Espectáculo

As novas tecnoloxías nunca foron cousa que lle encantaran a este rapaz que medrou nunha vila mariñeira na que as redes, eran para ir pescar… Sentirse vello aos vinte e pico xa non soa tan raro, cando de súpeto, todo aquelo co que levamos convivindo durante séculos, desaparece. Unhas novas formas de vivir que non gustan a todo o mundo, ou que, máis ben, se poden convertir nun gran problema. Este é o caso de Duarte, que non se atopa nada ben porque está pasando por unha forte crise…

Bicos con lingua é un espectáculo en clave de comedia no que a través de diversas situación cotiás invita a unha fonda reflexión sobre os usos e abusos da lingua galega.

Ópera e zarzuela a cargo de Mariña Penas (soprano), Pablo Carballido (tenor), Pedro Martínez Tapia (baixo-barítono) e Carlos E. Pérez ( piano). 

Cavalleria rusticana (traducida ao español, Nobreza rústica ou Caballerosidad rústica ou pueblerina) é un melodrama nun acto con música de Pietro Mascagni e libreto de Giovanni Targioni baseado nun relato do novelista Giovanni Verga. Estreouse en 1890 no Teatro Constanzi de Roma. O seu éxito foi un fenómeno desde a súa primeira representación, con Mascagni aparecendo 40 veces a saudar esa mesma noite. Cando morreu en 1945, a ópera alcanzara, tan só en Italia, as 14.000 representacións.

O argumento baséase nun nome que aparece no canto XXX do Inferno da Divina Comedia, como un dos personaxes no inferno. Pero o fundamento da trama da ópera de Puccini é, con todo, un comentario anónimo florentino sobre a Divina Comedia de Dante publicado en 1866, que aclara esa breve referencia na obra de Dante. Non se coñecen os detalles da vida de Gianni Schicchi, que foi un personaxe real que viviu no século XIII en Florencia, pero polo comentario anterior e outros adicionais, Gianni Schicchi foi famoso pola súa capacidade de suplantación de persoas, e por iso foi ao inferno.

Centro Cultural “A Ponte Vella” nace no ano 1986 por iniciativa dunha serie de veciños que motivados polo afer cultural das xentes do Concello que deciden constituirse como foco de cultura e saber popular, dando así a coñecer as raíces e o folclore do noso pobo mediante a formación do grupo de baile, “A Ponte Vella”, que dende entón ven realizando diferentes actuacións e mostras do noso folclore por todo o territorio galego, parte de España e os veciños Portugal e Francia. 

Co gallo do galardón das Letras Galegas 2020 a Carvalho Calero homenaxeamos a súa figura e ideario lingüístico con música e contos.

Cariño, confort, descanso, experiencias sensoriais, emoción, outros bebés, e diversión en familia. Unha sesión ideada para transcorrer polo universo da crianza, pasando dunha sensación a outra coa naturalidade coa que medramos a cada paso que damos. María Faltri e Jorge Juncal dan vida a este espectáculo pensando para a primeira infancia.  Cucú é unha selección das cancións do libro disco Fantasía coas Palabras que mellor acolle as necesidades dos primeiros anos de vida dos nosos protagonistas, os bebés.

Co motivo da tan desexada concesión do día das Letras Galegas a Ricardo Carvalho Calero Fantoches Baj súmase á celebración do 2020 coa representación da súa peza A Farsa das zocas. E faino coa linguaxe escénica que lle é máis característica, o teatro de obxectos, pois empregaremos marionetas de variña superior misturadas cun par de escenas representadas por actores. A música composta por Benxamín Otero e gravada pola Banda de Lalín e as pandeireteiras de Cercio é dunha gran riqueza expresiva que axuda a contextualización da peza na súa época.

Up2Down é un espectáculo de danza-circo contemporáneo no que o humor e a danza interactúan cunha disciplina circense nova en Galicia: o funambulismo; creando un universo singular. As bailarinas Marta Alonso & Paula Quintas interpretan a dous personaxes definidos polo seu status antagónico: o alto e o baixo; A funambulista etérea e ideal e A payada - terreal e mundana. Xunto a elas o espectador percorrerá unha viaxe emocional a través dos seus desexos e aspiracións ata que alcanzan un punto de encontro; o equilibrio.