Espectáculo

Unha noite de humor e monólogo cun sketch no que a actriz, de orixe vasca, namorada de Galicia e medio vestida de galega, contaranos o seu desexo de integrarse e ser «adoptada» pola cultura galega, a través dunha infinidade de aventuras autobiográficas e altamente cómicas que viviu desde a súa chegada a estas terras.

Un texto escrito por e para Galicia, no que veremos unha vasca en proceso de conversión galega, con todo tipo de personaxes e situacións propias dunha cultura tan única como o é a nosa.

Este proxecto baseado no empoderamento feminino pretende poñer o foco de atención na diversidade das mulleres creadoras a través dos múltiples proxectos de empredemento que están a desenvolver.

Porque queremos denunciar o androcentrismo nos festivais de música, na arte, no deseño, na literatura, nos medios de comunicación.

Porque queremos denunciar a invisibilización das mulleres, unha violencia que nos deixa sen referentes.

Por que queremos loitar a prol da igualdade real, visibilizar o invisibilizado;
e tamén queremos bailar!

María Vermella (Lugo, 1982) é artista visual e performer. A súa obra vira en torno ao corpo como contedor do íntimo á vez que a arquitectura social e política, cun marcado interese nos seus procesos de apropiación, incorporación e transmisión do coñecemento inmaterial, así como na súa potencia como elemento subversivo e de resistencia.

Pouco tempo despois de chegar a Roma, alguén que coñecía o meu traballo co documental e coa miña historia familiar, puxo nas miñas mans unha correspondencia. Eran cintas de casete gravadas por un home que falaba a unha muller. Ao longo de 30 anos enviou esas cintas a América, e nelas contábase o que parecía unha intensa e estraña historia de amor. Eran moitas horas de material, e eu debería decidir se tiñan algún valor e se quería facer algo con iso.

Concerto Menú é un proxecto ad hoc da artista visual Marta Fernández Calvo que consiste nun recital de receitas sonoras cuxo desenvolvemento conceptual e produción será realizado na cidade de Santiago de Compostela e cuxa presentación terá lugar no Teatro Principal o día 13 de setembro de 2020 como parte de Plataforma. Festival de artes performativas.

A variedade de sons que xera a elaboración dunha receita é o fío condutor dun proxecto multidisciplinar que cuestiona as fontes e a transmisión de coñecemento e que propón a experiencia vital como forma de aprendizaxe.

Dúas pedras no camiño é un título xenérico para un anthological espectáculo de pezas míticas que vivirán moito tempo na memoria da audiencia. "Aquilo #traballar ve coa vosa nai, agora podes tomar o voso neto". Na súa visita poden rearrange algúns das pezas a petición pola audiencia ou dependendo no local e tempo do espectáculo. O espectáculo sen dúbida os inicios cun número titularon: “ Los 33 ruiseñores de la Porqueira” cal é o quentamento ideal para calquera acontecemento e un do duet a maioría de cancións sutís e celebradas.

Dúas bonecas de Famosa e unha de Mattel vense desbordadas cando a súa compañeira de xogos e dona, unha nena chamada América decide abandonalas fronte unha vida chea de barreiras cíclicas para a muller…

As Fillas Bravas son tres pandeireteiras do lugar de Momán, parroquia de Trabancas, concello de Padrenda, que cantan coplas e contan contos escoitados ou inventados, con moita retranca e non menos sabedoría.

A escaleira é aquilo que usamos para poder acceder a algo doutro xeito inalcanzable. Ao subir chanzos ascendemos; ascender é avanzar cara o obxectivo pero tamén conleva unha vertixe que nos fai dubidar no ascenso. Ás veces podemos apoiarnos noutras persoas para subir e tamén podemos caer. Só imaxina o precioso que pode ser arriscarse e que todo saia ben.

O novo show de Circo Expreso tras o éxito dun Día de Praia. Unha muller forte, intelixente, atractiva e divertida atópase cun home... estúpido. El ha de facer o que sexa para estar con ela, e ela fará todo o posible por escapar. Ela é dona de si mesma, el é infantil.

Veremos como a súa loita frenética intensifícase a medida que atopan un trapecio de abalo, cordas aéreas dobres e un hula-hoop de lume ata chegar a un incrible e emocionante número de aéreo de voo.