Contacontos/Narración oral

O Fondo de proxectos culturais Xacobeo 2021 programa, en colaboración co Concello de Lalín, a actividade Un mantel de contos, que combina e pon en valor tradición oral e gastronomía da man do coñecido cociñeiro Diego López "Moli" e do famoso contador Celso Sanmartín.

Desenvolverase en dúas sesións (de 12:30-13:30 h e de 19:30-20:30 h) con capacidade limitada para 40 persoas cada unha delas, polo que cómpre reserva previa e confirmación de praza no enderezo manteldecontos.reserva@gmail.com.

Conmemoramos a Semana pola Igualdade e contra a Violencia de Xénero co novo espectáculo de Carmen Conde, que transcorre ao tempo que debulla fabas.

Conmemoramos a Semana pola Igualdade e contra a Violencia de Xénero con este contacontos.

Laia berrou dende a porta:
-Mamá vou a dar a volta ao mundo.
E Salaia, a súa nai cun sorriso como a lúa crecente, dixo adeus coa man. Sabía que cando os pés piden camiño ninguén pode pararlles. O mundo precisa que o camiñen para existir.
E así Laia voou polo camiño, na súa bicicleta lila e coñeceu as historias que hoxe conta. Historias de mulleres bolboretas.

Dirixido a nenas e nenos a partir de 3 anos.

Conmemoramos a Semana pola Igualdade e contra a Violencia de Xénero con este contacontos-espectáculo baseado no Baseado no libro de Eli Ríos “Marta e a píntega” (Galaxia) a cargo de Jara Ortiz e a actriz Ángeles Iglesias.

Julio Verne foi consciente da necesidade de que a ciencia e a tecnoloxía interviñesen de maneira activa na narrativa moderna. Os protagonistas das súas viaxes imaxinarias percorreron o planeta e mesmo visitaron algunhas das súas rexións descoñecidas, como o fondo do mar, as profundidades da Terra ou a traxectoria ata a Lúa. Á parte da viaxe e as aventuras, a súa narración era a escusa para ilustrar aos lectores nas realidades e marabillas da ciencia.

A cor é un concepto pluridisciplinar, pois involucra a disciplinas científicas como a física, a química e as matemáticas pero tamén a outras como a fisioloxía, a filosofía, a psicoloxía e a arte.
Mediante diferentes mesturas podemos obter diferentes trocos de cores ou obter novas cores. Cada día ten unha cor especial e mediante a ciencia podemos obter distintas cores. 

Dirixido a nenas e nenos de 3 a 8 anos.

No salón de actos. Entrada libre previa recollida dunha invitación no mostrador de información desde 30 minutos antes do comezo da actividade.

No marco da oitava edición do Festival Atlántica, interrompida en marzo, programamos este espectáculo de contos con apoio de bonecos, obxectos e instrumentos musicais que desfilan ante un animalario para voarmos alto, alto coa imaxinación coma as cometas. Un universo de animais, poetas, de palabras bulideiras de poesía visual e de ritmos para xogar. Un espectáculo para rir, soñar e divertirse cheo de sorpresas.

Sesión de contacontos para público adulto con Avelino González.

Antes os contos pasaban de boca a orella, agora, ademáis, pasan de ollos a boca e a orella. Contámonos contos que limos ademáis dos que oímos, e, se gustan, recomendamos os libros!
Así podemos, cada quen, facer a nosa versión do conto dende o orixinal. Así que, vouvos contar contos que lin, co desexo de que vos gusten; e a biblioteca vaivos ofrecer os libros, para que imaxinedes eses contos, e máis, á vosa maneira.

Un convite a contar contos todos e todas. A imaxinación, o xogo, a música, a complicidade e a re-creación son algún dos ingredientes deste espectáculo. Participación garantida!.

Público infantil de 3 a 8 anos.

É necesario reservar praza na propia biblioteca ou no teléfono 886 120 445.

Ninguén coñecía os camiños mellor ca os arrieiros. Estes eran, na súa maioría, homes, pero Atenea García (narradora) e Nicolás Zamorano (músico) vannos presentar unha arrieira coñecedora dos vieiros e das súas xentes. A arrieira, no seu percorrido, tiña atopado historias de vida, seres míticos, lavandeiras e afiadores e, coma un tesouro, fora gardando todos eses saberes e sentires na súa memoria. Había quen dicía que pedía contos a cambio de cantares: "Regáloche unha cantiga se me contas un conto". Así o cesto da arrieira cargábase de historias recollidas nos carreiros.