Exposición

Para celebrar o Día do libro infantil e xuvenil, no mes de abril faremos da sala de infantil, un gran escaparate de libros “cinco estrelas”, co fin de que cada un deles atope o seu lector. Mes de abril na sala infantil.

Este mes de abril contaremos no primeiro andar da Biblioteca coa Exposición: "Festa da República Ourense" en colaboración cós "Amigos da República" nela atoparedes unha selección de obras e cartéis relacionados coa Segunda República.

No documento xunto podedes ver toda a programación do "Abril Republicano 2023" que organiza "Amigos da República Ourense" en colaboración co  Liceo de Ourense, CineClube Padre Feijóo, Biblioteca Pública de Ourense Nós  e o Concello de Ourense.

Exposición Infantil de libros e música infantil galega, tradicional e moderna. Un Salón da Fama é un tipo de museo, recinto ou listaxe de persoas xeralmente escollidos por unha institución para tratar de honrar a persoas dignas de mención ou con “fama” no seu campo de actuación.

Sala Infantil.

Público familiar.

A Sala Rivas Briones acolle ata o 7 de maio a exposición "Simbiosis", de Edmundo Paz, toda unha viaxe sensorial no que o autor sorprende cun uso dos materiais, as formas e os trazos que non pasa desapercibido. Composta por algo máis de corenta pezas, trátase da terceira mostra que o artista pon en marcha en Vilagarcía.

Martín Codax , a figura homenaxeada no Día das Artes Galegas 2023, 1 de abril:  a súa época e obra, así como o periplo do Pergamiño Vindel do que se exhibirá un facsímile.

Zona de exposicións da biblioteca.

Todos os públicos.

Na exposición situada na planta baixa mostrase un percorrido cronolóxico pola vida e obra de Pablo Picasso, dende a súa estancia na Coruña ata os seus últimos anos en Francia.

Desde fai uns anos aflorou na sociedade a preocupación sobre o coidado da saúde mental. Entendemos por saúde mental o benestar emocional, psicolóxico e social dunha persoa, que inclúe as habilidades emocionais do ser humano para manexar o estrés, relacionarse con outras persoas e tomar decisións.

Por este motivo, a biblioteca seleccionou do seu fondo recursos que nos servirán para entender de que falamos, e que nos axudarán a traballar a nosa saúde mental.

Centro de interese - Sala de préstamo.

Poderá visitarse no horario de apertura da biblioteca

A exposición repasa a traxectoria dun dos ilustradores españois con maior prestixio internacional, tal como evidencian os seus numerosos recoñecementos e premios obtidos durante a súa traxectoria artística.

Nado en León en 1962, formouse nas Escolas de Arte de Oviedo e Madrid. As súas obras traducíronse a 18 idiomas e se publicaron nas editoriais mais importantes. A súa obra como ilustrador abrangue a literatura infantil, a xuvenil e a adulta.

A sala de exposicións do Palacio Municipal de María Pita acolle ata o 17 de maio a mostra Pinta! na que Raúl Álvarez nos achega á súa obra cunha esmerada selección da súa pintura

A mostra, comisariada por Pedro Taboada de Zúñiga, recolle obras realizadas polo pintor madrileño residente na Coruña destes últimos anos, ademais dalgúns traballos nunca expostos ao público antes e que mostran os temas sempre presentes na súa traxectoria.

Especies vexetais que hoxe atopamos habitualmente en montes e hortas galegas desde hiedras, fentos, lavandas, crisantemos ou ata cabazas e outras empregadas habitualmente como plantas decorativas de interior conviven na torre de cristal, metamorfoseada nun xardín animado que se activa coa entrada das persoas visitantes.