Exposición

Esta exposición é a materialización dunha das grandes responsabilidades dunha institución museística, xa que é froito dun traballo de investigación levado a cabo dende o Museo do Castro de Viladonga. O groso dos traballos arrancan no 2021, e dende os primeiros estudos bibliográficos e de catalogación quíxose poñer en valor a pequena, pero importante, colección de acibeches recuperados durante os máis de cincuenta anos de escavacións no Castro.

Mostra de carteis e 12 obras orixinais cedidas polo concello de Celanova durante un tempo a biblioteca Nós.

A mostra orixinal, que se expón de forma permanente na torre do homenaxe do Castelo de Vilanova dos Infantes, e que foi promovida por Xosé Manuel del Caño e o colectivo Amigos do libro galego reúne a obra de máis de 30 artistas en homenaxe á subtraída Virxe do Cristal e o crego asasinado: Don Adolfo.

Na biblioteca serán expostas 12 pezas artísticas de distintos autores.

Inauguración da exposición: 17 de abril ás 19:30.

No marco do seu programa de artistas de media carreira, o CGAC presenta unha mostra individual da artista Mar Caldas, pioneira da arte feminista en Galicia. A súa obra, fundamentalmente fotográfica, renova sempre o seu cariz reivindicativo para atender aos diferentes atrancos que, pola súa condición, atenazan a vida das mulleres.

Esta mostra supón un percorrido visual e poético por un total de 20 montaxes fotográficas.
As imaxes da mostra están creadas grazas á técnica do collage. Cada unha das pezas que o visitante pode observar está composta por dúas imaxes que separadas carecen de sentido pero que xuntas crean unha visión poética que invita ao espectador a unha dobre relectura crítica, tanto das composicións mostradas como do mundo no que vivimos.

Para conmemorar o Día da Poesía (21 de marzo) queremos salientar os recoñecementos que nos últimos anos leva recibindo a poesía galega nos premios nacionais anuais que entrega o Ministerio de Cultura. Figuras como Pilar Pallares, Gonzalo Hermo, Alba Cid, Ismael Ramos ou Yolanda Castaño foron recoñecidas con galardóns como o Premio Miguel Hernández ou o Premio Nacional de Poesía outorgando á lírica galega un recoñecemento alén do noso territorio de fala.

Sala Infantil. Público familiar.

Zona de exposicións da biblioteca. Todos os públicos.

O 8 de marzo celebramos o Día da Muller e o 17 de marzo o Día Do Cómic. Unimos ambas conmemoracións con esta mostra que é unha selección de cómics da nosa colección realizados por mulleres que falan das súas propias experiencias.

A autobiografía en banda deseñada é un xénero que goza de moi boa saúde. Podemos definila como a búsqueda da identidade na que as autoras exploran recordos e momentos de intimidade ao tempo que analizan o contexto político e social no que viven. Tamén como unha forma de liberación, como terapia, reflexión e fonte de autocoñecemento.

Cedemos o espazo para a realización da exposición de pintura Nove palabras de Carmen Fernández V. (en instagram: @carferva).  Son nove retratos de mulleres realizados con técnica mixta, desde o carbón ao acrílico. Mulleres que coa súa palabra teñen moito que dicir na literatura do noso país. Nove palabras pintadas, nove cores, nove voces. Son María Canosa, Paula Carballeira, Yolanda Castaño, Ledicia Costas, Berta Dávila, Teresa Moure, Antía Otero, Arantza Portabales e María Solar.

Achégase o 8 de marzo e, un ano máis, na Biblioteca Ánxel Casal sumámonos á celebración do Día internacional da muller. Nesta ocasión, a nosa proposta é unha mostra bibliográfica formada por libros nos que as protagonistas son personaxes femininos afastados de estereotipos, que esperamos que desfrutedes tanto nenas como nenos.

Podedes visitar esta mostra na sala infantil do 4 de marzo ao 1 de abril no horario de apertura da biblioteca.

Con motivo da celebración do día de Rosalía, desde o 23 de febreiro e ata o 23 de marzo, poderedes visitar unha mostra audiovisual na fonoteca da primeira planta.

Enfrontarse a nosa mirada a través dun espello negro.Nunha imaxe especular, deslízase un instante no que xurdimos da negrura que nos revela quen somos, iluminados pola ingravidez da luz dunhas velas. O noso rostro materialízase fantasmagórico como unha imaxe latente da consciencia, unha identidade que se atopa ao límite entre a aparición e a desaparición.