Espectáculo

Por cada película que chega ver a luz son moitas as que permanecen no limbo do infilmado. Estas últimas son as únicas películas perfectas porque só existen en potencia, como idea ou como soño, e non sufriron o choque co real. En cambio, as que si chegaron a existir serán sempre e necesariamente imperfectas, un catálogo de compromisos e renuncias e, quizais, dalgúns felices encontros. “Todo é posible a condición de ser o suficientemente insensato”, dixo Orson Welles; pero, como el mesmo descubriría, tal optimismo non era máis ca o obstinado desexo dun rebelde inconformista.

Comeza o sorteo da vida. Naces e atopas un mundo por descubrir, un mundo para correr e xirar. Pasa o tempo, os anos, e de súpeto xa non tes tempo para xogar. E sopra o vento, o vento da casualidade, que che fai cóxegas, que te empuxa, que te trae e te leva e pode que con boa sorte che faga bailar, pode que te faga sentir bolboretas no bandullo… E o mundo segue a xirar, aínda que ás veces o intentemos parar.

A artista interdisciplinar Monica Mura camiñará polas rúas do centro histórico da cidade levando posta “A Nova Armadura”, un artefacto antigo rescatado e actualizado para loitar contra o inimigo invisible da era post Covid-19. A acción quere explorar as dificultades reais que nacen á hora de manter a distancia de seguridade na etapa da nova normalidade, que desde o pasado 21 de xuño fixouse a 1,5 metros. Manter esta distancia física interpersoal, ademais do uso das máscaras, vai ser clave para que as persoas podamos movernos con máis seguridade polo espazo público.

‘Dioiva de nomes de muller’ é unha proposta artística que procura reivindicar e divulgar o acervo das creadoras galegas e o seu impacto no patrimonio cultural do noso pobo, a través dun diálogo creativo entre o espazo público e un dos elementos definitorios da nosa idiosincrasia: a chuvia.

A guerra sempre foi un negocio. E Ana Fierling sábeo. Por iso camiña cos seus dous fillos e a súa filla a través da barbarie. Mentres serven a distintos bandos e ao mesmo tempo a ningún, se desenlaza esta épica historia cuxo eixo central é a crueldade da supervivencia humana. O materialismo imponse á traxedia, a guerra nos insensibiliza e os seres humanos seguimos sen aprender, cometendo os mesmos erros.  

Don Quijote somos todos narra os esforzos dun pobo manchego, de cuxo nome ninguén se acorda, por non desaparecer para sempre. Abandonado no medio da España baleira, con malas comunicacións e escasos servizos, o seu único patrimonio está no seu pasado: ser o berce do máis famoso cabaleiro andante, o enxeñoso don Quixote da Mancha.

Representacións que corresponden ao abono de teatro do segundo semestre de 2020:

La fiesta del Chivo

El coronel no tiene quien le escriba

Los cuerpos celestes

Perfectos desconocidos

Prostitución

Jauría

Puertas abiertas

El sueño de una noche de verano 

Una noche sin luna

Medida x Medida

Trigo sucio

A conquista da escola de Madhubai.

Sol, praia, comida, festa e música, moita música: El Drogas, Desakato, Kase.O, Sara Hebe, Balkan Paradise Orchestra e moitos máis. Este festival promete un fin de semana inolvidable de música e festa na praia. Abonos xa á venta...

Bailar agora é unha sorte de imperativo cara un posicionamento no presente social e persoal a través da danza. Un impulso por situarnos no tempo actual, no afecto e na emoción do que estamos a compartir aquí e agora bailando.

Dous das máis importantes expoñentes recentes do bel canto internacional nos nosos días, a aclamada soprano británica Jessica Pratt e o non menos recoñecido tenor vasco Xabier Anduaga, reúnense agora na Coruña para ofrecer unha desas citas únicas e ineludibles para todos os amantes da ópera da primeira metado do século XIX. A Pratt, habitual das grandes citas mundiais como o Festival Rossini de Pésaro ou as tempadas do Metropolitano, The New York Times describiuna como soprano de “son brillante, libre e con facilidade para as notas altas, áxil e fluída coloratura e graza lírica”.