O primeiro traballo de Apatacón: Faia Díaz (Coro Encaixe, De Vacas...) e Vero Rilo (Daboapipa, Rilo&Penadique...) achégannos unha proposta ben orixinal: Por unha peseta é un traballo onde voz narrada e cantada se achegan por menos de nada para atopar canto vale unha peseta. Historias de vida recollidas no noso entorno e no universal xúntanse nunha peza que nos achega a partes iguais ao humor, á sensibilidade e á tenrura propias da nosa xente.
Puño, Puñete é un espectáculo de música en directo, cantigas, contos e tradición oral. Partindo de:
Puño Puñete, que tes por dentro?
Pan e fermento
Puño Puñete, que tes por fóra?
Pan e cebola
Convidamos aos cativos/as cos seus papás e mamás a descubrir un mundo de sensacións e emocións.
Producións Dispersas ten o pracer de presentar o seu próximo espectáculo familiar que será estreado o 20 de outubro no Auditorio Municipal de Ourense.
O novo traballo de Chévere está protagonizado por Patricia de Lorenzo e Miguel de Lira, con dramaturxia e dirección de Xron. En escena tamén están Lucía Estévez e Leticia T. Blanco, que se ocupan da gravación e realización de vídeo en directo. Ademais, conta coa participación de Fidel Vázquez (iluminación), Óscar Villán e Iván Suárez (espazo gráfico), Xacobe Martínez Antelo (espazo sonoro), Renata Uzal (vestiario) e Inés Portela (produción).
As fillas bravas son tres mulleres que tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira, cantoras dunha estirpe de voces furtivas que berran entre raposos.
Os fabulosos cleaners é un espectáculo con pompas de xabón para todos os públicos. Unha fantástica experiencia visual para participar toda a familia.
O autor alacantino Luís Beviá, que percorreu medio mundo co seu universo jabonoso (Londres, Hong-Kong, Méjico, Colombia, Perú, Cuba, Grecia ou Islandia, entre outros) dirije a parte técnica deste espectáculo.
Moita diversión, moitas aventuras, moita música e moita aprendizaxe. Estas son as catro craves deste espectáculo.
A tartaruga Manola é un conto que trata un dos temas máis importantes que nos toca abordar na actualidade, a conservación do lugar onde vivimos todos os seres vivos, o noso planeta, e como debemos actuar se queremos que siga sendo un lugar habitable para nós e para os que veñan despois de nós.
Despois da chegada do home á lúa a humanidade só lle faltaba un reto: a chegada do home a Galicia. No ano 2010 (ano 25 despois de Gayoso), dous intrépidos exploradores tiveron o valor de penetrarse nas descoñecidas terras galaicas a través do roteiro xacobeo.
GO ON! recompila esta experiencia límite que deixa aos de Ao fío do imposible como simples boyscouts.
GO ON! é unha emocionante novela de aventuras na que os seus protagonistas viven situacións extremas como o terrible ataque do desapiadado "can de palleiro" ou a entrevista a un porco no corredor da morte.
No País do Vento nada queda quieto: os pés bailan, as saias xiran, as xentes brincan e moitas melodías e algunhas pequenas historias van buscando orellas que escoiten e labios que as cantaruxen para seguir vivas ao lombo das brisas e dos furacáns. Moitos son os personaxes que habitan este país de asubíos e airexas: unha científica incorrixible e algo poeta que chegou a explorar o País do vento; noivas, donas, magas bruxas e tolas, mulleres magníficas todas, que bailan unha canción tradicional deste país de brisas; unha familia de papaventos que é feliz buscando países imaxinarios que visit
Un pacto, un código secreto, unha cápsula do tempo, unha promesa?Dentro de 20 anos no mesmo sitio á mesma hora. A vella casa da árbore onde dous amigos compartían as súas tardes de lecer entre xogos, risas, fantasías e complicidade.
O tempo pasa e a distancia é inevitable pero non ten que supoñer o esquecemento. Como dicía a canción, 20 anos non é nada. E dous personaxes que atoparon a maneira de poder seguir xuntos na distancia aínda que a vida lévelles por camiños diferentes.
