Espectáculo

Ser diferente aos demais non debe avergoñar a ninguén, o importante é como xestionar esas diferenzas para afrontar o futuro. O PARRULO FEO, torpe e caótico, amoas mediante as técnicas do slapstik (golpes, caídas, acrobacia excéntrica...), a manipulación de obxectos e a acrobacia aérea, un personaxe con grandes dificultades para facer o que se espera del. No desenvolvemento da peza navegará xunto cos espectadores por un mar de emocións soltando amarras onde as súas debilidades se transforman nas súas fortalezas.

A muller nena habita nunha illa afortunada (Eugenio Granell)

O naufraxio dunha paiasa nunha illa, o descubrimento dos limites que nos separan, o xogo, a imaxinación, a locura, porque ninguen se libra de estar tolo.

Un espectáculo en construcción, onde a paiasa Pajarito busca a sua propia linguaxe. Espectáculo de clown, mudo, poetico, na busqueda das metáforas e os xogos mais universais.

O espectáculo TE VEO deriva da idea de colocar os artistas e o público dentro da cabeza dunha muller e usar os portés acrobáticos (forzas combinadas) e o circo contemporáneo como mecanismo para revelar a estrutura do seu pensamento, da súa mente e do seu mundo interior.

Logo de vinte anos de espectáculos por todo o mundo, nesta produción o showman Javi Javichy busca a risa en todo momento, utilizando os gags máis clásicos. Combinando rutinas de circo con pratos de porcelana, chapeus, caixas de puros, e acabando cun arriscado numero de rulo americano, Javichy devolve ao público á sempre impresionante tradición dos malabares cun toque de humor

Hop-Hop é un espectáculo baseado nas artes do circo, no xogo do clown e a interacción co público. As técnicas empregadas son os malabares, o verticalismo, a manipulación de obxectos e a improvisación. A decisión de non empregar  o diálogo leva o espectáculo a un nivel xestual e visual que permite ao espectador entrar empáticamente en contacto co artista e co seu mundo imaxinario.

Mantendo a anterior e exitosa líña de traballo marcada pola compañía, nesta produción (con)fusionamos música, teatro, humor, comedia xestual, clown e participación do público. Cunha marimba como eixo principal do espectáculo, Concerto con Fusión incorpora diversos matices musicais, cunha vocación popular e con cabida para diferentes ritmos, como música latina, rock & roll, reggae, pop ou música disco.

Cirqueiras é unha incrible gala multidisciplinar con varias das mellores artistas galegas do momento.

Conducida por Vanessa Rivas veremos unha destacada escolma de números de diferentes estilos a cargo de Raquel Veganzones, Marta Semprearriba, Ánxela Blanco e Mónica de Nut.

Aéreos, danza, música e humor a cargo dunha destacada selección de mulleres.

O reconocido artista Carlos Núñez bríndanos un estupendo concerto na Finca de Briz, en Marín

Un verán máis o ciclo Vigo, un mar de bandas levará á rúa o son das bandas de música da nosa cidade. Ademais dos concertos que se farán na Porta do Sol haberá catro datas onde os escenarios serán diferentes barrios de Vig. Para asistir é obrigatorio o uso da máscara e gardar as distancias de seguridade.

Todos os sábados desde o 18 de xullo ao 29 de agosto Vigozoo organiza unha actividade para contemplar as estrelas e aprender sobre as constelacións e a importancia que estas teñen sobre a natureza. Tamén se ensinarán nocións básicas de como manexar uns prismáticos e catalexos.