Exposición

Nesta segunda edición de Compostela Photo artistas visuais profesionais, convidados pola organización Santiago Centro Área Comercial, están acompañados por fotógrafos afeccionados, seleccionados no I Certame Compostela Photo, aberto a todos aqueles que quixeran enviar a súa imaxe.
Con este formato, a asociación de comerciantes quere  converter este festival nun evento participativo e aberto, que aporte diferentes miradas e que contribúa a enriquecer o feito artístico e cultural.

Exposición bibliográfica que recolle obras que relacionan paisaxe, natureza… e poesía.

Sala Infantil. Público familiar.

No mes de febreiro conmemoramos os cen anos do pasamento de Manuel Murguía e o nacemento de Rosalía de Castro, dous autores sen parangón na cultura galega aos que ademais unía a súa relación familiar. Nesta exposición queremos destacar a relación profesional, creativa e persoal do matrimonio Castro-Murguía co editor Juan Compañel na cidade de Vigo, así como salientar aquelas obras destes autores que foron editadas na nosa cidade.

Zona de exposicións da biblioteca.

Todos os públicos.

Neste 2023 de novo unha muller é a protagonista no Día da Ilustración. Despois de Lolita Díaz Baliño é agora da quenda de recuperar como ilustradora a obra dunha das súas alumnas, María Antonia Dans.

Co gallo da participación da escritora Emma Pedreira na sesión do venres 17 de febreiro dos "Diálogos entre a Psicoanálise e a arte" facemos unha escolma da obra desta autora que estará dispoñible no salón de actos o día 17 de febreiro durante o diálogo e no segundo andar desde o sábado 18 ata o 31 de marzo durante o horario de apertura da biblioteca.

Lugar: fonoteca (primeira planta)

Poderase vistar no horario de apertura da biblioteca.

Exposición audiovisual na que se recollen pezas musicais que homenaxean a poesía de Rosalía de Castro.

Nos últimos anos estase a editar unha gran cantidade de obras nas que a ilustración é un elemento de especial relevancia, tanto na cuberta como no interior. Achégate á mostra que temos preparada no Espazo Xove na que seleccionamos as nosas cubertas favoritas. Porque como di o refrán "unha imaxe vale máis que mil palabras".

Co gallo do Día da Ilustración que se celebra o luns 30 de xaneiro na Sala Infantil organizaron unha mostra bibliográfica con libros ilustrados, albums e debuxos. 

Non a perdades e aproveitade para levar algún en préstamo! 

A biblioteca cede o espazo para a realización desta exposición da Asociación Xuvenil e Cultural Itaca que estará no vestíbulo do 4 ao 28 de febreiro. 

'Sempre Máis. Arte, ecoloxía e protesta na Galiza do Prestige' reivindica os vinte anos do aniversario do afundimento do petroleiro, poñendo o foco na memoria, a creatividade, e as protestas para reflexionar sobre a necesidade hoxe de seguir xuntando a defensa da democracia e a da ecoloxía. Un traballo que parte dos fondos do Arquivo Vivo da Asociación Cultural Unha Gran Burla Negra.