En outubro de 1992 abría as súas portas a Nave de Servizos Artísticos-Sala Nasa nunha nave industrial abandonada da rúa San Lourenzo, camiño de Fisterra, como testemuña da proximidade do cabo do mundo. Durante vinte anos a Nasa foi un espazo de encontro cidadán, un escenario aberto ás novas expresións da sociedade creativa e un instrumento de axitación cultural que conectou Compostela con axentes creativas de moitos outros lugares.
É unha exposición que quere dar a coñecer á cidadanía o papel esencial dos polinizadores para garantir a supervivencia da maioría de plantas do planeta
A mostra, resultado da investigación iniciada en febreiro de 2023, analiza a traxectoria de Eugenio Granell como catedrático na Universidade de Porto Rico, Recinto de Río Pedras entre 1950 e 1959. Ademais, presenta cómo o artista español iniciou unha nova escola de arte moderno na illa onde artistas portorriqueños lograron experimentar co Surrealismo e demais vertentes da arte moderna dentro do campus universitario.
Do 15 ao 28 de Maio o recinto feiral IFEVI, na localidade de Vigo, acollerá a maior exposición de dinosauros a escala real Dino Expo XXL.
Trátase dunha exposición interactiva para todas as idades. Esta gran exposición consiste nunha hora de percorrido para descubir e coñecer distintas especies de dinosauros a tamaño real e moitas sorpresas para os asistentes.
O prezo da entrada será de 10 euros para adultos e de 8 euros para nenos de entre 3 a 12 anos.
O Psiquiátrico de Conxo, un dos máis antigos da península, contou desde o comezo (foi creado en 1885) cunhas instalacións modelo, dotadas dos máis modernos equipos e coa atención prestixiosos profesionais. Mais tamén funcionaba cos patróns de xénero propios da época, onde mulleres consideradas naquel momento enfermas eran ingresadas polo feito de tentar transgredir os roles que a sociedade patriarcal lles reservaba no ámbito do fogar.
Lluís Lleó (Barcelona, 1961) herdou do seu avó e do seu pai a fascinación polas pinturas románicas do Vall de Boí. Este interese polas técnicas tradicionais vese reflectido na súa obra, na que aplica a técnica do fresco a través da utilización do pigmento en estado puro. Os seus traballos máis recentes caracterízanse por unha conxunción entre a escultura e a pintura, a medio camiño entre figuración e abstracción. Lleó sabe combinar á perfección pintura e relevo, conferindo ao conxunto un matiz case arquitectónico.
En Perdida en Compostela teñen un gran protagonismo as peregrinas, porque para a autora é imposible entender Santiago sen o Camiño que, ao fin e ao cabo, é unha metáfora da vida, na que que todos intentamos atopar o noso rumbo. Tamén hai moitas mulleres de costas, que como as peregrinas buscan respostas; unha versión 2.0 de as Marías, todo un símbolo da capital galega; frores, acuarelas infantís e todo aquelo que forma parte do universo picheleiro da autora.
A partir da numerosa documentación achegada por artistas e coleccionistas de toda Galicia, constrúese unha persoal xeanoloxía de arte urbana desde unha revisión feminista do movemento, na procura de deconstruir a tan estendida idea da suposta ausencia de mulleres que pintan na rúa. Unha historia da arte paralela á institucional que reúne o traballo de diferentes xeracións de creadoras combatendo os estereotipos de xénero con feitos históricos como o que demostran que o primeiro grafiti realizado en Galicia foi obra dunha muller Seor, en 1984.
Neste primeiro proxecto individual que Israel Cubillo presenta en Moret Art, o fotógrafo coruñés amósanos a súa particular visión da paisaxe urbana deste Noroeste que habitamos.
Coa mostra, Villalobo, picassiano confeso desde sempre e na súa práctica artística desde principios dos 90, réndelle homenaxe a Picasso dentro do marco da celebración do 50 aniversario da súa morte. Pintor, dibuxante, escultor, serigrafista e editor, Nelson Villalobo, nacido en Cumanayagua, Cuba, é un artista incansable, un pintor fragmentario, que atopa na resemantización do real a súa propia linguaxe. As súas obras forman parte de museos e coleccións privadas de Xapón, México, Hungría, España, Cuba, Rusia, Francia, Estados Unidos, Alemaña, Perú, Nova Zelandia e a República de Mali.
