Espectáculo

Bromas sen fin, participación do público e humor, moito humor, son a claves desta adaptación circense do clásico conto O flautista de Hamelín no que descubriremos o que sucedeu en realidade. A través do clown, os malabres, o xogo e a participación do público contaranos unha persoa presente alí mesmo a aldea de Hamelín foi tomada por unha praga de raros seres que molestan e fan imposible a vida dos seus habitantes.

Xa coñecedes a historia que querían facervos saber? é hora de coñecer A verdadeira historia de Hamelín

O instinto cómico de José Manuel Rodríguez, máis coñecido como Isi, permaneceu durante anos escondido no ámbito doméstico natal ata que un bo día gañou o televisivo concurso de chistes O Rey da Comedia. Desde entón, milleiros de espectadores poden gozar na televisión ou nos escenarios da arte de Isi para converter os momentos cotiás en memorables anécdotas coas que romper da risa. As historias sobre a súa particular familia con tres nais e sobre as súas histriónicos veciños e o falar rápido e nervioso son a súa especialidade, sen esquecerse dos mellores chistes de sempre.

O polifacético  Avelino González sorpréndenos con este novidoso espectáculo de narración oral, teatro, audiovisual e humor no que mestura o vello co novo para falar de amor.

O amor... xa se sabe, ás veces tenro, tantas veces ridículo e, visto dende fóra, sempre divertido.

As historias que se contan son tradicionais e contemporáneas, con música (de baile, por suposto): Hai sereas (e mais outro animal que non conto agora por non matar o misterio), mouras que queren que un rapaz as desencante (cousa que si, ten dobre sentido) e dragóns que raptan mozas.

A linguaxe! Usámola a diario tanto para organizarmos os nosos pensamentos como para os transmitir a outras mentes. É a capacidade máis exclusiva dos seres humanos: ningún outro ser vivo posúe linguaxe. É unha ferramenta esencial para a organización, o control e o desenvolvemento social.

E a pesar de todo, a súa aparición no proceso evolutivo continúa a ser un dos maiores enigmas.

Nas culturas celta, babilonia, sumeria, etrusca, nipoa, azteca, semita, mesopotámica, exipcia, chinesa, germánica, nórdica, lituana, grega e romana,o pobo rendeu culto a distintas deusas da sexualidade, os desexos e o pracer.

Pesdelán é moito máis que un grupo de música. Mediante a música en vivo e o ensino de bailes e xogos sinxelos ao público, pretende recuperar o espírito participativo das festas e integrar a todas as persoas sen importar a súa idade, condición física ou experiencia. Os espectáculos teñen unha duración aproximada de unha hora e están dirixidos a tódolos públicos.

ContraEscena é o novo espectáculo creado e producido pola compañía Funamviolistas. Nesta ocasión, elas revélannos os segredos do que sucede entre bastidores. As intimidades de tres artistas itinerantes presentando o seu show de teatro musical.

En lugar de presentarvos á protagonista deste espectáculo, temos o privilexio de compartir convosco unhas indicacións súas en exclusiva: "Se credes que precisades dos meus servizos non tedes máis que aturuxar, que desde o Monte Pindo escoito que flipas porque ten unha acústica bárbara. Sabedes quen son, non? Ben, normal, nin puta idea, normal. Ademais indo de incógnita menos, claro! Vouvos dar unha pista. Como mínimo, agora que xa vedes a estrela vermella xa o teredes mais claro non? Non, non son concelleira do Bloque.

Na primeira parte do show a humorista faranos un resumo do seu clásico monólogo Nueba Llorq, sen sexo. Contaranos as súas aventuras como muller aos trinta e pico? solteira, independente, sen fillos nin miras de telos nun futuro próximo. Ademais fará unha reflexión sobre non cumprir como as súas amigas da mesma idade que xa están casadas e teñen fillos.

O Paporrubio nace en Lalín no ano 2013 da man de Luchi Iglesias. A súa personalidade enredante e argalleira fixo que dende moi novo se interesase polas formas de diversión da xente, o que unido ao seu traballo de actor, titiriteiro e escenógrafo deu como resultado O Paporrubio. Este é un proxecto que xira ao redor dos xogos populares, sempre á procura da súa revitalización a través da inclusión de elementos teatrais, musicais e plásticos, pero que non esquece o que de lúdico e comunitario teñen de por si os xogos tradicionais.