Exposición

A exposición Orgullo da nosa lingua: o galego é un tesouro para compartir chegará en setembro e outubro a catro entidades da Rede de Dinamización Lingüística: Arteixo, Ribeira, Marín e Redondela.

A mostra consta de 9 paneis que percorren particularidades do galego co fin de mostrar o seu valor e a súa riqueza, alimentar o sentimento de pertenza e convidar a cidadanía a falalo. A exposición poderá visitarse por libre ou ben coa guía dunha persoa dinamizadora que atenderá os asistentes en horario establecido por cada concello.

Centro de Interese de libros escritos por autoras e autoras de recoñecido prestixio que xa son "clásicos" da literatura infantil, uns imprescindibles e un seguro á hora de recoemndar a súa lectura. 

Trátase dunha mostra das creacións en madeira recuperada do artista ourensán Xosé Manuel Rodríguez Mojón 'MOXOM'
A traxectoria escultórica de MOXOM arrancou hai máis de vinte anos e de forma completamente autodidacta. As súas obras empregan madeira recuperada dos camiños, fragas, leiras e encoros da xeografía galega como materia prima para a creación e, así, convértense en vehículo co que transitar polo seu percorrido artístico. 

Na mostra 'CONSTELATIO'  figuras mitolóxicas e zodiacais personifícanse en retratos a través da man e a creatividade inesgotable do pintor compostelán José Manuel Méndez Rodríguez 'Pitelos'. 
Máis de 46 retratos personificados acompañados dos seus respectivos “Ovos Vitae”, esculturas creadas polos artistas participantes, e máis de 60 pezas da mesma colección.A propia substancia de CONSTELATIO tende pontes cara a todas as épocas dialogando coa arquitectura do espazo, coa súa ornamentación na formulación da montaxe e a concepción.

No primeiro andar da Biblioteca temos una mostra con libros de cociña recén chegados, así que non esperedes para renovar as vosas recetas! 

Este mes de setembro estreamos nova mostra bibliográfica.

Os libros prohibidos volven a Nós este mes de setembro cunha mostra de libros de autores e autoras que estiveron no exilio e que se poderá ver no primeiro andar da Biblioteca.

Con motivo da celebración do mes do Alzhéimer, coa conmemoración do seu día mundial o vindeiro 21 de setembro, organízase a mostra artística Entre presenzas e ausencias, comisariada pola artista Beatriz S. Saá. 

A biblioteca cede o espazo para a realización da exposición “Habitabilidade e saneamento na India rural” que está organizada pola Fundación Vicente Ferrer e financiada pola Xunta de Galicia, Cooperación Galega na que se nos mostra o empoderamento das mulleres e as persoas con discapacidade na India rural a través da propiedade dunha vivenda con saneamento.

Trátase dunha iniciativa holística que tamén promove a creación dunha contorna de vida saudable a través do impulso á conservación do medio ambiente, a xestión de residuos e a reciclaxe.

Dentro do proxecto “BEN(S)VIDOS: Novas adquisición do Museo.” preténdese achegar ao público pezas que entran a formar parte da colección do museo. Nesta ocasión a peza escollida é unha cadeira de barbeiro de comezos do século XX que permite exemplificar a produción de mobles artesáns que toman como modelo os tipos industriais adaptando as formas aos medios e saber facer dos artesáns. En suma permite achegarse ao mundo dos barbeiros ao longo da historia para o que, ademáis da cadeira, a exposición compleméntase cun vídeo explicativo, e material documental.