Exposición

Detrás do espello propón unha visión de Galicia a través da mirada de 50 recoñecidos nomes das artes, a ciencia ou o pensamento do último século e medio, homes e mulleres relevantes na historia da cultura universal que profundaron na realidade galega ou se deixaron inspirar por ela.

Ao percorrer esta exposición atoparemos a pegada de Galicia na vida ou na obra de García Márquez, Albert Einstein, Miles Davis, Ernest Hemingway, Luís Buñuel, Federico García Lorca, Julio Cortázar, Mike Oldfield, David Chipperfield, Anna Turbau ou Isabel Coixet, entre outros.

Exposición da alfombra floral realizada pola Asociación Cunchas e Flores de Bueu.

Con motivo do día do cómic (17 de marzo) a biblioteca ofrece un pequeno resumo dos fitos da historia da banda deseñada galega así como dos seus autores e autoras máis salientables e as obras senlleiras que marcaron un camiño que continúa forte.

Zona de exposicións da biblioteca. Todos os públicos.

Celebramos o Día da Poesía, 21 de marzo, co ritmo e a musicalidade das mellores obras que temos na Sala Infantil.

Mostra bibliográfica na Comicteca na que seleccionaremos unha serie de obras de autoría femeninae onde as protagonista son as mulleres e o seu mundo. 

De maneira paralela a sesión do Club de lectura do cómic do mes de marzo estará adicada a comentar cómics feministas ou sobre figuras históricas femininas. 

Durante un mes contaremos coas obras da artista viguesa Carla Viso, nas que amosa a súa percepción do mundo, a súa mirada. A autora de orixe viguesa, despois de formarse en Belas Artes en madrid, percorreu varios países ata que se instalou durante anos en Berlín. 

Podedes gozar das súas obras no vestíbulo da Biblioteca. O sábado 15 de abril, Día Mundial da Arte teremos un encontro con ela ás 12.00 h .

Para conmemorar o Día da Muller na Sala Infantil reunirán obras informativas para salientar o papel das mulleres no mundo. 

Mostras bibliográficas no Espazo Xove e no primeiro andar na que ofreceremos unha selección de obras de autoría asiática ( novelas, libros de cociña, viaxes, música) que nos fagan transportar ata o continente. Unirémonos ao movemento literario presente nas redes dende hai anos #marzoasiático para dar visibilidade á narrativa oriental iniciativa da youtuber e editora "Magrat Ajostiernos"

Aanimádvore a ler literatura asiática durante o mes de marzo. Hai moito onde elixir!

Lugar: primeira planta

Este ano 2023 conmemóranse os 100 anos do pasamento do escritor, xornalista e creador da Real Academia Galega.

Na Biblioteca aproveitamos a ocasión para elaborar unha exposición coa que se pretende dar a coñecer unha figura relevante do Rexurdimento.

A exposición poderá visitarse no horario de apertura da Biblioteca, de luns a venres de 8:30 a 20:30 e os sábados de 10:00 a 14:00.

A Radio en Galicia celebra 90 anos. Nesta exposición que conmemora ese 90 aniversario faise un percorrido a través de catro salas polas voces históricas que compuxeron Radio Galicia ao longo dos seus noventa anos de historia, así coma os seus programas, eventos e noticias. Tamén se poderán ver obxectos únicos como radios antigas da colección dos Portela Seijo e a súa gravadora de fío dos anos 40, ou a placa orixinal de EAJ-4. Na exposición, que será multimedia, os visitantes poden escanear distintos QR para escoitar audios deses noventa anos.