "mostran a tortuosa senda para conseguir definir a Carta Magna, incluíndo os camiños sen explorar".
