Javier Arce presenta na Fundación DIDAC unha serie de obras pintadas ao óleo sobre liño tensado sobre estruturas de madeira natural de freixo, abeleira, carballo ou eucalipto, convertendo o marco en algo irregular e orgánico que se contrapón á austeridade minimalista habitual na pintura.
Con relevantes traxectorias individuais Concha Jerez (Las Palmas de Gran Canaria, 1941) e José Iges (Madrid, 1951) desenvolveron de forma paralela, desde hai máis de tres décadas, unha produción común que se contamina e se enriquece na diferenza das súas respectivas linguaxes. A partir do concepto de resignificación, esta mostra conxunta reúne obras realizadas entre 1989 e 2023. Baixo esta idea, o que Iges e Jerez propoñen é, nas súas propias palabras, “unha operación que permite asignarlles a un obxecto, a un medio ou a unha situación calidades ata ese momento inesperadas, imprevistas”.
Enrique Labarta Pose, nado en Baio (Zas), foi escritor e xornalista. Como escritor abarcou poesía, narrativa e teatro, destacando especialmente polos seus contos humorísticos e as súas poesías, tanto líricas como satíricas.
As obras de Luis Rodríguez Camarero caracterízanse pola cualidade matérica e beleza cromática que presentan, destacando o emprego dunha persoal técnica de tratar o óleo que esixe un moi premioso e delicado proceso de execución por etapas, ao ter que proceder por capas superpostas de materia e mesmo tamén de cores.
Esta mostra de fotografías de Saleta Rosón trasládanos a dúas cidades abandonadas: unha colonial baixo o nome de Kolmanskop, construída polos alemáns en 1908 no deserto do Namib (Namibia) para aloxar os traballadores das minas de diamantes. A outra é Al Madam, unha urbe levantada entre os anos 1970 e 1980 no interior do Emirato de Sharjah (Emiratos Árabes Unidos), a tan só 60 quilómetros da cidade de Dubai.
#Punctum pon sobre a mesa dúas realidades que resultan irrefutables: que a banda deseñada é arte e que as artistas galegas de BD son posuidoras dunha potencia visual e un discurso artístico de primeira orde.
Maru Astray, Julia Lago, Bea Lema, Uxía Larrosa, Xulia Pisón e Pepa Prieto Puy, artistas da BD e o fancine galego amosan no espazo expositivo o seu talento en propostas ricas e heteroxéneas que abordan temas, códigos, soportes e desafíos estéticos vixentes no noso acervo.
Exposición sobre a vida e obra de Torrente Ballester incidindo especialmente na súa etapa pontevedresa, fonte de inspiración para algunhas ds súas obras máis relevantes
Lugar: Planta baixa
Datas: 25 de xaneiro-16 de febreiro, no horario de apertura da biblioteca
Tres artistas de recoñecida traxectoria representadas pola galería compostelá, cuxas plásticas e narrativas conforman unha proposta expositiva emocional e exuberante.
Acceder á obra de Antón Lamazares (Maceira, Lalín, Pontevedra, 1954) co designio de albiscar cincuenta anos de dedicación, investigación, estudo e desenvolvemento dun traballo é un momento moi especial, porque nos permite achegarnos á obra dunha das figuras máis senlleiras no contexto artístico de Galicia, de España, e en constante relación co mundo. A súa ávida curiosidade fixo que diferentes xeografías lle servisen para aliñar intencións e propósitos que axudaron a conformar a súa obra.
A XIV Bienal de Pintura do Eixo Atlántico tamén pode ser visitada virtualmente
A Bienal Virtual permite coñecer as 25 obras de artistas de Galicia e do Norte de Portugal. Cada cadro ten unha ficha con datos sobre a obra e o/a autor/a
As 25 obras que forman a exposición contan cunha ampla variedade de estéticas e técnicas, de artistas de Galicia e do Norte de Portugal.
