Espectáculo

O que puido parecer imposible materialízase: Coque Malla volve á estrada este verán nunha serie de concertos íntimos en acústico. Obrigados a pospoñer "Revolución Tour?" polas restricións aplicadas a espectáculos nos próximos meses, Coque Malla, xunto ao seu pianista de cabeceira, David Lads, ofrecerá unha serie de sets con piano, guitarra e voz. Coa ilusión de que a música de Coque Malla volva soar nestes meses, de volver celebrar e facelo posible, con máis ganas que nunca e un repertorio cargado de sorpresas chega por fin a "xira Imposible".

Espectáculo: As pitas baixo a choiva

Compañía: Teatro Ghazafelhos

Data: 17 de outubro

Público: Familiar (a partir de 6 anos)

Horario: 18:00 a 19:00 h

Duración: 60 minutos

Prazas: 43

De balde, precisa inscrición na web

A Nena farta de ser o centro das mofas dos seus compañeiros foxe da escola coa intención de non volver nunca máis. Na súa aventura topará co Xeadeiro, un ser máxico e vital, que a base de adiviñanzas, xogos e cancións, devolveralle a autoestima perdida. Ensinaralle que dentro de cada un de nós agóchase un ser único e especial e que só crendo nas nosas capacidades seremos quen de acadar todo o que nos propoñamos.

O ciclo de concertos 'Mercados no Camiño' desenvólvese ata o vindeiro sábado 29 en mercados emblemáticos da zona como o Progreso, o Calvario, as Travesas e Teis.

Este ciclo está financiado a través do Fondo de Proxectos Culturais Xacobeo 2021 da Xunta de Galicia, unha das principais medidas que contempla o Goberno Autonómico no Plan de Reactivación dos sectores cultural e turístico fronte a crise sanitaria.

Operacción Retorno é unha gala lírica dramatizada que presenta algúns trucos e consellos para garantir a volta máis agradable, tranquila ? e segura á normalidade de setembro.

Unha noite de humor e monólogo cun sketch no que a actriz, de orixe vasca, namorada de Galicia e medio vestida de galega, contaranos o seu desexo de integrarse e ser «adoptada» pola cultura galega, a través dunha infinidade de aventuras autobiográficas e altamente cómicas que viviu desde a súa chegada a estas terras.

Un texto escrito por e para Galicia, no que veremos unha vasca en proceso de conversión galega, con todo tipo de personaxes e situacións propias dunha cultura tan única como o é a nosa.

Este proxecto baseado no empoderamento feminino pretende poñer o foco de atención na diversidade das mulleres creadoras a través dos múltiples proxectos de empredemento que están a desenvolver.

Porque queremos denunciar o androcentrismo nos festivais de música, na arte, no deseño, na literatura, nos medios de comunicación.

Porque queremos denunciar a invisibilización das mulleres, unha violencia que nos deixa sen referentes.

Por que queremos loitar a prol da igualdade real, visibilizar o invisibilizado;
e tamén queremos bailar!

María Vermella (Lugo, 1982) é artista visual e performer. A súa obra vira en torno ao corpo como contedor do íntimo á vez que a arquitectura social e política, cun marcado interese nos seus procesos de apropiación, incorporación e transmisión do coñecemento inmaterial, así como na súa potencia como elemento subversivo e de resistencia.

Pouco tempo despois de chegar a Roma, alguén que coñecía o meu traballo co documental e coa miña historia familiar, puxo nas miñas mans unha correspondencia. Eran cintas de casete gravadas por un home que falaba a unha muller. Ao longo de 30 anos enviou esas cintas a América, e nelas contábase o que parecía unha intensa e estraña historia de amor. Eran moitas horas de material, e eu debería decidir se tiñan algún valor e se quería facer algo con iso.

Concerto Menú é un proxecto ad hoc da artista visual Marta Fernández Calvo que consiste nun recital de receitas sonoras cuxo desenvolvemento conceptual e produción será realizado na cidade de Santiago de Compostela e cuxa presentación terá lugar no Teatro Principal o día 13 de setembro de 2020 como parte de Plataforma. Festival de artes performativas.

A variedade de sons que xera a elaboración dunha receita é o fío condutor dun proxecto multidisciplinar que cuestiona as fontes e a transmisión de coñecemento e que propón a experiencia vital como forma de aprendizaxe.